الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
كتاب النكاح
--. جنگی قیدی عورتوں کے بارے میں
حدیث نمبر: 3170 |
|
ابوسعید خدری رضی اللہ عنہ سے روایت ہے کہ رسول اللہ صلی اللہ علیہ وآلہ وسلم نے حنین کے دن اوطاس کی طرف ایک لشکر روانہ کیا تو ان کا دشمن سے آمنا سامنا ہوا، انہوں نے ان سے قتال کیا اور وہ ان پر غالب آ گئے اور انہوں نے کچھ خواتین گرفتار کر لیں، نبی صلی اللہ علیہ وآلہ وسلم کے بعض صحابہ نے ان لونڈیوں سے ان کے مشرک خاوندوں کے موجود ہونے کی وجہ سے، جماع کرنے میں حرج محسوس کیا تو اللہ تعالیٰ نے اس کے متعلق یہ آیت نازل فرمائی: ”اور شادی شدہ عورتیں (تم پر حرام کی گئی ہیں) مگر تمہاری لونڈیاں۔ “ یعنی جب ان کی عدت مکمل ہو جائے تو پھر وہ تمہارے لیے حلال ہیں۔ رواہ مسلم۔
تحقيق و تخريج الحدیث: محدث العصر حافظ زبير على زئي رحمه الله:
«رواه مسلم (33/ 1456)»
«رواه مسلم (33/ 1456)»
قال الشيخ زبير على زئي: صحيح
--. چھوٹے اور بڑے سگے رشتہ والی عورتوں کو جمع نہ کیا جائے
حدیث نمبر: 3171 |
|
ابوہریرہ رضی اللہ عنہ سے روایت ہے کہ رسول اللہ صلی اللہ علیہ وآلہ وسلم نے منع فرمایا کہ ایسی عورت سے نکاح کیا جائے جس کی پھوپھی اس کے نکاح میں پہلے سے ہو یا پھوپھی سے اس کی بھتیجی کے ہوتے ہوئے نکاح نہ کیا جائے، اسی طرح خالہ اور بھانجی کو یا بھانجی اور خالہ کو ایک ساتھ ایک مرد کے نکاح میں جمع نہ کیا جائے نیز (رشتے میں) چھوٹی (مثلاً: بھتیجی، بھانجی) کا بڑی پر اور اور بڑی کا چھوٹی پر نکاح کرنے سے منع فرمایا۔ ترمذی، ابوداؤد، دارمی، نسائی۔ اور ان کی روایت ((بنت اختھا)) تک ہے۔ اسنادہ صحیح، رواہ الترمذی و ابوداؤد و الدارمی و النسائی۔
تحقيق و تخريج الحدیث: محدث العصر حافظ زبير على زئي رحمه الله:
«إسناده صحيح، رواه الترمذي (1126 وقال: حسن صحيح) و أبو داود (2065) و الدارمي (136/2 ح2184) و النسائي (98/6 ح 3298 مختصرًا و عنده: ’’بنت أخيھا‘‘ / مذکر)»
«إسناده صحيح، رواه الترمذي (1126 وقال: حسن صحيح) و أبو داود (2065) و الدارمي (136/2 ح2184) و النسائي (98/6 ح 3298 مختصرًا و عنده: ’’بنت أخيھا‘‘ / مذکر)»
قال الشيخ زبير على زئي: إسناده صحيح
--. باپ کی منکوحہ سے نکاح کو حلال سمجھنے والا واجب القتل
حدیث نمبر: 3172 |
|
براء بن عازب رضی اللہ عنہ بیان کرتے ہیں، میرے ماموں ابوبُردہ بن نیار رضی اللہ عنہ پرچم اٹھائے میرے پاس سے گزرے تو میں نے کہا: آپ کہاں جا رہے ہیں؟ انہوں نے کہا: مجھے نبی صلی اللہ علیہ وآلہ وسلم نے ایک آدمی کی طرف بھیجا ہے، جس نے اپنے باپ کی بیوی سے شادی کی ہے، تاکہ میں اس کا سر آپ کی خدمت میں پیش کروں۔ اسے ترمذی اور ابوداؤد نے روایت کیا ہے، ابوداؤد، نسائی، ابن ماجہ اور دارمی کی روایت میں ہے کہ آپ صلی اللہ علیہ وآلہ وسلم نے مجھے حکم فرمایا ہے کہ میں اسے قتل کر دوں اور اس کا مال لے لوں۔ اور اس روایت میں ”میرے ماموں“ کے بجائے ”میرے چچا“ کا لفظ ہے۔ صحیح، رواہ الترمذی و ابوداؤد و نسائی و ابن ماجہ و الدارمی۔
تحقيق و تخريج الحدیث: محدث العصر حافظ زبير على زئي رحمه الله:
