حدیث نمبر: 1977 --- ہم سے عمرو بن علی نے بیان کیا ، کہا کہ ہم کو ابوعاصم نے خبر دی ، انہیں ابن جریج نے ، انہوں نے عطاء سے سنا ، انہیں ابوعباس شاعر نے خبر دی ، انہوں نے عبداللہ بن عمر ؓ سے سنا کہ نبی کریم ﷺ کو معلوم ہوا کہ میں مسلسل روزے رکھتا ہوں اور ساری رات عبادت کرتا ہوں ۔ اب یا نبی کریم ﷺ نے کسی کو میرے پاس بھیجا یا خود میں نے آپ سے ملاقات کی ۔ آپ ﷺ نے دریافت فرمایا کہ کیا یہ خبر صحیح ہے کہ تو متواتر روزے رکھتا ہے اور ایک بھی نہیں چھوڑتا اور (رات بھر) نماز پڑھتا رہتا ہے ؟ روزہ بھی رکھ اور بے روزہ بھی رہ ، عبادت بھی کر اور سوؤ بھی کیونکہ تیری آنکھ کا بھی تجھ پر حق ہے ، تیری جان کا بھی تجھ پر حق ہے اور تیری بیوی کا بھی تجھ پر حق ہے ۔ عبداللہ ؓ نے کہا کہ مجھ میں اس سے زیادہ کی طاقت ہے ۔ آپ ﷺ نے فرمایا کہ پھر داؤد علیہ السلام کی طرح روزہ رکھا کر ۔ انہوں نے کہا اور وہ کس طرح ؟ فرمایا کہ داؤد علیہ السلام ایک دن روزہ رکھتے تھے اور ایک دن کا روزہ چھوڑ دیا کرتے تھے ۔ اور جب دشمن سے مقابلہ ہوتا تو پیٹھ نہیں پھیرتے تھے ۔ اس پر عبداللہ ؓ نے عرض کی ، اے اللہ کے نبی ! میرے لیے یہ کیسے ممکن ہے کہ میں پیٹھ پھیر جاؤں ۔ عطاء نے کہا کہ مجھے یاد نہیں (اس حدیث میں) صوم دہر کا کس طرح ذکر ہوا ! (البتہ انہیں اتنا دیا تھا کہ) نبی کریم ﷺ نے فرمایا ، جو صوم دہر رکھتا ہے اس کا روزہ ہی نہیں ، دو مرتبہ (آپ ﷺ نے یہی فرمایا) ۔ ... حدیث متعلقہ ابواب: ہمیشہ روزہ رکھا اس نے روزہ ہی نہیں رکھا ۔

حدیث نمبر: 4711 --- ‏‏‏‏ سیدنا عامر بن سعد بن ابی وقاص ؓ سے روایت ہے ، میں نے سیدنا جابر بن سمرہ ؓ کو لکھا اور نافع غلام کے ہاتھ بھیجا کہ مجھ سے بیان کرو جو تم نے سنا ہو رسول اللہ ﷺ سے ۔ انہوں نے جواب میں لکھا میں نے سنا ہے رسول اللہ ﷺ سے آپ ﷺ فرماتے تھے : ” جمعہ کے دن شام کو جس دن ماعز اسلمی سنگسار کیے گئے (ان کا قصہ کتاب الحدود میں گزرا) یہ دین ہمیشہ قائم رہے گا یہاں تک کہ قیامت قائم ہو یا تم پر بارہ خلیفہ ہوں اور وہ سب قریشی ہوں گے ۔ “ (شاید یہ واقع بھی قیامت کے قریب ہوگا کہ بارہ خلیفہ بارہ ٹکڑیوں پر مسلمانوں کے ہوں گے ایک ہی وقت میں) اور سنا میں نے آپ ﷺ فرماتے تھے ایک چھوٹی سی جماعت مسلمانوں کی کسریٰ کے سفید محل کو فتح کرے گی ۔ (یہ معجزہ تھا آپ ﷺ کا ۔ ایسا ہی ہوا سیدنا عمر بن خطاب ؓ کی خلافت میں) اور میں نے سنا ، آپ ﷺ فرماتے تھے : ” قیامت کے قریب جھوٹے پیدا ہوں گے ان سے بچنا ۔ “ اور میں نے سنا آپ ﷺ فرماتے تھے : “ جب اللہ تم میں سے کسی کو دولت دے تو پہلے اپنے اوپر اور اپنے گھر والوں پر خرچ کرے ۔ “ (ان کو آرام سے رکھے پھر فقیروں کو دے) اور میں نے سنا آپ ﷺ فرماتے تھے ” میں تمہارا پیش خیمہ ہوں گا حوض کوثر پر ۔ “ (یعنی تمہارے پانی پلانے کے لیے وہاں بندوبست کروں گا اور تمہارے آنے کا منتظر رہوں گا) ۔

