سیدنا عبداللہ بن عمر رضی اللہ عنہما سے مروی ہے کہ رسول اللہ صلی اللہ علیہ وسلم سے اس پانی کے بارے میں دریافت کیا گیا جس سے درند و چرند پانی پیتے ہیں؟ رسول الله صلی اللہ علیہ وسلم نے فرمایا: ”جب پانی کی مقدار دو بڑے مٹکوں کے برابر ہو تو وہ نجاست کو قبول ہی نہیں کرتا۔“
تخریج الحدیث: «إسناده صحيح، [مكتبه الشامله نمبر: 759]» اس حدیث کی سند صحیح ہے۔ دیکھئے: [أبوداؤد 63]، [ترمذي 67]، [نسائي 52]، [ابن ماجه 517]
وضاحت: (تشریح حدیث 754) یعنی ایسا پانی مجرد نجاست کے اس میں گر نے سے نجس نہیں ہوتا جب تک کہ اوصافِ ثلاثہ میں سے کوئی وصف تبدیل نہ ہو جائے۔