´آبپاشی اور زمین کو ٹھیکہ پر دینے کا بیان`
سیدنا ابو سعید خدری رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا ” جو آدمی کسی مزدور کو اجرت پر کام کے لیے لگائے تو اسے اس کی پوری مزدوری دینی چاہیئے۔“ اسے عبدالرزاق نے روایت کی ہے اور اس کی سند میں انقطاع ہے اور بیہقی نے اس حدیث کو ابوحنیفہ رحمہ اللہ سے موصول روایت کی ہے۔ «بلوغ المرام/حدیث: 775»

تخریج:
«أخرجه عبدالرزاق في المصنف:8 /235، وسنده ضعيف لِا نقطاعه، إبراهيم النخعي لم يدرك أبا سعيد الخدري وأبا هريرة، وأخرجه البيهقي:6 /120 وسنده ضعيف، إبراهيم بن هلال أو بلال لم أجد له ترجمة.» تشریح:
یہ حدیث سنداَ ضعیف ہے، تا ہم اس بات پر اجماع ہے کہ اجارے کی صورت میں اجرت کا تعین کرنا ضروری ہے۔
واللّٰہ أعلم۔