´نماز کی اہمیت`
«. . . - من آمن بالله وبرسوله وأقام الصلاة وصام رمضان كان حقا على الله أن يدخله الجنة، جاهد في سبيل الله أو جلس في أرضه التي ولد فيها، فقالوا: يا رسول الله أفلا نبشر الناس؟ قال: إن في الجنة مائة درجة أعدها الله للمجاهدين في سبيل الله ما بين الدرجتين كما بين السماء والأرض، فإذا سألتم الله فاسألوه الفردوس، فإنه أوسط الجنة وأعلى الجنة - أراه -، فوقه عرش الرحمن، ومنها تفجر أنهار الجنة . . . .»
”. . . سیدنا ابوہریرہ رضی اللہ عنہ سے روایت ہے، نبی کریم صلی اللہ علیہ وسلم نے فرمایا: ”جو اللہ اور اس کے رسول پر ایمان لایا، نماز قائم کی اور رمضان کے روزے رکھے تو اللہ تعالیٰ پر حق ہے کہ اسے جنت میں داخل کرے، وہ اللہ تعالیٰ کے راستے میں جہاد کرے یا اپنی جائے ولادت میں رہائش پذیر رہے۔“ صحابہ نے کہا: اے اللہ کے رسول! کیا ہم لوگوں کو (یہ حدیث بیان کر کے) خوشخبری نہ سنا دیں؟ آپ صلی اللہ علیہ وسلم نے فرمایا: ”جنت میں سو درجے ہیں، جنہیں اللہ تعالیٰ نے اپنے راستے میں جہاد کرنے والوں کے لیے تیار کر رکھا ہے، ہر دو درجوں کے درمیان اتنا تفاوت ہے، جتنا آسمان اور زمین کے مابین ہے، جب تم اللہ تعالیٰ سے (جنت کا) سوال کرو تو جنت الفردوس کا سوال کرو، کیونکہ یہ جنت کا منتخب اور اعلیٰ مقام ہے، (میرا خیال ہے کہ یہ بھی فرمایا) اس کے اوپر رحمٰن کا عرش ہے اور اسی سے جنت کی نہریں پھوٹتی ہیں . . .“ [سلسله احاديث صحيحه/الاذان و الصلاة: 480]

فوائد و مسائل
حدیث اپنے مفہوم میں انتہائی واضح ہے کہ مسلمان کو اپنی نجات کے لیے صرف توحید، نماز اور روزے پر اکتفا نہیں کرنا چاہئیے، بلکہ اللہ تعالیٰ کی طرف سے دوسرے معینہ واجبات و مستحبات کا اہتمام بھی کرنا چاہئے۔ بطور مثال جہاد ہے، کہ جہاد کرنے والوں کے لیے اللہ تعالیٰ نے جنت میں سو درجات تیار کر رکھے ہیں۔ اللہ تعالیٰ ہمیں موقع نصیب فرمائے۔ (آمین)

2790. حضرت ابوہریرہ رضی اللہ تعالیٰ عنہ سے روایت ہے کہ نبی کریم ﷺ نے فرمایا: ”جو شخص اللہ اور اس کے رسول ﷺ پر ایمان لائے، نماز قائم کرے اور رمضان کے روزے رکھے تو اللہ کے ذمے حق ہے کہ اسے جنت میں داخل کرے، خواہ وہ اللہ کی راہ میں جہاد کرے یا اپنی جائے پیدائش میں بیٹھا رہے۔“ صحابہ کرام ؓ نے عرض کیا: اللہ کےرسول ﷺ!کیا ہم لوگوں کو اس کی خوشخبری نہ دے دیں؟ آپ نے فرمایا: ”بلاشبہ جنت میں سو درجے ہیں جو اللہ نے فی سبیل اللہ جہاد کرنے والوں کے لیے تیار کیے ہیں۔ ان کے دو درجات کے درمیان اتنا فاصلہ ہے جتنا آسمان اور زمین کے مابین ہے، لہذا جب تم اللہ تعالیٰ سے سوال کروتو فردوس کا سوال کرو کیونکہ یہ افضل اور اعلیٰ جنت ہے۔“ راوی کہتا ہے کہ میرے خیال کے مطابق آپ نے فرمایا: ”اور اس کے اوپر رحمٰن کاعرش ہے اور وہیں سے جنت کی نہریں پھوٹتی ہیں۔“ محمد بن فلیح نے اپنے والد سے یہ الفاظ بیان کیے ہیں۔ ”اس کے اوپر۔۔۔۔ (مکمل حدیث اس نمبر پر پڑھیے۔) [صحيح بخاري، حديث نمبر:2790]