حدیث نمبر: 176 --- رقم الحديث ترقيم الباني: 3367... سیدنا سلمہ بن نفیل سکوتی ؓ کہتے ہیں : میں رسول اللہ ﷺ کے قریب ہوا ، حتی کے میرے گھٹنے آپ ﷺ کی رانوں کو چھو رہے تھے ۔ میں نے کہا : اے اللہ کے رسول ! گھوڑوں سے غفلت برتی جا رہی ہے ، اسلحہ پھینک دیا گیا ہے اور لوگ یہ گمان کرنے لگے ہیں کہ جہاد ختم ہو گیا ہے ۔ آپ ﷺ نے فرمایا : ”لوگ جھوٹ بول رہے ہیں ، قتال کا تو ابھی ابھی نفاذ ہوا ہے ، میری امت کی ایک جماعت حق پر قائم دائم رہے گی ، لوگوں پر غالب رہے گی ، بعض لوگوں کے دل منحرف ہوتے رہیں گے اور وہ ان سے قتال کر کے مال غنیمت حاصل کرتے رہیں گے ۔ “ نیز آپ ﷺ نے فرمایا ، اس حال میں آپ ﷺ کی پشت یمن کی طرف تھی : ”میں ادھر سے رحمٰن کی خوشبو (یا رحمت) محسوس کر رہا ہوں ۔ اس وقت آپ یمن کی طرف اشارہ فرما رہے تھے ۔ مجھے بذریعہ وحی بتلا دیا گیا ہے کہ میں ٹھہرنے والا نہیں ، بلکہ فوت ہونے والا ہوں ، تم لوگ گروہ در گروہ میرے پیچھے چلو گے اور (یاد رکھو کہ) گھوڑے کی پیشانی میں روز قیامت تک خیر و بھلائی معلق رہے گی اور گھوڑے والے ان پر سوار ہو کر سختیاں جھیلتے رہیں گے ۔ “

