´نظر بد کے حق ہونے اور اس کے لیے غسل کرنے کا بیان۔`
عبداللہ بن عباس رضی الله عنہما کہتے ہیں کہ رسول اللہ صلی اللہ علیہ وسلم نے فرمایا: ”اگر کوئی چیز تقدیر پر سبقت (پہل) کر سکتی تو اس پر نظر بد ضرور سبقت (پہل) کرتی، اور جب لوگ تم سے غسل کرائیں تو تم غسل کر لو“ ۱؎۔ [سنن ترمذي/كتاب الطب عن رسول اللَّهِ صلى الله عليه وسلم/حدیث: 2062]

اردو حاشہ:
وضاحت:
1؎:
زمانہ جاہلیت میں نظر بد کا ایک علاج یہ تھا کہ جس آدمی کی نظر لگنے کا اندیشہ ہوتا اس سے غسل کرواتے،
اور اس پانی سے نظر لگنے والے کو غسل دیتے،
نبی اکرم ﷺ نے اس عمل کو سند جواز عطا فرمایا،
اور فرمایا کہ اگر کسی سے ایسے غسل کی طلب کی جائے تو وہ برا نہ مانے اور غسل کرکے غسل کیا ہوا پانی نظر بد لگنے والے کو دیدے۔
مگراس غسل کا طریقہ عام غسل سے سے قدرے مختلف ہے،
تفصیل کے لیے ہماری کتاب ”مسنون وظائف واذکاراورشافی طریقہ علاج“ کا مطالعہ کریں۔