´(کھانے کے متعلق احادیث)`
سیدہ اسماء بنت ابی بکر رضی اللہ عنہا سے روایت ہے کہ ہم نے نبی کریم صلی اللہ علیہ وسلم کے عہد میں گھوڑا ذبح کیا اور اسے ہم نے کھایا بھی۔ (بخاری ومسلم) «بلوغ المرام/حدیث: 1144»

تخریج:
«أخرجه البخاري، الذبائح والصيد، باب النحو والذبح، حديث:5512، ومسلم، الصيد والذبائح، باب إباحة أكل الحوم الخيل، حديث:1942.» تشریح:
اس حدیث سے ثابت ہوا کہ گھوڑے کا گوشت کھانا حلال ہے جیسا کہ اس سے پہلے بھی اس باب کے شروع میں حضرت جابر رضی اللہ عنہ کی حدیث گزر چکی ہے۔
یاد رہے! گھوڑے کے گوشت کی حرمت پر کوئی لائق اعتبار دلیل نہیں ہے۔
مزید تفصیل کے لیے دیکھیے: (سنن ابوداود‘ اردو‘ طبع دارالسلام‘ حدیث: ۳۷۹۰ کے فوائد و مسائل)