حدیث نمبر: 2506 --- ہم سے ابوالنعمان نے بیان کیا ، کہا ہم سے حماد بن زید نے بیان کیا ، انہیں عبدالملک بن جریج نے خبر دی ، انہیں عطاء نے اور انہیں جابر ؓ نے اور (ابن جریج اسی حدیث کی دوسری روایت) طاؤس سے کرتے ہیں کہ ابن عباس ؓ نے کہا کہ نبی کریم ﷺ چوتھی ذی الحجہ کی صبح کو حج کا تلبیہ کہتے ہوئے جس کے ساتھ کوئی اور چیز (عمرہ) نہ ملاتے ہوئے (مکہ میں) داخل ہوئے ۔ جب ہم مکہ پہنچے تو آپ ﷺ کے حکم سے ہم نے اپنے حج کو عمرہ کر ڈالا ۔ آپ ﷺ نے یہ بھی فرمایا کہ (عمرہ کے افعال ادا کرنے کے بعد حج کے احرام تک) ہماری بیویاں ہمارے لیے حلال رہیں گی ۔ اس پر لوگوں میں چرچا ہونے لگا ۔ عطاء نے بیان کیا کہ جابر ؓ نے کہا کہ کچھ لوگ کہنے لگے کیا ہم میں سے کوئی منیٰ اس طرح جائے کہ منی اس کے ذکر سے ٹپک رہی ہو ۔ جابر نے ہاتھ سے اشارہ بھی کیا ۔ یہ بات نبی کریم ﷺ تک پہنچی تو آپ ﷺ خطبہ دینے کھڑے ہوئے اور فرمایا مجھے معلوم ہوا ہے کہ بعض لوگ اس طرح کی باتیں کر رہے ہیں ۔ اللہ کی قسم میں ان لوگوں سے زیادہ نیک اور اللہ سے ڈرنے والا ہوں ۔ اگر مجھے وہ بات پہلے ہی معلوم ہوتی جو اب معلوم ہوئی ہے تو میں قربانی کے جانور اپنے ساتھ نہ لاتا اور اگر میرے ساتھ قربانی کے جانور نہ ہوتے تو میں بھی احرام کھول دیتا ۔ اس پر سراقہ بن مالک بن جعشم کھڑے ہوئے اور کہا یا رسول اللہ ! کیا یہ حکم (حج کے ایام میں عمرہ) خاص ہمارے ہی لیے ہے یا ہمیشہ کے لیے ؟ آپ ﷺ نے فرمایا کہ نہیں بلکہ ہمیشہ کے لیے ہے ۔ جابر ؓ نے کہا کہ علی بن ابی طالب ؓ (یمن سے) آئے ۔ اب عطاء اور طاؤس میں سے ایک تو یوں کہتا ہے علی ؓ نے احرام کے وقت یوں کہا تھا ۔ « لبيك بما أہل بہ رسول اللہ صلى اللہ عليہ وسلم‏.‏ » اور دوسرا یوں کہتا ہے کہ انہوں نے « لبيك بحجۃ رسول اللہ صلى اللہ عليہ وسلم » کہا تھا ۔ نبی کریم ﷺ نے انہیں حکم دیا کہ وہ اپنے احرام پر قائم رہیں (جیسا بھی انہوں نے باندھا ہے) اور انہیں اپنی قربانی میں شریک کر لیا ۔

حدیث نمبر: 3197 --- حکم البانی: صحيح... ابن ابی لیلیٰ کہتے ہیں کہ زید یعنی ابن ارقم ؓ ہمارے جنازوں پر چار تکبیریں کہا کرتے تھے اور ایک بار ایک جنازہ پر انہوں نے پانچ تکبیریں کہیں تو ہم نے ان سے پوچھا (آپ ہمیشہ چار تکبیریں کہا کرتے تھے آج پانچ کیسے کہیں ؟) تو انہوں نے کہا : رسول اللہ ﷺ ایسا (بھی) کہتے تھے ۔ ابوداؤد کہتے ہیں : مجھے ابن مثنیٰ کی حدیث زیادہ یاد ہے ۔ ... (ص/ح)

