4843. حضرت ثابت بن ضحاک ؓ سے روایت ہے اور وہ اصحابِ شجر (درخت کے نیچے بیعت کرنے والے صحابہ کرام رضی اللہ عنھم) میں سے تھے۔ [صحيح بخاري، حديث نمبر:4843]

حدیث حاشیہ:
اس مقام پر امام بخاری رحمۃ اللہ علیہ نے حدیث کا متن بیان نہیں کیا کیونکہ آپ کا مقصد صرف یہ تھا کہ انھیں اصحاب شجرہ (درخت کے نیچے بیعت کرنے والے صحابہ کرام رضوان اللہ عنھم اجمعین)
میں سے ثابت کیا جائے، چنانچہ ایک روایت میں صراحت ہے، حضرت ثابت بن ضحاک رضی اللہ تعالیٰ عنہ فرماتے ہیں کہ میں نے درخت کے نیچے رسول اللہ صلی اللہ علیہ وسلم سے بیعت رضوان کی تھی۔
(صحیح البخاري، المغازي، حدیث: 4171)