´اسلام کے بعض اوصاف`
«. . . ‏‏‏‏وَعَن معَاذ أَنَّهُ سَأَلَ النَّبِيَّ صَلَّى اللَّهُ عَلَيْهِ وَسَلَّمَ عَنْ أَفْضَلِ الْإِيمَانِ قَالَ: «أَنْ تُحِبَّ لِلَّهِ وَتُبْغِضَ لِلَّهِ وَتُعْمِلَ لِسَانَكَ فِي ذِكْرِ اللَّهِ قَالَ وماذا يَا رَسُول الله قَالَ وَأَن تحب للنَّاس مَا تحب لنَفسك وَتَكْرَهُ لَهُمْ مَا تَكْرَهُ لِنَفْسِكَ» . . .»
”. . . اور انہیں سیدنا معاذ رضی اللہ عنہ سے مروی ہے کہ انہوں نے رسول اللہ صلی اللہ علیہ وسلم سے ایمان کی سب سے اچھی عادت کے بارے میں دریافت کیا۔ تو آپ صلی اللہ علیہ وسلم نے فرمایا: ”اللہ ہی کے لیے لوگوں سے محبت رکھو اور اللہ ہی کے واسطے لوگوں سے دشمنی رکھو اور اللہ کی یاد میں اپنی زبان کو لگائے رکھو۔“ معاذ رضی اللہ عنہ نے عرض کیا اور کیا ہے؟ آپ صلی اللہ علیہ وسلم نے فرمایا: ”اور یہ کہ تم جس چیز کو اپنے لیے پسند کرتے ہو وہی دوسروں کے لیے پسند کرو اور جس چیز کو اپنے لیے ناپسند کرتے ہو وہی دوسروں کے لیے ناپسند کرو . . .“ [مشكوة المصابيح/كِتَاب الْإِيمَانِ: 48]

تحقیق وتخریج:
اس کی سند ضعیف ہے۔
اس سند کے دو راوی ضعیف ہیں:
➊ رشدین بن سعد ضعیف ہے۔ [تقریب التہذیب: 1942]
➋ زبان بن فائد صالح اور عابد ہونے کے باوجود حدیث میں ضعیف ہے۔ دیکھئے: [تقریب التہذیب: 1975]

تنبیہ:
الموسوعة الحديثيه [ج36 ص445] میں اس ضعیف روایت کے کچھ شواہد مذکور ہیں، جو اس روایت سے بے نیاز کر دیتے ہیں۔ «والحمدلله»