´عدت میں نقل مکانی کو جائز کہنے والوں کا بیان۔`
عبداللہ بن عباس رضی اللہ عنہما کہتے ہیں «غير إخراج» (سورة البقرہ: ۲۴۰) والی آیت جس میں عورت کو شوہر کے گھر والوں کے پاس عدت گزارنے کا حکم ہے منسوخ کر دی گئی ہے، اب وہ جہاں چاہے عدت گزار سکتی ہے، عطاء کہتے ہیں: اگر چاہے تو شوہر کے گھر والوں کے پاس عدت گزارے اور شوہر کی وصیت سے فائدہ اٹھا کر وہیں سکونت اختیار کرے، اور اگر چاہے تو اللہ کے فرمان «فإن خرجن فلا جناح عليكم فيما فعلن» ”اگر وہ خود نکل جائیں تو ان کے کئے ہوئے کا تم پر کوئی گناہ نہیں“ کے مطابق نکل جائے، عطاء کہتے ہیں کہ پھر جب میراث کا حکم آ گیا، تو شوہر کے مکان میں رہائش کا ح۔۔۔۔ (مکمل حدیث اس نمبر پر پڑھیے۔) [سنن ابي داود/كتاب تفريع أبواب الطلاق /حدیث: 2301]

فوائد ومسائل:
خاوند کی وفات پر عورت کے لئے عدت کا مسئلہ سورۃ بقرہ کی دوآیات میں ذکر ہواہے، پہلی آیت ٢٣٤ میں ہے: (وَالَّذِينَ يُتَوَفَّوْنَ مِنْكُمْ وَيَذَرُونَ أَزْوَاجًا يَتَرَبَّصْنَ بِأَنْفُسِهِنَّ أَرْبَعَةَ أَشْهُرٍ وَعَشْرًا) اور جو لوگ تم میں سے فوت ہو جائیں اور چھوڑ جائیں اپنی بیویاں، تو چاہے کہ وہ عورتیں اپنے آپ کو چار ماہ دس دن تک روکے رکھیں۔
اور اس کے بعد آیت 240 میں ہے: (وَالَّذِينَ يُتَوَفَّوْنَ مِنْكُمْ وَيَذَرُونَ أَزْوَاجًا وَصِيَّةً لِأَزْوَاجِهِمْ مَتَاعًا إِلَى الْحَوْلِ غَيْرَ إِخْرَاجٍ فَإِنْ خَرَجْنَ فَلَا جُنَاحَ عَلَيْكُمْ فِي مَا فَعَلْنَ فِي أَنْفُسِهِنَّ مِنْ مَعْرُوفٍ) اور جو لوگ تم میں سے فوت ہو جائیں اپنی بیویاں، تو ان پر ہے کہ اپنی بیویوں کے لئے وصیت گر جائیں کہ انہیں ایک سال تک خرچ دینا ہے اور گھر سے نکالنا بھی نہیں اگر وہ ازخود نکل جائیں اور اپنے حق میں جو بھلی بات کریں تو اس کا تم پر گناہ نہیں ہے ان دونوں آیات کی تفسیر میں اصحاب ابن عباس رضی اللہ کا اختلاف ہے۔
جمہور کہتے ہیں کہ ایک سال تک تفقہ وسکنی کا حکم پہلے کا ہے۔
پھر اسے منسوخ کرکے چار ماہ دس دن کر دیا گیا۔
لیکن مجاہد اور عطاء حضرت ابن عباس سے بیان کرتے ہیں کہ چار ماہ دس دن عدت کا حکم شروع ہی سے تھا۔
اسے منسوخ کرکے ایک سال تک بڑھا دیا گیا۔
اب عورت پر لازم نہیں ہے کہ شوہر کے اہل میں عدتگ گزارے جیسے کہ (فإن خرجن) سے معلوم ہو رہا ہے ایسے ہی شوہر کے وارثوں پر جو پابندی تھی کہ ایک سال تک خرچ دیں اورسکنی بھی، تو وراثت کے احکام نازل ہونے پر یہ بھی منسوخ ہے۔
امام ابو داودؒ نے یہ باب ذکر کرکے ان حضرات کا موقف بیان کیا ہے، مگر یہ موقف گزشتہ حدیث فریعہ بنت مالک کی روشنی میں راجح نہیں ہے الا یہ کہ یہ سمجھا جائے کہ چار ماہ دس دن کی عدت اور ان دنوں میں شوہر کے اہل میں رہنا واجب ہے۔
بعد ازاں سات ماہ بیس دن میں عورت کو منتقل ہوجانے کی رخصت ہے، درج ذیل حدیث اسی تفصیل کی روشنی میں پڑھی جائے۔