«صحيح، رواه الترمذي (1362 وقال: حسن غريب) و أبو داود (4456 و الرواية الثانية له: 4457) و النسائي (110/6 ح 3334) وابن ماجه (2607) و الدارمي (153/2 ح 2245)»
«صحيح، رواه الترمذي (1362 وقال: حسن غريب) و أبو داود (4456 و الرواية الثانية له: 4457) و النسائي (110/6 ح 3334) وابن ماجه (2607) و الدارمي (153/2 ح 2245)»
قال الشيخ زبير على زئي: صحيح
--. رضاعت دودھ چھڑانے کی عمر تک ثابت ہوتی ہے
حدیث نمبر: 3173 |
|
ام سلمہ رضی اللہ عنہ بیان کرتی ہیں، رسول اللہ صلی اللہ علیہ وآلہ وسلم نے فرمایا: ”وہ رضاعت باعث حرمت ہے، جو براہ راست چھاتیوں سے دودھ پی کر (بھوک مٹا کر) انتڑیاں کھول دے، اور یہ (رضاعت) دودھ چھڑانے سے پہلے ہو۔ “ صحیح، رواہ الترمذی۔
تحقيق و تخريج الحدیث: محدث العصر حافظ زبير على زئي رحمه الله:
«صحيح، رواه الترمذي (1152 وقال: حسن صحيح)»
«صحيح، رواه الترمذي (1152 وقال: حسن صحيح)»
قال الشيخ زبير على زئي: صحيح
--. خدمت کا بدل خادم
حدیث نمبر: 3174 |
|
حجاج بن حجاج اسلمی اپنے والد سے روایت کرتے ہیں کہ انہوں نے عرض کیا: اللہ کے رسول! مجھ سے کس طرح حقِ رضاعت ادا ہو سکتا ہے؟ آپ صلی اللہ علیہ وآلہ وسلم نے فرمایا: ”رضاعی ماں کو غلام یا لونڈی دینے سے۔ “ اسنادہ حسن، رواہ الترمذی و ابوداؤد و النسائی و الدارمی۔
تحقيق و تخريج الحدیث: محدث العصر حافظ زبير على زئي رحمه الله:
«إسناده حسن، رواه الترمذي (1153 وقال: حسن صحيح) و أبو داود (2064) و النسائي (108/6 ح 3331) والدارمي (157/2 ح 2259)»
«إسناده حسن، رواه الترمذي (1153 وقال: حسن صحيح) و أبو داود (2064) و النسائي (108/6 ح 3331) والدارمي (157/2 ح 2259)»
قال الشيخ زبير على زئي: إسناده حسن
--. دودھ پلانے والی کی تعظیم
حدیث نمبر: 3175 |
|
ابوطفیل غنوی رضی اللہ عنہ بیان کرتے ہیں، میں نبی صلی اللہ علیہ وآلہ وسلم کی خدمت میں حاضر تھا کہ ایک عورت آئی۔ نبی صلی اللہ علیہ وآلہ وسلم نے اپنی چادر بچھائی حتی کہ وہ اس پر بیٹھ گئی، جب وہ چلی گئی تو بتایا گیا کہ اس خاتون نے نبی صلی اللہ علیہ وآلہ وسلم کو دودھ پلایا تھا (آپ صلی اللہ علیہ وآلہ وسلم کی رضاعی والدہ ہیں)۔ اسنادہ ضعیف، رواہ ابوداؤد۔
تحقيق و تخريج الحدیث: محدث العصر حافظ زبير على زئي رحمه الله:
«إسناده ضعيف، رواه أبو داود (5144)
٭ عمارة بن ثوبان: مستور و جعفر بن يحيي مثله.»
«إسناده ضعيف، رواه أبو داود (5144)
٭ عمارة بن ثوبان: مستور و جعفر بن يحيي مثله.»
قال الشيخ زبير على زئي: إسناده ضعيف
--. چار سے زائد بیویوں کو طلاق
حدیث نمبر: 3176 |
|
ابن عمر رضی اللہ عنہ سے روایت ہے کہ غیلان بن سلمہ ثقفی رضی اللہ عنہ نے اسلام قبول کیا اور ان کی دور جاہلیت میں دس بیویاں تھیں، وہ بھی ان کے ساتھ ہی مسلمان ہو گئیں، نبی صلی اللہ علیہ وآلہ وسلم نے فرمایا: ”چار رکھ لو اور باقی فارغ کر دو۔ “ سندہ ضعیف، رواہ احمد و الترمذی و ابن ماجہ۔
تحقيق و تخريج الحدیث: محدث العصر حافظ زبير على زئي رحمه الله:
«سنده ضعيف، رواه أحمد (44/2 ح 5027) و الترمذي (1128) و ابن ماجه (1953)
٭ الزھري مدلس و عنعن و للحديث شواھد ضعيفة.»
