´بخار کا بیان۔`
ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم کے پاس بخار کا ذکر آیا تو ایک شخص نے بخار کو گالی دی (برا بھلا کہا)، نبی اکرم صلی اللہ علیہ وسلم نے فرمایا: ”اسے گالی نہ دو (برا بھلا نہ کہو) اس لیے کہ اس سے گناہ اس طرح ختم ہو جاتے ہیں جیسے آگ سے لوہے کا کچرا صاف ہو جاتا ہے۔‏‏‏‏“ [سنن ابن ماجه/كتاب الطب/حدیث: 3469]

اردو حاشہ:
فوائد و مسائل:
(1)
بیماری پر صبر کرناچاہیے برا بھلا کہنے کی بجائے دعا اور دوا کی طرف توجہ کی جائے۔

(2)
بیماری اور مصیبت پرصبر کرنے سے گناہ معاف ہوجاتے ہیں۔