2974. حضرت ثعلبہ بن ابو مالک قرضی ؓسے روایت ہے، انھوں نے بیان کیا کہ حضرت قیس بن سعد ؓ جو (جہاد میں)نبی ﷺ کے علم بردار تھے، نے جب حج کا ارادہ کیا تو سر میں کنگھی کی۔ [صحيح بخاري، حديث نمبر:2974]

حدیث حاشیہ:
معلوم ہوا کہ جہاد میں علم نبوی اٹھایا جاتا تھا۔
اور اس کے اٹھانے والے قیس بن سعد انصاری ؓ ہوا کرتے۔
جنگ خیبر میں یہ جھنڈا اٹھانے والے حضرت علی ؓ تھے۔
جیسا کہ آگے ذکر ہے۔

2974. حضرت ثعلبہ بن ابو مالک قرضی ؓسے روایت ہے، انھوں نے بیان کیا کہ حضرت قیس بن سعد ؓ جو (جہاد میں)نبی ﷺ کے علم بردار تھے، نے جب حج کا ارادہ کیا تو سر میں کنگھی کی۔ [صحيح بخاري، حديث نمبر:2974]

حدیث حاشیہ:
1۔
(لواء،رايه اور علم)
تینوں جھنڈے کے نام ہیں۔
در اصل رئیس لشکر جھنڈے کو تھامتا تھا۔
اسے اس کے سر پر لہرایا جاتا تھا۔
امام بخاری ؒ کا مقصد یہ ہے کہ لڑائیوں میں جھنڈے رکھنا جائز ہیں۔
اور یہ کبھی امیر کے ہاتھ میں ہوتا ہے اور کبھی اس کے قائم مقام کے ہاتھ میں، اس کی حفاظت کی جاتی ہے۔
اس کا سرنگوں ہونا گویا اسلام کے سرنگوں ہونے کی علامت ہے۔
2۔
یہ حدیث اگرچہ موقوف ہے تاہم محل استشہار حصہ مرفوع ہی کے حکم میں ہے کیونکہ حضرت قیس بن سعد ؓ کا جھنڈا پکڑنا یقیناًرسول اللہ ﷺ کے حکم اور آپ کی اجازت سے ہو گا۔
اور یہاں مقصود بھی جھنڈے کا اثبات ہے۔