´نیت کا بیان۔`
ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”لوگ اپنی نیت کے مطابق اٹھائے جائیں گے“ ۱؎۔ [سنن ابن ماجه/كتاب الزهد/حدیث: 4229]

اردو حاشہ:
فوائد و مسائل:
(1)
اعمال کی جزا و سزا نیتوں کے مطابق ملتی ہے۔

(2)
بعض لوگ گناہ کرتے ہیں اور کہتے ہیں:
ہماری نیت نیک ہے۔
یہ غلط ہے۔
جان بوجھ کر گناہ کرنا بری نیت ہی میں شامل ہے اگرچہ انسان اس کے لیے کوئی جواز تراش لے مثلاً:
صدقہ دینے کی نیت سے چوری کرنا گناہ ہی ہے بلکہ یہ زیادہ گناہ ہے کیونکہ اس صور ت میں انسان برائی کو نیکی سمجھ لیتا ہے اس لیے اس پر شرمندہ ہو کر توبہ کرنے کی بجائے فخر کرتا ہے۔