الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
کتاب: صلح کے مسائل کا بیان
1. بَابُ مَا جَاءَ فِي الإِصْلاَحِ بَيْنَ النَّاسِ:
1. باب: لوگوں میں صلح کرانے کا ثواب۔
حدیث نمبر: 2691 |
|
ہم سے مسدد نے بیان کیا، کہا ہم سے معتمر نے بیان کیا، کہا کہ میں نے اپنے باپ سے سنا اور ان سے انس رضی اللہ عنہ نے بیان کیا کہ نبی کریم صلی اللہ علیہ وسلم سے عرض کیا گیا، اگر آپ عبداللہ بن ابی (منافق) کے یہاں تشریف لے چلتے تو بہتر تھا۔ آپ صلی اللہ علیہ وسلم اس کے یہاں ایک گدھے پر سوار ہو کر تشریف لے گئے۔ صحابہ رضوان اللہ علیہم پیدل آپ صلی اللہ علیہ وسلم کے ہمراہ تھے۔ جدھر سے آپ صلی اللہ علیہ وسلم گزر رہے تھے وہ شور زمین تھی۔ جب نبی کریم صلی اللہ علیہ وسلم اس کے یہاں پہنچے تو وہ کہنے لگا ذرا آپ دور ہی رہئیے آپ کے گدھے کی بو نے میرا دماغ پریشان کر دیا ہے۔ اس پر ایک انصاری صحابی بولے کہ اللہ کی قسم! رسول اللہ صلی اللہ علیہ وسلم کا گدھا تجھ سے زیادہ خوشبودار ہے۔ عبداللہ (منافق) کی طرف سے اس کی قوم کا ایک شخص اس صحابی کی اس بات پر غصہ ہو گیا اور دونوں نے ایک دوسرے کو برا بھلا کہا۔ پھر دونوں طرف سے دونوں کے حمایتی مشتعل ہو گئے اور ہاتھا پائی، چھڑی اور جوتے تک نوبت پہنچ گئی۔ ہمیں معلوم ہوا ہے کہ یہ آیت اسی موقع پر نازل ہوئی تھی۔ «وإن طائفتان من المؤمنين اقتتلوا فأصلحوا بينهما» ”اگر مسلمانوں کے دو گروہ آپس میں لڑ پڑیں تو ان میں صلح کرا دو۔“
| ● صحيح البخاري | 2691 | أنس بن مالك | إليك عني والله لقد آذاني نتن حمارك فقال رجل من الأنصار منهم والله لحمار رسول الله أطيب ريحا منك فغضب لعبد الله رجل من قومه فشتمه فغضب لكل واحد منهما أصحابه فكان بينهما ضرب بالجريد والأيدي والنعال فبلغنا أنها أنزلت وإن طائفتان من المؤمنين اقتتلوا فأصلحوا ب |
| ● صحيح مسلم | 4661 | أنس بن مالك | إليك عني فوالله لقد آذاني نتن حمارك قال فقال رجل من الأنصار والله لحمار رسول الله أطيب ريحا منك قال فغضب لعبد الله رجل من قومه قال فغضب لكل واحد منهما أصحابه قال فكان بينهم ضرب بالجريد وبالأيدي وبالنعال قال فبلغنا أنها نزلت فيهم وإن طائفتان من المؤمنين اق |
تخریج الحدیث کے تحت حدیث کے فوائد و مسائل
الشيخ حافظ ابويحيي نورپوري حفظ الله، فوائد و مسائل، تحت الحديث صحيح بخاري 2691
´اگر مسلمانوں کے دو گروہ آپس میں لڑ پڑیں تو`
”. . . اگر مسلمانوں کے دو گروہ آپس میں لڑ پڑیں تو ان میں صلح کرا دو۔ . . .“ [صحيح البخاري/كِتَاب الصُّلْحِ/ بَابُ مَا جَاءَ فِي الإِصْلاَحِ بَيْنَ النَّاسِ:/ ح: 2691]
”. . . اگر مسلمانوں کے دو گروہ آپس میں لڑ پڑیں تو ان میں صلح کرا دو۔ . . .“ [صحيح البخاري/كِتَاب الصُّلْحِ/ بَابُ مَا جَاءَ فِي الإِصْلاَحِ بَيْنَ النَّاسِ:/ ح: 2691]
اشكال ازاله
صحیحین کی مرفوع ومتصل احادیث بالاجماع صحیح ہیں، لیکن جو ٹکڑا محل اعتراض ہے، وہ مرفوع نہیں، بلکہ مقطوع ہے۔ یعنی رسول اللہ صلی اللہ علیہ وسلم کا فرمان نہیں، معتمر بن سلیمان جو کہ صغار تبع تابعین میں سے ہیں، ان کا قول ہے۔
امام مہلب بن ابی صفرہ رحمہ اللہ (م 435 ھ) صحیح بخاری کی تہذیب ”المختصر النصیح“ میں لکھتے ہیں:
«وقال معتمر فى حديث أنس: فبلغنا أنها نزلت ... .»
