حدیث نمبر: 1538 --- حکم البانی: صحيح... صالح بن خوات اس شخص سے روایت کرتے ہیں کہ جس نے رسول اللہ ﷺ کے ساتھ غزوہ ذات الرقاع کے دن خوف کی نماز پڑھی (وہ بیان کرتے ہیں) کہ ایک گروہ نے آپ کے ساتھ صف بنائی ، اور دوسرا گروہ دشمن کے بالمقابل رہا ، آپ نے ان لوگوں کو جو آپ کے ساتھ تھے ایک رکعت پڑھائی ، پھر آپ کھڑے رہے ، اور ان لوگوں نے خود سے دوسری رکعت پوری کی ، پھر وہ لوگ لوٹ کر آئے ، اور دشمن کے سامنے صف بستہ ہو گئے ، اور دوسرا گروہ آیا تو آپ نے ان لوگوں کو ایک رکعت پڑھائی جو آپ کی نماز سے باقی رہ گئی تھی ، پھر آپ بیٹھے رہے ، اور ان لوگوں نے اپنی دوسری رکعت خود سے پوری کی ، پھر آپ نے ان کے ساتھ سلام پھیرا ۔ ... (ص/ح)

حدیث نمبر: 2581 --- ہم سے اسماعیل بن ابی اویس نے بیان کیا ، کہا کہ مجھ سے میرے بھائی عبدالحمید بن ابی اویس نے ، ان سے سلیمان نے ہشام بن عروہ سے ، ان سے ان کے باپ نے اور ان سے عائشہ ؓ نے کہ نبی کریم ﷺ کی ازواج دو گروہ میں تھیں ۔ ایک میں عائشہ ، حفصہ ، صفیہ اور سودہ رضوان اللہ علیہن اور دوسری میں ام سلمہ اور بقیہ تمام ازواج مطہرات رضوان اللہ علیہن تھیں ۔ مسلمانوں کو رسول اللہ ﷺ کی عائشہ ؓ کے ساتھ محبت کا علم تھا اس لیے جب کسی کے پاس کوئی تحفہ ہوتا اور وہ اسے رسول اللہ ﷺ کی خدمت میں پیش کرنا چاہتا تو انتظار کرتا ۔ جب رسول اللہ ﷺ کی عائشہ ؓ کے گھر کی باری ہوتی تو تحفہ دینے والے صاحب اپنا تحفہ آپ ﷺ کی خدمت میں بھیجتے ۔ اس پر ام سلمہ ؓ کی جماعت کی ازواج مطہرات نے آپس میں مشورہ کیا اور ام سلمہ ؓ سے کہا کہ وہ رسول اللہ ﷺ سے بات کریں تاکہ آپ ﷺ لوگوں سے فرما دیں کہ جسے آپ کے یہاں تحفہ بھیجنا ہو وہ جہاں بھی آپ ﷺ ہوں وہیں بھیجا کرے ۔ چنانچہ ان ازواج کے مشورہ کے مطابق انہوں نے رسول اللہ ﷺ سے کہا لیکن آپ ﷺ نے انہیں کوئی جواب نہیں دیا ۔ پھر ان خواتین نے پوچھا تو انہوں نے بتا دیا کہ مجھے آپ ﷺ نے کوئی جواب نہیں دیا ۔ ازواج مطہرات نے کہا کہ پھر ایک مرتبہ کہو ۔ انہوں نے بیان کیا پھر جب آپ کی باری آئی تو دوبارہ انہوں نے آپ ﷺ سے عرض کیا ۔ اس مرتبہ بھی آپ ﷺ نے مجھے اس کا کوئی جواب ہی نہیں دیا ۔ ازواج نے اس مرتبہ ان سے کہا کہ آپ ﷺ کو اس مسئلہ پر بلواؤ تو سہی ۔ جب ان کی باری آئی تو انہوں نے پھر کہا ۔ آپ ﷺ نے اس مرتبہ فرمایا ۔ عائشہ کے بارے میں مجھے تکلیف نہ دو ۔ عائشہ کے سوا اپنی بیویوں میں سے کسی کے کپڑے میں بھی مجھ پر وحی نازل نہیں ہوتی ہے ۔ عائشہ ؓ نے کہا کہ آپ ﷺ کے اس ارشاد پر انہوں نے عرض کیا ، آپ کو ایذا پہنچانے کی وجہ سے میں اللہ کے حضور میں توبہ کرتی ہوں ۔ پھر ان ازواج مطہرات نے رسول اللہ ﷺ کی صاحبزادی فاطمہ ؓ کو بلایا اور ان کے ذریعہ آپ ﷺ کی خدمت میں یہ کہلوایا کہ آپ کی ازواج ابوبکر ؓ کی بیٹی کے بارے میں اللہ کے لیے آپ سے انصاف چاہتی ہیں ۔ چنانچہ انہوں نے بھی آپ ﷺ سے بات چیت کی ۔ آپ ﷺ نے فرمایا ، میری بیٹی ! کیا تم وہ پسند نہیں کرتی جو میں پسند کروں ؟ انہوں نے جواب دیا کہ کیوں نہیں ، اس کے بعد وہ واپس آ گئیں اور ازواج کو اطلاع دی ۔ انہوں نے ان سے پھر دوبارہ خدمت نبوی میں جا...

