4773. حضرت ابن عباس ؓ سے روایت ہے، انہوں نے ﴿لَرَآدُّكَ إِلَىٰ مَعَادٍ﴾ کے بارے میں فرمایا ہے کہ اس سے مراد مکہ مکرمہ کی طرف واپسی ہے۔ [صحيح بخاري، حديث نمبر:4773]

حدیث حاشیہ:
اللہ نے جو وعدہ فرمایا تھا وہ حرف بہ حرف صحیح ہو گیا اور فتح مکہ کے دن صداقت محمدی کا سارے عرب میں پرچم لہرا گیا۔
(صلی اللہ علیه وسلم)

4773. حضرت ابن عباس ؓ سے روایت ہے، انہوں نے ﴿لَرَآدُّكَ إِلَىٰ مَعَادٍ﴾ کے بارے میں فرمایا ہے کہ اس سے مراد مکہ مکرمہ کی طرف واپسی ہے۔ [صحيح بخاري، حديث نمبر:4773]

حدیث حاشیہ:
معاد آدمی کے شہر کو کہتے ہیں کیونکہ وہ سفر کرکے واپس اسی جگہ آتا ہے۔
یہ آیت مکہ سے مدینہ جاتے ہوئے ہجرت کے دوران میں نازل ہوئی تھی۔
رسول اللہ صلی اللہ علیہ وسلم کو اس وقت خوشخبری سنادی گئی تھی کہ آپ اپنے شہر مکہ مکرمہ آنے والے ہیں۔
اور ﴿وَأَنْتَ حِلٌّ بِهذَا الْبَلَدِ﴾ سے بھی یہی مفہوم متبادر ہوتا ہے، چنانچہ اللہ تعالیٰ نے ہجرت کے آٹھ سال بعد اپنا وعدہ پورا فرما دیا اور آپ8 ہجری میں فاتحانہ طور پر مکہ مکرمہ دوبارہ تشریف لائے۔