پھر یہ قول بھی بلا اسناد ہے۔
معتمر بن سلیمان نے «فبلغنا» (ہمیں یہ بات پہنچی ہے) کے الفاظ سے اس کا اظہار بھی کیا ہے۔
ائمہ دین نے اس حدیث کی شرح میں یہ بھی ذکر کیا ہے کہ یہ اس دور کا واقعہ ہے جب عبد اللہ بن ابی نے اوپر اوپر سے بھی اسلام قبول نہیں کیا تھا، تو یہ آیت اس کے گروہ پر کیسے منطبق ہو سکتی ہے؟
لہذا سورہ حجرات کی آیت نمبر 9 کا منافقین کے گروہ سے کوئی تعلق نہیں،
سو یہ اشکال ختم ہوا۔
ایک بھائی نے سوال کیا کہ صحیحین کی ایک حدیث جس میں صحابہ کرام اور منافق عبد اللہ بن ابی کے ساتھیوں میں ہونے والی لڑائی کا ذکر ہے، اس میں سورہ حجرات کی آیت نمبر 9 کے نزول کا تذکرہ ہے، حالانکہ اس آیت میں دو مؤمن گروہوں کی لڑائی کی بات ہے، جب کہ حدیث میں دوسرا گروہ منافقوں کا ہے۔
جواب: صحیحین کی مرفوع ومتصل احادیث بالاجماع صحیح ہیں، لیکن جو ٹکڑا محل اعتراض ہے، وہ مرفوع نہیں، بلکہ مقطوع ہے۔ یعنی رسول اللہ صلی اللہ علیہ وسلم کا فرمان نہیں، معتمر بن سلیمان جو کہ صغار تبع تابعین میں سے ہیں، ان کا قول ہے۔
امام مہلب بن ابی صفرہ رحمہ اللہ (م 435 ھ) صحیح بخاری کی تہذیب ”المختصر النصیح“ میں لکھتے ہیں:
«وقال معتمر فى حديث أنس: فبلغنا أنها نزلت ... .»
پھر یہ قول بھی بلا اسناد ہے۔
معتمر بن سلیمان نے «فبلغنا» (ہمیں یہ بات پہنچی ہے) کے الفاظ سے اس کا اظہار بھی کیا ہے۔
ائمہ دین نے اس حدیث کی شرح میں یہ بھی ذکر کیا ہے کہ یہ اس دور کا واقعہ ہے جب عبد اللہ بن ابی نے اوپر اوپر سے بھی اسلام قبول نہیں کیا تھا، تو یہ آیت اس کے گروہ پر کیسے منطبق ہو سکتی ہے؟
لہذا سورہ حجرات کی آیت نمبر 9 کا منافقین کے گروہ سے کوئی تعلق نہیں،
سو یہ اشکال ختم ہوا۔
مذید تشریحات، حدیث\صفحہ نمبر: 0
مولانا داود راز رحمه الله، فوائد و مسائل، تحت الحديث صحيح بخاري: 2691
2691. حضرت انس ؓ سے روایت ہے، انھوں نے کہا: نبی کریم ﷺ سے عرض کیا گیا: اگر آپ (رئیس المنافقین) عبداللہ بن ابی کے پاس تشریف لے جائیں تو بہتر ہوگا، چنانچہ آ پ ﷺ گدھے پر سوار ہوکر اس کے پاس تشریف لے گئے۔ کچھ مسلمان بھی آپ کے ہمراہ روانہ ہوئے۔ جس راستے سے آپ جارہے تھے وہ شور کلر والی زمین تھی۔ جب نبی کریم ﷺ اسکے پاس تشریف لے گئے تو عبداللہ بن ابی کہنے لگا: آپ مجھ سے دور رہیے، اللہ کی قسم! آپ کے گدھے کی بونے مجھے بہت اذیت پہنچائی ہے۔ ان میں سے ایک انصاری ؓ نے کہا: اللہ کی قسم!رسول اللہ ﷺ کا گدھا تجھ سے خوشبودارہے۔ عبداللہ بن ابی منافق کی قوم کا ایک شخص اس پر غضبناک ہوا، یہاں تک کہ دونوں نے ایک دوسرے کو برا بھلا کہنا شروع کردیا۔ اس طرح ہر ایک کی طرف سے ان کے ساتھی مشتعل ہوگئے اور ان کے د رمیان چھڑیوں، ہاتھوں اور جوتوں سے مارکٹائی شروع ہوگئی۔ ہمیں معلوم ہوا کہ درج ذیل آیت اس موقع پر۔۔۔۔ (مکمل حدیث اس نمبر پر پڑھیے۔) [صحيح بخاري، حديث نمبر:2691]