حدیث حاشیہ:
مطلب یہ ہے کہ اگر کسی کو جہاد نصیب نہ ہو لیکن دوسرے فرائض ادا کرتا ہے اور اسی حال میں مر جائے تو آخرت میں اس کو بہشت ملے گی گو اس کا درجہ مجاہدین سے کم ہوگا۔
محمد بن فلیح کے روایت کردہ اضافہ میں شک نہیں ہے جیسے یحییٰ بن سلیمان کی روایت میں أراہ الح وارد ہے کہ میں سمجھتا ہوں۔
کہا بہشت کی نہروں سے وہ چار نہریں پانی اور دودھ اور شہد اور شراب کی مراد ہیں جن کا ذکر قرآن شریف میں ہے۔

2790. حضرت ابوہریرہ رضی اللہ تعالیٰ عنہ سے روایت ہے کہ نبی کریم ﷺ نے فرمایا: ”جو شخص اللہ اور اس کے رسول ﷺ پر ایمان لائے، نماز قائم کرے اور رمضان کے روزے رکھے تو اللہ کے ذمے حق ہے کہ اسے جنت میں داخل کرے، خواہ وہ اللہ کی راہ میں جہاد کرے یا اپنی جائے پیدائش میں بیٹھا رہے۔“ صحابہ کرام ؓ نے عرض کیا: اللہ کےرسول ﷺ!کیا ہم لوگوں کو اس کی خوشخبری نہ دے دیں؟ آپ نے فرمایا: ”بلاشبہ جنت میں سو درجے ہیں جو اللہ نے فی سبیل اللہ جہاد کرنے والوں کے لیے تیار کیے ہیں۔ ان کے دو درجات کے درمیان اتنا فاصلہ ہے جتنا آسمان اور زمین کے مابین ہے، لہذا جب تم اللہ تعالیٰ سے سوال کروتو فردوس کا سوال کرو کیونکہ یہ افضل اور اعلیٰ جنت ہے۔“ راوی کہتا ہے کہ میرے خیال کے مطابق آپ نے فرمایا: ”اور اس کے اوپر رحمٰن کاعرش ہے اور وہیں سے جنت کی نہریں پھوٹتی ہیں۔“ محمد بن فلیح نے اپنے والد سے یہ الفاظ بیان کیے ہیں۔ ”اس کے اوپر۔۔۔۔ (مکمل حدیث اس نمبر پر پڑھیے۔) [صحيح بخاري، حديث نمبر:2790]

حدیث حاشیہ:
1۔
جب رسول اللہ ﷺ نے اللہ کی راہ میں جہاد کرنے یا نہ کرنے کو دخول جنت میں برابر قراردیا تو اس سے مخاطب بہت خوش ہوا کہ اس پر جہاد کی مشقت نہیں رہی۔
رسول اللہ ﷺ نے جہاد کی اہمیت اورفضیلت بیان کرتے ہوئے فرمایا:
”جنت میں سودرجات ہیں جو اللہ تعالیٰ نے مجاہدین کے لیے تیار کیے ہیں۔
“ اس سے جہاد کی فضیلت اور مجاہدین کے درجات کا پتہ چلتا ہے۔
2۔
مطلب یہ ہے کہ اگر کسی کو جہاد نصیب نہیں ہوتا لیکن دوسرے فرائض وواجبات ادا کرتاہے اور اسی حالت میں اسے موت آجائے تو آخرت میں اسے جنت نصب ہوگی اگرچہ اس کادرجہ مجاہدین سے کم ہوگا۔
3۔
امام ترمذی ؒ کی روایت میں ہے:
”فردوس،اعلیٰ درجے کی جنت ہے اور اسی درجے سے جنت کی چار نہریں پھوٹتی ہیں اور اس کے اوپر اللہ کا عرش ہے۔
“ (جامع الترمذي، صفة الجنة، حدیث: 2531)
ان چاروں نہروں سے مراد پانی،دودھ،شہد اور شراب طہور کی نہریں ہیں جن کا ذکر قرآن کریم میں ہے۔
امام بخاری ؒ نے آخر میں جس طریق کاحوالہ دیا ہے اسے آئندہ متصل سند سے بیان کیاہے۔
اس روایت میں کسی شک کے بغیر (وَفَوْقَهُ عَرْشُ الرَّحْمَنِ)
کے الفاظ ہیں۔
(صحیح البخاري، التوحید، حدیث 7423)
4۔
اس حدیث سے جہاد کی فضیلت کا پتہ چلتا ہے،چنانچہ امام حاکم ؒ نے ایک روایت بیان کی ہے:
”جو کوئی سچی نیت سے جہاد کی خواہش رکھے،پھر وہ فوت ہوجائے تو اللہ تعالیٰ اسے شہید کا ثواب عطا فرمائے گا۔
“ (المستدرك للحاکم: 77/2 و صحیح الجامع الصغیر، حدیث: 6277)