´جو باربار شراب پیئے اس کی سزا کا بیان۔`
معاویہ بن ابی سفیان رضی اللہ عنہما کہتے ہیں کہ رسول اللہ صلی اللہ علیہ وسلم نے فرمایا: ”جب وہ شراب پئیں تو انہیں کوڑے لگاؤ، پھر پئیں تو پھر کوڑے لگاؤ، پھر پئیں تو پھر کوڑے لگاؤ، پھر پئیں تو انہیں قتل کر دو۔‏‏‏‏“ [سنن ابي داود/كتاب الحدود /حدیث: 4482]

فوائد ومسائل:
امام ترمذی رحمتہ اللہ کتاب العلل میں لکھتے ہیں کہ اس حدیث کے ترک یعنی منسوخ ہونے پر علماء کا اجماع ہے۔
اور اس حدیث کی تاویل یہ ہے کہ اس سے مراد سخت مار ہے۔
اور اگلی حدیث(4485) کو اس کا ناسخ سمجھا جاتا ہے۔
علامہ زیلعی رحمۃاللہ علیہ نے بحوالہ ابن حبان لکھا ہے کہ قتل کا حکم اس کے لیے ہے جو اس کی حلت کا قائل ہو اور حرمت کوقبول نہ کرتا ہو۔
(عون المعبود)