حدیث حاشیہ:
عبداللہ بن ابی خزرج کا سردار تھا، مدینہ والے اس کو بادشاہ بنانے کو تھے، آنحضرت ﷺ تشریف لائے اور یہ امر ملتوی رہا، لوگوں نے آپ کو یہ رائے دی کہ آپ اس کے پاس تشریف لے جائیں گے تو اس کی دلجوئی ہوگی اوربہت سے لوگ اسلام قبول کریں گے۔
پیغمبر مغرور نہیں ہوتے، آپ بلاتکلف تشریف لے گئے۔
مگر اس مردود نے جو اپنے آپ کو بہت نفیس مزاج سمجھتا تھا، آپ کے گدھے کو بدبودار سمجھا اور یہ گستاخانہ کلام کیا جو اس کے خبث باطنی کی دلیل تھا۔
ایک انصاری صحابی نے اس کو منہ توڑ جواب دیا جسے سن کر اس منافق کے خاندان کے کچھ لوگ طیش میں آگئے اور قریب تھا کہ باہم جنگ بپا ہوجائے، آنحضرت ﷺ نے ہر دو فریق میں صلح کرادی، آیت میں مسلمانوں میں صلح کرانے کا ذکر ہے۔
یہ ہر دو گروہ مسلمان ہی تھے۔
کتاب الصلح میں اس لیے اس حدیث کو حضرت امام ؒ نے درج کیا کہ آپس کی صلح صفائی کے لیے آنحضرت ﷺ کی سخت ترین تاکیدات ہیں اور یہ عمل عنداللہ بہت ہی اجروثواب کا موجب ہے۔
آیت مذکورہ فی الباب میں یہ ہے کہ مسلمانوں کے دو گروہ آپس میں لڑپڑیں تو ان میں صلح کرادو۔
مگر یہاں یہ اعتراض ہوتا ہے کہ آیت تو مسلمانوں کے بارے میں ہے اور عبداللہ بن ابی کے ساتھی تو اس وقت تک کافر تھے۔
قسطلانی نے کہا ابن عباس ؓ کی تفسیر میں ہے کہ عبداللہ بن ابی کے ساتھی بھی مسلمان ہوچکے تھے، آیت میں لفظ ”مومنین“ خود اس امر پر دلیل ہے۔
اہل اسلام کا باہمی قتل و قتال اتنا برا ہے کہ اس کی جس قدر مذمت کی جائے کم ہے۔
اللھم ألف بین قلوبنا وأصلح ذات بیننا بعض متعصب مقلد علماءنے اپنے مسلک کے سوا دوسرے مسلمانوں کے خلاف عوام میں اس قدر تعصب پھیلا رکھا ہے کہ وہ دوسرے مسلمانوں کو بالکل اجنبیت کی نگاہوں سے دیکھتے ہیں۔
ایسے علماءکو خدا نیک سمجھ عطا کرے۔
آمین۔
خاص طور پر اہل حدیث سے بغض و عناد اہل بدعت کی نشانی ہے جیسا کہ حضرت شاہ عبدالقادر جیلانی ؒنے تحریر فرمایا ہے۔
عبداللہ بن ابی خزرج کا سردار تھا، مدینہ والے اس کو بادشاہ بنانے کو تھے، آنحضرت ﷺ تشریف لائے اور یہ امر ملتوی رہا، لوگوں نے آپ کو یہ رائے دی کہ آپ اس کے پاس تشریف لے جائیں گے تو اس کی دلجوئی ہوگی اوربہت سے لوگ اسلام قبول کریں گے۔