حدیث نمبر: 3507 --- ‏‏‏‏ سیدنا انس ؓ نے کہا کہ نکاح کیا رسول اللہ ﷺ نے اور داخل ہوئے اپنی بی بی ؓ کے پاس اور میری ماں ام سلیم ؓ نے کچھ ملیدہ بنایا اور اس کو ایک طباق میں رکھا اور کہا کہ اے انس ! اس کو لے جا رسول اللہ ﷺ کے پاس (اس سے ثابت ہوا کہ نئے دولہا کے پاس کھانا بھیجنا جس سے ولیمہ میں مدد ہو مستحب ہے) اور عرض کر کہ یہ میری ماں نے آپ ﷺ کی خدمت میں بھیجا ہے اور سلام عرض کیا ہے اور عرض کرتی ہے کہ آپ ﷺ کی جناب میں بہت چھوٹا ہدیہ ہے ہماری طرف سے اے اللہ کے رسول ؟ سیدنا انس ؓ نے کہا کہ پھر میں وہ لے گیا رسول اللہ ﷺ کے پاس اور میں نے ان سے عرض کیا کہ میری ماں نے آپ کی خدمت میں مجھے بھیجا ہے اور سلام کہا ہے اور عرض کرتی ہیں کہ یہ ہماری طرف سے آپ ﷺ کی جناب مبارک میں تھوڑا سا ہدیہ ہے ۔ آپ ﷺ نے فرمایا : کہ ”رکھ دو ۔ “ اور فرمایا : ”کہ جاؤ اور فلاں فلاں شخص کو ہمارے پاس بلاؤ اور جو تم کو مل جائے ۔ “ اور کئی شخصوں کا نام لیا ۔ سو میں ان کو بھی لایا جن کا نام لیا اور جو مجھے مل گیا ۔ میں نے سیدنا انس ؓ سے کہاکہ پھر وہ سب لوگ گنتی میں کتنے تھے ؟ انہوں نے کہا : قریب تین سو کے ۔ اور مجھ سے رسول اللہ ﷺ نے فرمایا : ”کہ اے انس ! وہ طباق لاؤ ۔ “ اور وہ لوگ اندر آئے ۔ یہاں تک کہ صفہ اور حجرہ بھر گیا (صفہ وہ جگہ جو باہر بیٹھنے کی بنائے جائے جسے دیوان خانہ کہتے ہیں) پھر رسول اللہ ﷺ نے فرمایا : ”کہ دس دس آدمی حلقہ باندھتے جائیں (یعنی جب وہ کھا لیں پھر دوسرے دس بیٹھیں) اور چاہیے کہ ہر شخص اپنے نزدیک سے کھائے ۔ “ (یعنی کھانے کی چوٹی نہ توڑے کہ برکت وہیں سے نازل ہوتی ہے) پھر ان لوگوں نے یہاں تک کھایا کہ سب سیر ہو گئے اور ایک گروہ جاتا تھا کھا کر پھر دوسرا آتا تھا ۔ یہاں تک کہ سب لوگ کھا چکے ۔ تب مجھ سے فرمایا : کہ ”اٹھا لے انس ! “ اور میں نے اس برتن کو اٹھایا تو معلوم نہ ہوتا تھا کہ جب میں نے رکھا تھا تب زیادہ تھا یا جب میں نے اٹھایا اس وقت اس میں کھانا زیادہ تھا اور بعض لوگ بیٹھے باتیں بناتے رہے رسول اللہ ﷺ کے گھر میں ۔ اور رسول اللہ ﷺ بیٹھے تھے اور آپ ﷺ کی بی بی صاحبہ (یعنی ام المؤمنین زینب ؓ) دیوار کی طرف منہ پھیرے بیٹھی ہوئی تھیں اور ان لوگوں کا بیٹھنا آپ کو گراں گزرا ۔ اور آپ ﷺ نکلے اور اپنی بیبیوں ؓ ن کو سلام کیا اور پھر لوٹ آئے ، پھر جب رسول اللہ ﷺ کو دیکھا ان لوگوں نے ...

حدیث نمبر: 4309 --- حکم البانی: صحيح... ابو سعید خدری ؓ کہتے ہیں کہ رسول اللہ ﷺ نے فرمایا : ” جہنم والے جن کا ٹھکانا جہنم ہی ہے ، وہ اس میں نہ مریں گے نہ جئیں گے ، لیکن کچھ لوگ ایسے ہوں گے جن کو ان کے گناہوں کی وجہ سے جہنم کی آگ پکڑ لے گی ، اور ان کو مار ڈالے گی یہاں تک کہ جب وہ کوئلہ ہو جائیں گے ، تو ان کی شفاعت کا حکم ہو گا ، پھر وہ گروہ در گروہ لائے جائیں گے اور جنت کی نہروں پر پھیلائے جائیں گے ، کہا جائے گا : اے جنتیو ! ان پر پانی ڈالو تو وہ نالی میں دانے کے اگنے کی طرح اگیں گے “ ، راوی کہتے ہیں کہ یہ سن کر ایک آدمی نے کہا : گویا رسول اللہ ﷺ بادیہ (دیہات) میں بھی رہ چکے ہیں ۔ ... (ص/ح)

