´دودھ پلانے کا بیان`
سیدنا زیاد سہمی رحمہ اللہ نے بیان کیا کہ رسول اللہ صلی اللہ علیہ وسلم نے احمق و کم عقل عورتوں کا دودھ پلانے سے منع فرمایا ہے۔ اسے ابوداؤد نے نکالا ہے اور یہ مرسل ہے کیونکہ زیاد کو صحابی ہونے کا شرف حاصل نہیں۔ «بلوغ المرام/حدیث: 974»

تخریج:
« «إسناده ضعيف، ومرسل» أخرجه أبوداود في المراسيل، حديث:207، وزاد: "فإن العين يشبه" وفيه هشام بن إسماعيل المكي وهو مجهول.» تشریح:
راویٔ حدیث:
«زیاد سہمی» تقریب التہذیب میں ہے کہ یہ تیسرے طبقے کا آدمی ہے اور مجہول ہے۔
مرسل حدیث بیان کرتا ہے۔
اور کہا گیا ہے کہ حضرت عمرو بن عاص رضی اللہ عنہ کا آزاد کردہ غلام ہے۔
صاحب اسد الغابہ (ابن اثیر) اور صاحب استیعاب (ابن عبدالبر) نے اس کا ذکر صحابہ میں نہیں کیا۔