پیغمبر مغرور نہیں ہوتے، آپ بلاتکلف تشریف لے گئے۔
مگر اس مردود نے جو اپنے آپ کو بہت نفیس مزاج سمجھتا تھا، آپ کے گدھے کو بدبودار سمجھا اور یہ گستاخانہ کلام کیا جو اس کے خبث باطنی کی دلیل تھا۔
ایک انصاری صحابی نے اس کو منہ توڑ جواب دیا جسے سن کر اس منافق کے خاندان کے کچھ لوگ طیش میں آگئے اور قریب تھا کہ باہم جنگ بپا ہوجائے، آنحضرت ﷺ نے ہر دو فریق میں صلح کرادی، آیت میں مسلمانوں میں صلح کرانے کا ذکر ہے۔
یہ ہر دو گروہ مسلمان ہی تھے۔
کتاب الصلح میں اس لیے اس حدیث کو حضرت امام ؒ نے درج کیا کہ آپس کی صلح صفائی کے لیے آنحضرت ﷺ کی سخت ترین تاکیدات ہیں اور یہ عمل عنداللہ بہت ہی اجروثواب کا موجب ہے۔
آیت مذکورہ فی الباب میں یہ ہے کہ مسلمانوں کے دو گروہ آپس میں لڑپڑیں تو ان میں صلح کرادو۔
مگر یہاں یہ اعتراض ہوتا ہے کہ آیت تو مسلمانوں کے بارے میں ہے اور عبداللہ بن ابی کے ساتھی تو اس وقت تک کافر تھے۔
قسطلانی نے کہا ابن عباس ؓ کی تفسیر میں ہے کہ عبداللہ بن ابی کے ساتھی بھی مسلمان ہوچکے تھے، آیت میں لفظ ”مومنین“ خود اس امر پر دلیل ہے۔
اہل اسلام کا باہمی قتل و قتال اتنا برا ہے کہ اس کی جس قدر مذمت کی جائے کم ہے۔
اللھم ألف بین قلوبنا وأصلح ذات بیننا بعض متعصب مقلد علماءنے اپنے مسلک کے سوا دوسرے مسلمانوں کے خلاف عوام میں اس قدر تعصب پھیلا رکھا ہے کہ وہ دوسرے مسلمانوں کو بالکل اجنبیت کی نگاہوں سے دیکھتے ہیں۔
ایسے علماءکو خدا نیک سمجھ عطا کرے۔
آمین۔
خاص طور پر اہل حدیث سے بغض و عناد اہل بدعت کی نشانی ہے جیسا کہ حضرت شاہ عبدالقادر جیلانی ؒنے تحریر فرمایا ہے۔
صحیح بخاری شرح از مولانا داود راز، حدیث\صفحہ نمبر: 2691
الشيخ حافط عبدالستار الحماد حفظ الله، فوائد و مسائل، تحت الحديث صحيح بخاري:2691
2691. حضرت انس ؓ سے روایت ہے، انھوں نے کہا: نبی کریم ﷺ سے عرض کیا گیا: اگر آپ (رئیس المنافقین) عبداللہ بن ابی کے پاس تشریف لے جائیں تو بہتر ہوگا، چنانچہ آ پ ﷺ گدھے پر سوار ہوکر اس کے پاس تشریف لے گئے۔ کچھ مسلمان بھی آپ کے ہمراہ روانہ ہوئے۔ جس راستے سے آپ جارہے تھے وہ شور کلر والی زمین تھی۔ جب نبی کریم ﷺ اسکے پاس تشریف لے گئے تو عبداللہ بن ابی کہنے لگا: آپ مجھ سے دور رہیے، اللہ کی قسم! آپ کے گدھے کی بونے مجھے بہت اذیت پہنچائی ہے۔ ان میں سے ایک انصاری ؓ نے کہا: اللہ کی قسم!رسول اللہ ﷺ کا گدھا تجھ سے خوشبودارہے۔ عبداللہ بن ابی منافق کی قوم کا ایک شخص اس پر غضبناک ہوا، یہاں تک کہ دونوں نے ایک دوسرے کو برا بھلا کہنا شروع کردیا۔ اس طرح ہر ایک کی طرف سے ان کے ساتھی مشتعل ہوگئے اور ان کے د رمیان چھڑیوں، ہاتھوں اور جوتوں سے مارکٹائی شروع ہوگئی۔ ہمیں معلوم ہوا کہ درج ذیل آیت اس موقع پر۔۔۔۔ (مکمل حدیث اس نمبر پر پڑھیے۔) [صحيح بخاري، حديث نمبر:2691]
