´توبہ کا بیان۔`
عبداللہ بن معقل مزنی کہتے ہیں کہ میں اپنے والد کے ساتھ عبداللہ بن مسعود رضی اللہ عنہ کے پاس گیا تو میں نے ان کو کہتے ہوئے سنا کہ رسول اللہ صلی اللہ علیہ وسلم نے فرمایا: ”ندامت (شرمندگی) توبہ ہے“، میرے والد نے ان سے پوچھا کہ آپ نے نبی اکرم صلی اللہ علیہ وسلم کو کہتے ہوئے سنا ہے کہ ندامت توبہ ہے؟ انہوں نے کہا: ”ہاں۔‏‏‏‏“ [سنن ابن ماجه/كتاب الزهد/حدیث: 4252]

اردو حاشہ:
فوائد و مسائل:
 
(1)
ندامت توبہ کا اہم جز ہے۔

(2)
عالی سند کی طلب مستحسن ہے۔

(3)
اگر کسی چیز میں شک ہو تو استاد سے دریافت کرلینا احترام کے منافی نہیں۔