´وظیفہ کے مستحقین کے ناموں کو رجسٹر میں لکھنے کا بیان۔`
عبداللہ بن کعب بن مالک انصاری کہتے ہیں کہ انصار کا ایک لشکر اپنے امیر کے ساتھ سر زمین فارس میں تھا اور عمر رضی اللہ عنہ ہر سال لشکر تبدیل کر دیا کرتے تھے، لیکن عمر رضی اللہ عنہ کو (خیال نہیں رہا) دوسرے کام میں مشغول ہو گئے جب میعاد پوری ہو گئی تو اس لشکر کے لوگ لوٹ آئے تو وہ ان پر برہم ہوئے اور ان کو دھمکایا جب کہ وہ لوگ رسول اللہ صلی اللہ علیہ وسلم کے صحابہ تھے، تو وہ کہنے لگے: عمر! آپ ہم سے غافل ہو گئے، اور آپ نے وہ قاعدہ چھوڑ دیا جس پر عمل کرنے کا رسول اللہ صلی اللہ علیہ وسلم نے حکم دیا تھا کہ ایک کے بعد ایک لشکر بھیجنا تاکہ ۔۔۔۔ (مکمل حدیث اس نمبر پر پڑھیے۔) [سنن ابي داود/كتاب الخراج والفيء والإمارة /حدیث: 2960]

فوائد ومسائل:
حضرت عمر رضی اللہ تعالیٰ عنہ کے عہد میں مجاہدین اور دیگر لوگوں کی جنھیں غنیمتوں میں سے حصہ ملا کرتا تھا۔
باقاعدہ فہرستیں اور درجہ بندی کی گئی تھی۔
تاکہ کوئی آدمی محروم نہ رہ جائے۔
اور ہر ایک کو اس کے مرتبے کے مطابق حصہ مل جائے۔
اور حضرت عمر رضی اللہ تعالیٰ عنہ کی طرف سے تاخیر کی وجہ بھی یہی تھی کہ وہ فہرستیں بنا رہے تھے۔
(بذل المجهود) رسول اللہ ﷺ کےدور میں چونکہ تعاد اتنی زیادہ نہ تھی کے ان کا انتظام تحریری فہرستوں کے بغیر ممکن نہ ہوتا۔
اس لئے اس کام کی ضرورت نہیں سمجھی گئی تھی۔
حضرت عمر رضی اللہ تعالیٰ عنہ کے زمانے میں جب تعداد زیادہ ہوگئی تو اس وقت بھی حضرت عمررضی اللہ تعالیٰ عنہ باری باری بھیجتے تھے۔
اس کا مطلب یہ ہے کہ مجاہدین کی فہرستیں موجود تھیں۔
جن کی وجہ سے باری کا تعین ہوتا تھا۔