حدیث حاشیہ:
(1)
عبداللہ بن ابی قبیلۂ خزرج کا سردار تھا۔
اہل مدینہ نے اسے مشترکہ طور پر اپنا رئیس بنانے کا فیصلہ کر لیا تھا اور اس کی تاج پوشی کے لیے وقت بھی طے ہو چکا تھا۔
رسول اللہ ﷺ کی مدینہ طیبہ تشریف آوری کی وجہ سے اس رسم تاج پوشی کو عمل میں نہ لایا جا سکا۔
رسول اللہ ﷺ کو مشورہ دیا گیا کہ اگر آپ اس کے پاس تشریف لے جائیں گے تو اس کی دلجوئی ہو گی۔
شاید وہ اپنے ساتھیوں سمیت مسلمان ہو جائے۔
اس بنا پر آپ بلاتکلف وہاں چلے گئے، پھر وہاں جو کچھ ہوا وہ حدیث میں مذکور ہے۔
رسول اللہ ﷺ نے فریقین کے درمیان صلح کرا دی۔
یہ دونوں گروہ مسلمان تھے جیسا کہ آیت کریمہ سے معلوم ہوتا ہے۔
درج ذیل حدیث میں مزید تفصیل ہے۔
حضرت اسامہ بن زید ؓ سے روایت ہے کہ رسول اللہ ﷺ ایک گدھے پر سوار ہوئے جس پر پالان رکھا ہوا تھا اور آپ کے نیچے مقام فدک کی بنی ہوئی ایک مخملی چادر بچھی ہوئی تھی۔
آپ نے اس سواری پر اپنے پیچھے حضرت اسامہ بن زید ؓ کو بٹھایا۔
آپ حارث بن خزرج قبیلے میں حضرت سعد بن عبادہ ؓ کی تیمارداری کرنا چاہتے تھے۔
یہ غزوۂ بدر سے پہلے کا واقعہ ہے۔
اس دوران میں رسول اللہ ﷺ ایک مجلس پر سے گزرے جس میں مسلمان، بت پرست مشرک اور یہودی سب شریک تھے۔
اس میں عبداللہ بن ابی ابن سلول بھی تھا۔
وہاں حضرت عبداللہ بن رواحہ ؓ بھی موجود تھے۔
جب مجلس پر سواری کا گردوغبار پڑا تو عبداللہ بن ابی نے اپنی چادر سے اپنی ناک چھپاتے ہوئے کہا:
ہمارے اوپر غبار نہ اڑاؤ۔
اس کے بعد رسول اللہ ﷺ نے اتر کر سلام کیا اور وہاں رُک گئے، انہیں اللہ کی طرف بلایا اور انہیں قرآن مجید پڑھ کر سنایا۔
عبداللہ بن ابی بولا:
صاحب! یہ اچھی بات نہیں ہے۔
اگر تم صحیح کہتے ہو تو ہماری مجلسوں میں آ کر تکلیف نہ دیا کرو۔
اپنے گھر جاؤ، ہم میں سے جو تمہارے پاس آئے اسے تبلیغ کرو۔
رد عمل کے طور پر حضرت عبداللہ بن رواحہ ؓ نے کہا:
اللہ کے رسول! آپ ہماری مجالس میں تشریف لایا کریں کیونکہ ہم اسے پسند کرتے ہیں۔
پھر مسلمانوں، مشرکوں اور یہودیوں میں اس بات پر تو تو میں میں ہونے لگی۔
قریب تھا کہ ایک دوسرے پر حملہ کر دیں، لیکن رسول اللہ ﷺ انہیں مسلسل خاموش کراتے رہے یہاں تک کہ وہ خاموش ہو گئے۔
