حضرت سعید بن مسیّب سے روایت ہے کہ رسول اللہ صلی اللہ علیہ وسلم نے حکم کیا پیٹ کے بچے میں جو قتل کیا جائے ایک غلام یا لونڈی دینے کا، جس پر آپ صلی اللہ علیہ وسلم نے دیت دینے کا حکم کیا وہ بولا: کیونکر میں تاوان دوں اس بچے کا «مَن لَا شَرَبَ وَلَا اَكَلَ وَلَا نَطَقَ وَلَا اسْتَهَلَّ وَمِثْلُ ذَالِكَ يُطَلُّ» جس نے نہ پیا، نہ کھایا، نہ بولا، نہ رویا، ایسے شخص کا خون ہدر ہے یعنی لغو ہے، اس میں دیت نہیں۔ رسول اللہ صلی اللہ علیہ وسلم نے فرمایا: ”یہ شخص کاہنوں کا بھائی ہے۔“