´کدو کی تونبی کی نبیذ کے ممنوع ہونے کا بیان۔`
عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے کدو کی تونبی سے منع فرمایا ہے۔ [سنن نسائي/كتاب الأشربة/حدیث: 5627]

اردو حاشہ:
بڑا کدو سوکھ جائے تواس کو اندر سے صاف کر لیا جاتا ہے۔ اس کا چھلکا بڑا سخت ہوجاتا ہے اور وہ برتن جیسا بن جا تا ہے۔ اہل جاہلیت اس میں شراب بناتے تھے کیونکہ مسام نہ ہو نے کی وجہ سے اس میں خوب نشہ پیدا ہوتا تھا۔ شراب حرام ہوئی تو آپ نے شراب کے برتنوں سے بھی منع فر ما دیا مگر بعد میں برتنوں کے استعمال کی اجازت دے دی، البتہ نشہ پیدا نہیں ہوا چاہیے۔ احتیاط یہی ہے کہ ایسے برتن نبیذ کے لیے استعمال نہ کیے جائیں۔