اس کے بعد آپ اپنی سواری پر بیٹھ کر حضرت سعد بن عبادہ ؓ کے ہاں تشریف لے گئے۔
آپ نے ان سے فرمایا:
”سعد! تم نے سنا ہے آج ابو حباب نے کیا بات کہی ہے؟“ آپ کا اشارہ عبداللہ بن ابی اور اس کی باتوں کی طرف تھا۔
حضرت سعد ؓ نے عرض کی:
اللہ کے رسول! اسے معاف کر دیں اور اس سے درگزر فرمائیں۔
اللہ تعالیٰ نے آپ کو حق دیا ہے جو آپ کے شایانِ شان تھا۔
واقعہ یہ ہے کہ اس بستی (مدینہ طیبہ)
کے لوگ (آپ کی تشریف آوری سے پہلے)
اس کی تاج پوشی اور دستار بندی پر متفق ہو گئے تھے لیکن جب اللہ تعالیٰ نے اس منصوبے کو اس حق کی وجہ سے ختم کر دیا جو اس نے آپ کو عطا فرمایا ہے تو اسے حسد ہو گیا ہے۔
اس وجہ سے اس نے یہ کردار ادا کیا ہے جو آپ نے ملاحظہ فرمایا، چنانچہ رسول اللہ ﷺ نے اسے رفع دفع کر دیا۔
(صحیح البخاري، الاستئذان، حدیث: 6254) (2)
اس مقام پر ایک مشہور سوال ہے کہ حدیث مذکور کے مطابق جھگڑا صحابۂ کرام ؓ اور عبداللہ بن ابی کے ساتھیوں کے درمیان ہوا تھا جبکہ اس وقت عبداللہ بن ابی اور اس کے ساتھی مسلمان نہیں ہوئے تھے، لہذا یہ صلح اہل ایمان کے مابین تصور نہیں ہو گی۔
اس کا جواب اس طرح دیا گیا ہے کہ حضرت ابن عباس ؓ کی تفسیر کے مطابق عبداللہ بن ابی کی قوم سے کچھ لوگ مسلمان تھے، انہوں نے عصبیت کی بنا پر عبداللہ بن ابی کی مدد کی تھی۔
(عمدة القاري: 575/9)
(1)
عبداللہ بن ابی قبیلۂ خزرج کا سردار تھا۔
اہل مدینہ نے اسے مشترکہ طور پر اپنا رئیس بنانے کا فیصلہ کر لیا تھا اور اس کی تاج پوشی کے لیے وقت بھی طے ہو چکا تھا۔
رسول اللہ ﷺ کی مدینہ طیبہ تشریف آوری کی وجہ سے اس رسم تاج پوشی کو عمل میں نہ لایا جا سکا۔
رسول اللہ ﷺ کو مشورہ دیا گیا کہ اگر آپ اس کے پاس تشریف لے جائیں گے تو اس کی دلجوئی ہو گی۔
شاید وہ اپنے ساتھیوں سمیت مسلمان ہو جائے۔
اس بنا پر آپ بلاتکلف وہاں چلے گئے، پھر وہاں جو کچھ ہوا وہ حدیث میں مذکور ہے۔
رسول اللہ ﷺ نے فریقین کے درمیان صلح کرا دی۔
یہ دونوں گروہ مسلمان تھے جیسا کہ آیت کریمہ سے معلوم ہوتا ہے۔
درج ذیل حدیث میں مزید تفصیل ہے۔
حضرت اسامہ بن زید ؓ سے روایت ہے کہ رسول اللہ ﷺ ایک گدھے پر سوار ہوئے جس پر پالان رکھا ہوا تھا اور آپ کے نیچے مقام فدک کی بنی ہوئی ایک مخملی چادر بچھی ہوئی تھی۔
آپ نے اس سواری پر اپنے پیچھے حضرت اسامہ بن زید ؓ کو بٹھایا۔
آپ حارث بن خزرج قبیلے میں حضرت سعد بن عبادہ ؓ کی تیمارداری کرنا چاہتے تھے۔
یہ غزوۂ بدر سے پہلے کا واقعہ ہے۔