حدیث نمبر: 843 --- ہم سے محمد بن ابی بکر نے بیان کیا ، انہوں نے کہا کہ ہم سے معتمر بن سلیمان نے بیان کیا ، ان سے عبیداللہ عمری نے بیان کیا ، ان سے سمی نے بیان کیا ، ان سے ابوصالح ذکوان نے بیان کیا ان سے ابوہریرہ ؓ نے فرمایا کہ نادار لوگ نبی کریم ﷺ کی خدمت میں حاضر ہوئے اور کہا کہ امیر و رئیس لوگ بلند درجات اور ہمیشہ رہنے والی جنت حاصل کر چکے حالانکہ جس طرح ہم نماز پڑھتے ہیں وہ بھی پڑھتے ہیں اور جیسے ہم روزے رکھتے ہیں وہ بھی رکھتے ہیں لیکن مال و دولت کی وجہ سے انہیں ہم پر فوقیت حاصل ہے کہ اس کی وجہ سے وہ حج کرتے ہیں ۔ عمرہ کرتے ہیں ۔ جہاد کرتے ہیں اور صدقے دیتے ہیں (اور ہم محتاجی کی وجہ سے ان کاموں کو نہیں کر پاتے) اس پر آپ نے فرمایا کہ لو میں تمہیں ایک ایسا عمل بتاتا ہوں کہ اگر تم اس کی پابندی کرو گے تو جو لوگ تم سے آگے بڑھ چکے ہیں انہیں تم پالو گے اور تمہارے مرتبہ تک پھر کوئی نہیں پہنچ سکتا اور تم سب سے اچھے ہو جاؤ گے سوا ان کے جو یہی عمل شروع کر دیں ہر نماز کے بعد تینتیس تینتیس مرتبہ تسبیح « سبحان اللہ » ، تحمید « الحمد للہ » ، تکبیر « اللہ أكبر » کہا کرو ۔ پھر ہم میں اختلاف ہو گیا کسی نے کہا کہ ہم تسبیح « سبحان اللہ » تینتیس مرتبہ ، تحمید « الحمد للہ » تینتیس مرتبہ اور تکبیر « اللہ أكبر » چونتیس مرتبہ کہیں گے ۔ میں نے اس پر آپ ﷺ سے دوبارہ معلوم کیا تو آپ ﷺ نے فرمایا کہ « سبحان اللہ » ، « الحمد للہ » اور « اللہ أكبر » کہو تاآنکہ ہر ایک ان میں سے تینتیس مرتبہ ہو جائے ۔ ... حدیث متعلقہ ابواب: نماز کے بعد اللہ کا ذکر کرنا ۔ سبحان الله ، الحمد لله اور الله أكبر پڑھنا ۔

حدیث نمبر: 2373 --- رقم الحديث ترقيم الباني: 2597... سیدنا ابوہریرہ ؓ بیان کرتے ہیں کہ ایک آدمی نے کہا : اے اللہ کے رسول ! میرے کچھ رشتہ دار ہیں ، (‏‏‏‏صورتحال یہ ہے کہ) میں ان سے صلہ رحمی کرتا ہوں ، لیکن وہ قطع رحمی کرتے ہیں ۔ میں ا‏‏‏‏ن کے ساتھ حسن سلوک کرتا ہوں جبکہ وہ میرے ساتھ بدسلوکی کرتے ہیں اور میں (‏‏‏‏ان کے بارے میں) حکمت و دانائی سے کام لیتا ہوں جبکہ وہ جہالت سے پیش آتے ہیں ۔ آپ ﷺ نے فرمایا : ”اگر بات ایسے ہی ہے جیسا کہ تو کہہ رہا ہے تو ، تو ان کے منہ میں گرم راکھ ڈال رہا ہے ۔ جب تک تیری یہ کیفیت رہے گی ، اللہ کی طرف سے ہمیشہ تیرے ساتھ ایک مددگار رہے گا ۔ “

حدیث نمبر: 174 --- حکم البانی: حسن... عبداللہ بن عمر ؓ کہتے ہیں کہ رسول اللہ ﷺ نے فرمایا : ” ایک ایسی قوم پیدا ہو گی جو قرآن پڑھے گی لیکن قرآن اس کے حلق سے نیچے نہ اترے گا ، جب بھی ان کا کوئی گروہ پیدا ہو گا ختم کر دیا جائے گا “ ، ابن عمر ؓ کہتے ہیں : میں نے بیسیوں بار رسول اللہ ﷺ کو فرماتے سنا : ” جب بھی ان کا کوئی گروہ نکلے گا ختم کر دیا جائے گا ، یہاں تک کہ انہیں میں سے دجال نکلے گا “ ۔ ... (ص/ح)