«سنده ضعيف، رواه أحمد (44/2 ح 5027) و الترمذي (1128) و ابن ماجه (1953)
٭ الزھري مدلس و عنعن و للحديث شواھد ضعيفة.»
قال الشيخ زبير على زئي: سنده ضعيف
--. جاہلیت کے باطل نکاح؟
حدیث نمبر: 3177 |
|
نوفل بن معاویہ رضی اللہ عنہ بیان کرتے ہیں، میں نے اسلام قبول کیا تو اس وقت میری پانچ بیویاں تھیں، میں نے نبی صلی اللہ علیہ وآلہ وسلم سے مسئلہ دریافت کیا تو آپ صلی اللہ علیہ وآلہ وسلم نے فرمایا: ”ایک کو چھوڑ دو اور چار رکھ لو۔ “ میں نے ان میں سے اپنی سب سے پہلی بیوی کو، جو بانجھ تھی اور ساٹھ سال سے میری رفیقہ حیات تھی، خود سے جدا کر دیا۔ اسنادہ ضعیف، رواہ فی شرح السنہ۔
تحقيق و تخريج الحدیث: محدث العصر حافظ زبير على زئي رحمه الله:
«إسناده ضعيف، رواه البغوي في شرح السنة (90/9. 91 ح 22899) [و الشافعي 351/2: أخبرنا بعض أصحابنا عن أبي الزناد إلخ و من طريقه البيھقي (184/7) و ھذا البعض مجھول]»
«إسناده ضعيف، رواه البغوي في شرح السنة (90/9. 91 ح 22899) [و الشافعي 351/2: أخبرنا بعض أصحابنا عن أبي الزناد إلخ و من طريقه البيھقي (184/7) و ھذا البعض مجھول]»
قال الشيخ زبير على زئي: إسناده ضعيف
--. دو سگی بہنیں ایک ساتھ نکاح میں رکھنا منع ہے
حدیث نمبر: 3178 |
|
ضحاک بن فیروز دیلمی اپنے والد سے روایت کرتے ہیں، انہوں نے کہا: میں نے عرض کیا: اللہ کے رسول! میں نے اسلام قبول کر لیا ہے اور دو بہنیں میرے نکاح میں ہیں، آپ صلی اللہ علیہ وآلہ وسلم نے فرمایا: ”ان دونوں میں سے جسے چاہو اختیار کر لو (دوسری چھوڑ دو)۔ “ اسنادہ حسن، رواہ الترمذی و ابوداؤد و ابن ماجہ۔
تحقيق و تخريج الحدیث: محدث العصر حافظ زبير على زئي رحمه الله:
«إسناده حسن، رواه الترمذي (1130) و أبو داود (2243) و ابن ماجه (1951)»
«إسناده حسن، رواه الترمذي (1130) و أبو داود (2243) و ابن ماجه (1951)»
قال الشيخ زبير على زئي: إسناده حسن
--. شوہر کون ایک مسئلہ
حدیث نمبر: 3179 |
|
ابن عباس رضی اللہ عنہ بیان کرتے ہیں، ایک عورت نے اسلام قبول کیا اور اس نے شادی کر لی، اتنے میں اس کا (پہلا) خاوند نبی صلی اللہ علیہ وآلہ وسلم کی خدمت میں حاضر ہوا تو اس نے عرض کیا، اللہ کے رسول! میں اسلام قبول کر چکا ہوں اور اس (عورت) کو میرے اسلام قبول کرنے کا علم ہے، رسول اللہ صلی اللہ علیہ وآلہ وسلم نے اس (عورت) کو اس کے دوسرے خاوند سے لے کر اس کے پہلے خاوند کو واپس کر دیا۔ اور ایک روایت میں ہے کہ اس نے عرض کیا: اس (عورت) نے میرے ساتھ ہی اسلام قبول کیا ہے، آپ صلی اللہ علیہ وآلہ وسلم نے اس (عورت) کو اس کے حوالے کر دیا۔ اسنادہ ضعیف، رواہ ابوداؤد۔
تحقيق و تخريج الحدیث: محدث العصر حافظ زبير على زئي رحمه الله:
«إسناده ضعيف، رواه أبو داود (2238. 2239)
٭ سماک بن حرب: ضعيف الحديث عن عکرمة، صحيح الحديث عن غيره، إذا حدّث قبل الاختلاط کما حققته في رسالة خاصة و الحمد للّٰه.»
«إسناده ضعيف، رواه أبو داود (2238. 2239)
٭ سماک بن حرب: ضعيف الحديث عن عکرمة، صحيح الحديث عن غيره، إذا حدّث قبل الاختلاط کما حققته في رسالة خاصة و الحمد للّٰه.»
قال الشيخ زبير على زئي: إسناده ضعيف