اس دوران میں رسول اللہ ﷺ ایک مجلس پر سے گزرے جس میں مسلمان، بت پرست مشرک اور یہودی سب شریک تھے۔
اس میں عبداللہ بن ابی ابن سلول بھی تھا۔
وہاں حضرت عبداللہ بن رواحہ ؓ بھی موجود تھے۔
جب مجلس پر سواری کا گردوغبار پڑا تو عبداللہ بن ابی نے اپنی چادر سے اپنی ناک چھپاتے ہوئے کہا:
ہمارے اوپر غبار نہ اڑاؤ۔
اس کے بعد رسول اللہ ﷺ نے اتر کر سلام کیا اور وہاں رُک گئے، انہیں اللہ کی طرف بلایا اور انہیں قرآن مجید پڑھ کر سنایا۔
عبداللہ بن ابی بولا:
صاحب! یہ اچھی بات نہیں ہے۔
اگر تم صحیح کہتے ہو تو ہماری مجلسوں میں آ کر تکلیف نہ دیا کرو۔
اپنے گھر جاؤ، ہم میں سے جو تمہارے پاس آئے اسے تبلیغ کرو۔
رد عمل کے طور پر حضرت عبداللہ بن رواحہ ؓ نے کہا:
اللہ کے رسول! آپ ہماری مجالس میں تشریف لایا کریں کیونکہ ہم اسے پسند کرتے ہیں۔
پھر مسلمانوں، مشرکوں اور یہودیوں میں اس بات پر تو تو میں میں ہونے لگی۔
قریب تھا کہ ایک دوسرے پر حملہ کر دیں، لیکن رسول اللہ ﷺ انہیں مسلسل خاموش کراتے رہے یہاں تک کہ وہ خاموش ہو گئے۔
اس کے بعد آپ اپنی سواری پر بیٹھ کر حضرت سعد بن عبادہ ؓ کے ہاں تشریف لے گئے۔
آپ نے ان سے فرمایا:
”سعد! تم نے سنا ہے آج ابو حباب نے کیا بات کہی ہے؟“ آپ کا اشارہ عبداللہ بن ابی اور اس کی باتوں کی طرف تھا۔
حضرت سعد ؓ نے عرض کی:
اللہ کے رسول! اسے معاف کر دیں اور اس سے درگزر فرمائیں۔
اللہ تعالیٰ نے آپ کو حق دیا ہے جو آپ کے شایانِ شان تھا۔
واقعہ یہ ہے کہ اس بستی (مدینہ طیبہ)
کے لوگ (آپ کی تشریف آوری سے پہلے)
اس کی تاج پوشی اور دستار بندی پر متفق ہو گئے تھے لیکن جب اللہ تعالیٰ نے اس منصوبے کو اس حق کی وجہ سے ختم کر دیا جو اس نے آپ کو عطا فرمایا ہے تو اسے حسد ہو گیا ہے۔
اس وجہ سے اس نے یہ کردار ادا کیا ہے جو آپ نے ملاحظہ فرمایا، چنانچہ رسول اللہ ﷺ نے اسے رفع دفع کر دیا۔
(صحیح البخاري، الاستئذان، حدیث: 6254) (2)
اس مقام پر ایک مشہور سوال ہے کہ حدیث مذکور کے مطابق جھگڑا صحابۂ کرام ؓ اور عبداللہ بن ابی کے ساتھیوں کے درمیان ہوا تھا جبکہ اس وقت عبداللہ بن ابی اور اس کے ساتھی مسلمان نہیں ہوئے تھے، لہذا یہ صلح اہل ایمان کے مابین تصور نہیں ہو گی۔
اس کا جواب اس طرح دیا گیا ہے کہ حضرت ابن عباس ؓ کی تفسیر کے مطابق عبداللہ بن ابی کی قوم سے کچھ لوگ مسلمان تھے، انہوں نے عصبیت کی بنا پر عبداللہ بن ابی کی مدد کی تھی۔
(عمدة القاري: 575/9)
هداية القاري شرح صحيح بخاري، اردو، حدیث\صفحہ نمبر: 2691
