´نماز کسوف کا بیان`
سیدنا ابن عباس رضی اللہ عنہما ہی سے یہ حدیث بھی مروی ہے کہ انہوں نے زلزلے کے موقع پر نماز چار سجدوں اور چھ رکوعوں سے پڑھی اور فرمایا کہ آیات الٰہی کی نماز اسی طرح پڑھی جاتی ہے۔
اسے بیہقی نے روایت کیا ہے اور شافعی نے سیدنا علی رضی اللہ عنہ کے واسطہ سے اسی طرح کی روایت ذکر کی ہے البتہ اس میں روایت کے آخری الفاظ نہیں۔ «بلوغ المرام/حدیث: 405»

تخریج:
«أخرجه البهقي:3 /343، وحديث علي أخرجه الشافي وسنده ضعيف، فيه بلاغ الشافي، أي لم يذكر سنده.» تشریح:
1. اس حدیث سے معلوم ہوا کہ ناگہانی حادثے اور ارضی و سماوی مصیبت کے نزول کی صورت میں فی الفور نماز پڑھنی چاہیے۔
اسے «صَلَاۃُ الْآیَاتِ» کہتے ہیں۔
2. اس سے معلوم ہوتا ہے کہ مصیبت اور تکلیف کو دور کرنے کے لیے صرف اللہ تعالیٰ کی طرف رجوع کرنا چاہیے‘ غیر اللہ کی جانب متوجہ ہونا اور انھیں مصائب و آلام دور کرنے کا ذریعہ سمجھنا شرک ہے ‘ یہ ناقابل معافی جرم ہے اور اس کی بالکل بخشش نہیں‘ اس لیے مسلمانوں کو اس کا خاص طور پر خیال رکھنا چاہیے‘ ایسا نہ ہو کہ تمام اعمال اکارت جائیں۔
أَعَاذَنَا اللّٰہُ مِنْہُ۔