´جنت کے پھلوں کا بیان۔`
اسماء بنت ابوبکر رضی الله عنہما کہتی ہیں کہ میں نے رسول اللہ صلی اللہ علیہ وسلم کو فرماتے ہوئے سنا، اس وقت آپ کے سامنے سدرۃ المنتہیٰ کا ذکر آیا تھا۔ آپ نے فرمایا: ”اس کی شاخوں کے سائے میں سوار سو سال تک چلے گا، یا اس کے سائے میں سو سوار رہیں گے، (یہ شک حدیث کے راوی یحییٰ کی طرف سے ہے۔) اس پر سونے کے بسترے ہیں اور اس کے پھل مٹکے جیسے (بڑے) ہیں۔‏‏‏‏“ [سنن ترمذي/كتاب صفة الجنة/حدیث: 2541]

اردو حاشہ:
نوٹ:
(سند میں محمد بن اسحاق مدلس ہیں اور روایت عنعنہ سے ہے،
اور یونس بن بکیر روایت میں غلطیاں کر جایا کرتے تھے)