حدیث نمبر: 3221 --- حکم البانی: صحيح... ابوہریرہ ؓ سے روایت کہ نبی اکرم ﷺ نے فرمایا : ” موسیٰ علیہ السلام باحیاء ، پردہ پوش انسان تھے ، ان کے بدن کا کوئی حصہ ان کے شرما جانے کے ڈر سے دیکھا نہ جا سکتا تھا ، مگر انہیں تکلیف پہنچائی جس کسی بھی اسرائیلی نے تکلیف پہنچائی ، ان لوگوں نے کہا : یہ شخص (اتنی زبردست) ستر پوشی محض اس وجہ سے کر رہا ہے کہ اسے کوئی جلدی بیماری ہے : یا تو اسے برص ہے ، یا اس کے خصیے بڑھ گئے ہیں ، یا اسے کوئی اور بیماری لاحق ہے ۔ اللہ نے چاہا کہ ان پر جو تہمت اور جو الزامات لگائے جا رہے ہیں ان سے انہیں بری کر دے ۔ (تو ہوا یوں کہ) موسیٰ علیہ السلام ایک دن تنہا تھے ، کپڑے اتار کر ایک پتھر پر رکھ کر نہانے لگے ، جب نہا چکے اور اپنے کپڑے لینے کے لیے آگے بڑھے تو پتھر ان کے کپڑے لے کر بھاگا ۔ موسیٰ علیہ السلام نے اپنی لاٹھی اٹھائی ، پتھر کو بلانے اور کہنے لگے « ثوبي حجر ثوبي حجر » ” پتھر : میرا کپڑا دے ، پتھر ! میرا کپڑا دے “ اور یہ کہتے ہوئے پیچھے پیچھے دوڑتے رہے یہاں تک کہ وہ پتھر بنی اسرائیل کی ایک جماعت (ایک گروہ) کے پاس جا پہنچا ، دوسروں نے انہیں (مادر زاد) ننگا اپنی خلقت و بناوٹ میں لوگوں سے اچھا دیکھا ۔ اللہ نے انہیں ان تمام عیبوں اور خرابیوں سے پاک و صاف دکھا دیا جو عیب وہ ان میں بتا رہے تھے “ ۔ آپ نے فرمایا : ” پھر وہ پتھر رک گیا ۔ موسیٰ علیہ السلام نے اپنے کپڑے لے کر پہن لیے ، پھر اپنی لاٹھی سے پتھر کو پیٹنے لگے ۔ تو قسم اللہ کی پتھر پر لاٹھی کی مار سے تین ، چار یا پانچ چوٹ کے نشان تھے ۔ یہی مطلب ہے اللہ تعالیٰ کی اس آیت « يا أيہا الذين آمنوا لا تكونوا كالذين آذوا موسى فبرأہ اللہ مما قالوا وكان عند اللہ وجيہا » ” اے ایمان لانے والو ! تم ان لوگوں کی طرح نہ ہو جانا جنہوں نے موسیٰ علیہ السلام کو اپنے جھوٹے الزامات سے تکلیف پہنچائی ، تو اللہ نے انہیں اس تہمت سے بری قرار دیا ، وہ اللہ کے نزدیک بڑی عزت و مرتبت والا تھا “ (الاحزاب : ۶۹) ۔ امام ترمذی کہتے ہیں : ۱- یہ حدیث حسن صحیح ہے ، ۲- یہ حدیث کئی سندوں سے ابوہریرہ ؓ کے واسطہ سے نبی اکرم ﷺ سے مروی ہے ، اور اس میں ایک حدیث انس کے واسطہ سے نبی اکرم ﷺ سے مروی ہے ۔ ... (ص/ح)

حدیث نمبر: 473 --- ‏‏‏‏ یزید بن صہیب ابو عثمان فقیر سے روایت ہے ، میرے دل میں خارجیوں کی ایک بات کھب گئی تھی (وہ یہ کہ کبیرہ گناہ کرنے والا ہمیشہ جہنم میں رہے گا ۔ اور جو جہنم میں جائے گا وہ پھر وہاں سے نہ نکلے گا) تو ہم نکلے ایک بڑی جماعت کے ساتھ اس ارادے سے کہ حج کریں ، پھر خارجیوں کا مذہب پھیلائیں جب ہم مدینے میں پہنچے دیکھا تو سیدنا جابر بن عبداللہ ؓ ایک ستون کے پاس بیٹھے ہوئے لوگوں کو حدیثیں سنا رہے ہیں رسول اللہ ﷺ کی ، انہوں نے یکایک ذکر کیا دوزخیوں کا ۔ میں نے کہا : اے صحابی ، رسول اللہ ﷺ کے ، تم کیا حدیث بیان کرتے ہو ؟ اللہ تعالیٰ تو فرماتا ہے ۔ ” (اے رب ہمارے) بے شک تو جس کو جہنم میں لے گیا تو نے اس کو رسوا کیا“ اور فرماتا ہے : ”جہنم کے لوگ جب وہاں سے نکلنا چاہیں گے تو پھر اس میں ڈال دیئے جائیں گے ۔ “ اب تم کیا کہتے ہو ؟ انہوں نے کہا : تو نے قرآن پڑھا ہے ؟ میں نے کہا : ہاں ، انہوں نے پھر کہا : تو نے محمد ﷺ کا مقام سنا ہے یعنی وہ مقام جو اللہ ان کو قیامت کے روز عنایت فرمائے گا (جس کا بیان اس آیت میں ہے « عسي أن يبعثك ») میں نے کہا : ہاں میں نے سنا ہے انہوں نے کہا : پھر وہی مقام محمود ہے ، جس کی وجہ سے اللہ تعالیٰ نکالے گا جہنم سے ان لوگوں کو جن کو چاہے گا ۔ (پھر بیان کیا) انہوں نے پل صراط کا حال اور لوگوں کے گزرنے کا اس پل پر سے اور مجھے ڈر ہے ۔ یاد نہ رہا ہو یہ مگر انہوں نے یہ کہا : کہ کچھ لوگ دوزخ سے نکالے جائیں گے ۔ اس میں جانے کے بعد اور اس طرح سے نکلیں گے جیسے آبنوس کی لکڑیاں ۔ (سیاہ جل بھن کر) پھر جنت کی ایک نہر میں جائیں گے اور وہاں غسل کریں گے اور کاغذ کی طرح سفید ہو کر نکلیں گے ، یہ سن کر ہم لوٹے اور کہا ہم نے ۔ خرابی ہو تمہاری کیا یہ بوڑھا جھوٹ باندھتا ہے رسول اللہ ﷺ پر (یعنی وہ ہر گز جھوٹ نہیں بولتا پھر تمہارا مذہب غلط نکلا) اور ہم سب پھر گئے اپنے مذہب سے مگر ایک شخص نہ پھرا ۔ ایسا ہی کہا ابونعیم (فضل بن دکین) نے ۔

حدیث نمبر: 6830 --- ہم سے عبدالعزیز بن عبداللہ اویسی نے بیان کیا ، کہا ہم سے ابراہیم بن سعد نے بیان کیا ، ان سے صالح بن کیسان نے ، ان سے ابن شہاب نے ، ان سے عبیداللہ بن عبداللہ بن عتبہ بن مسعود نے اور ان سے ابن عباس ؓ نے بیان کیا کہ میں کئی مہاجرین کو (قرآن مجید) پڑھایا کرتا تھا ۔ عبدالرحمٰن بن عوف ؓ بھی ان میں سے ایک تھے ۔ ابھی میں منیٰ میں ان کے مکان پر تھا اور وہ عمر ؓ کے آخری حج میں (سنہ 23 ھ) ان کے ساتھ تھے کہ وہ میرے پاس لوٹ کر آئے اور کہا کہ کاش تم اس شخص کو دیکھتے جو آج امیرالمؤمنین کے پاس آیا تھا ۔ اس نے کہا کہ اے امیرالمؤمنین ! کیا آپ فلاں صاحب سے یہ پوچھ گچھ کریں گے جو یہ کہتے ہیں کہ اگر عمر کا انتقال ہو گیا تو میں صلاح صاحب طلحہ بن عبیداللہ سے بیعت کروں گا کیونکہ واللہ ابوبکر ؓ کی بغیر سوچے سمجھے بیعت تو اچانک ہو گئی اور پھر وہ مکمل ہو گئی تھی ۔ اس پر عمر ؓ بہت غصہ ہوئے اور کہا میں ان شاءاللہ شام کے وقت لوگوں سے خطاب کروں گا اور انہیں ان لوگوں سے ڈراؤں گا جو زبردستی سے دخل درمعقولات کرنا چاہتے ہیں ۔ عبدالرحمٰن بن عوف ؓ نے کہا کہ اس پر میں نے عرض کیا : یا امیرالمؤمنین ! ایسا نہ کیجئے ۔ حج کے موسم میں کم سمجھی اور برے بھلے ہر ہی قسم کے لوگ جمع ہیں اور جب آپ خطاب کے لیے کھڑے ہوں گے تو آپ کے قریب یہی لوگ زیادہ ہوں گے اور مجھے ڈر ہے کہ آپ کھڑے ہو کر کوئی بات کہیں اور وہ چاروں طرف پھیل جائے ، لیکن پھیلانے والے اسے صحیح طور پر یاد نہ رکھ سکیں گے اور اس کے غلط معانی پھیلانے لگیں گے ، اس لیے مدینہ منورہ پہنچنے تک کا انتظار کر لیجئے کیونکہ وہ ہجرت اور سنت کا مقام ہے ۔ وہاں آپ کو خالص دینی سمجھ بوجھ رکھنے والے اور شریف لوگ ملیں گے ، وہاں آپ جو کچھ کہنا چاہتے ہیں اعتماد کے ساتھ ہی فرما سکیں گے اور علم والے آپ کی باتوں کو یاد بھی رکھیں گے اور جو صحیح مطلب ہے وہی بیان کریں گے ۔ عمر ؓ نے کہا ہاں اچھا اللہ کی قسم میں مدینہ منورہ پہنچتے ہی سب سے پہلے لوگوں کو اسی مضمون کا خطبہ دوں گا ۔ ابن عباس ؓ نے بیان کیا کہ پھر ہم ذی الحجہ کے مہینہ کے آخر میں مدینہ منورہ پہنچے ۔ جمعہ کے دن سورج ڈھلتے ہی ہم نے (مسجد نبوی) پہنچنے میں جلدی کی اور میں نے دیکھا کہ سعید بن زید بن عمرو بن نفیل ممبر کی جڑ کے پاس بیٹھے ہوئے تھے ۔ میں بھی ان کے پاس بیٹھ گیا ۔ میرا ٹخنہ ان کے ٹخنے سے لگا...

حدیث نمبر: 2736 --- ‏‏‏‏ حبیب سے روایت ہے کہ انہوں نے ابوالعباس سے اور انہوں نے سنا سیدنا عبداللہ بن عمر ؓ سے کہ مجھ سے رسول اللہ ﷺ نے فرمایا : ”اے عبداللہ ! تم ہمیشہ روزے رکھتے ہو اور ساری رات جاگتے ہو اور تم جب ایسا کرو گے تو آنکھیں بھر بھرا آئیں گی اور ضعیف ہو جائیں گی اور جس نے ہمیشہ روزہ رکھا اس نے تو روزہ ہی نہیں رکھا اور ہر ماہ تین دن روزہ رکھنا گویا پورے ماہ کا روزہ رکھنا ہے ۔ “ (یعنی ثواب کی راہ سے) تو میں نے عرض کیا کہ میں اس سے زیادہ طاقت رکھتا ہوں تو آپ ﷺ نے فرمایا : ”اچھا صوم داؤدی رکھا کرو اور وہ یہ ہے کہ داؤد علیہ السلام ایک دن روزہ رکھتے تھے ، ایک دن افطار کرتے تھے اور پھر بھی جب دشمن کے آگے ہوتے تو کبھی نہ بھاگتے ۔ “ (یعنی اتنی قوت پر بھی ہمیشہ روزہ نہ رکھتے تھے جیسے تم نے اختیار کیا ہے) ۔

حدیث نمبر: 2729 --- ‏‏‏‏ سیدنا عبداللہ بن عمرو بن عاص ؓ نے کہا : رسول اللہ ﷺ کو خبر پہنچی کہ میں کہتا ہوں کہ میں ساری رات جاگا کروں گا اور ہمیشہ دن کو روزہ رکھا کروں گا جب تک زندہ رہوں گا ۔ (سبحان اللہ ! کیا شوق تھا عبادت کا اور جوانی میں یہ شوق یہ تاثیر تھی نبی ﷺ کی صحبت و خدمت کی) پس فرمایا رسول اللہ ﷺ نے کہ ”تم نے ایسا کہا ۔ “ میں نے عرض کی : ہاں یا رسول اللہ ! میں نے ایسا ہی کہا ہے ۔ تب رسول اللہ ﷺ نے فرمایا : ”تم اس کی طاقت نہیں رکھ سکتے اس لیے تم روزے بھی رکھو اور افطار بھی کرو اور رات کو نماز بھی پڑھو اور سوئے بھی رہو اور ہر ماہ تین روزے رکھ لیا کرو اس لیے کہ ہر نیکی دس گنا لکھی جاتی ہے تو یہ گویا ہمیشہ کے روزے ہوئے ۔ “ (اس لیے کہ تین دہائے تیس ہو گئے) تب میں نے عرض کی : کہ میں اس سے زیادہ کی طاقت رکھتا ہوں اے اللہ کے رسول ! آپ ﷺ نے فرمایا : ”اچھا ایک دن روزہ رکھو اور دو دن افطار کرو ۔ “ پھر میں نے عرض کی : کہ میں اس سے زیادہ طاقت رکھتا ہوں یا رسول اللہ ! تو آپ ﷺ نے فرمایا : ”ایک دن روزہ رکھو اور ایک دن افطار کرو اور یہ روزہ ہے سیدنا داؤد علیہ السلام کا ۔ “ (یعنی ان کی عادت یہی تھی اور یہ سب روزوں سے عمدہ ہے اور معتدل) میں نے پھر عرض کی : کہ میں اس سے زیادہ طاقت رکھتا ہوں ۔ آپ ﷺ نے فرمایا : ”ان روزوں سے افضل کوئی روزہ نہیں ہے ۔ “ سیدنا عبداللہ بن عمر ؓ فرماتے ہیں : کہ اگر میں یہ فرمان رسول اللہ ﷺ کا کہ تین روزے ہر ماہ میں رکھ لیا کرو قبول کر لیتا تو یہ مجھے اپنے گھر بار مال و متاع سے بھی زیادہ پیارا معلوم ہوتا (اور یہ فرمانا ان کا ایام پیری میں تھا کہ جب ضعف محسوس ہوا) ۔

حدیث نمبر: 4100 --- ‏‏‏‏ سیدنا جابر بن عبداللہ ؓ سے روایت ہے ، میں نے جہاد کیا رسول اللہ ﷺ کے ساتھ تو آپ ﷺ مجھ سے ملے (راہ میں) اور میری سواری میں ایک اونٹ تھا پانی کا ، وہ تھک گیا تھا اور بالکل چل نہ سکتا تھا ۔ آپ ﷺ نے پوچھا : ” تیرے اونٹ کو کیا ہوا ہے ؟ “ میں نے عرض کیا : وہ بیمار ہے ، یہ سن کر رسول اللہ ﷺ پیچھے ہٹے اور اونٹ کو ڈانٹا اور اس کے لیے دعا کی پھر وہ ہمیشہ سب اونٹوں کے آگے ہی چلتا رہا ۔ آپ ﷺ نے فرمایا : ” اب تیرا اونٹ کیسا ہے ؟ “ میں نے کہا : اچھا ہے ، آپ ﷺ کی دعا کی برکت سے ۔ آپ ﷺ نے فرمایا : ” میرے ہاتھ بیچتا ہے ۔ “ مجھے شرم آئی اور ہمارے پاس اور کوئی اونٹ پانی لانے کے لیے نہ تھا ۔ آخر میں نے کہا : بیچتا ہوں ۔ پھر میں نے اس اونٹ کو آپ ﷺ کے ہاتھ بیچ ڈالا اس شرط سے کہ میں اس پر سواری کروں گا مدینے تک ۔ پھر میں نے عرض کیا ۔ یا رسول اللہ ! میں نوشہ ہوں (یعنی ابھی میرا نکاح ہوا ہے) مجھے اجازت دیجئے (لوگوں سے پہلے مدینہ جانے کی) آپ ﷺ نے اجازت دی میں لوگوں سے آگے بڑھ کر مدینہ آ پہنچا ۔ وہاں میرے ماموں ملے ۔ اونٹ کا حال پوچھا میں نے سب حال بیان کیا ۔ انہوں نے مجھ کو ملامت کی (کہ ایک ہی اونٹ تھا تیرے پاس اور گھر والے بہت ہیں اس کو بھی تو نے بیچ ڈالا ۔ اور اس کو یہ معلوم نہ تھا کہ اللہ کریم کو جابر ؓ کا فائدہ منظور ہے) سیدنا جابر ؓ نے کہا : جب میں نے آپ ﷺ سے اجازت مانگی تو آپ ﷺ نے فرمایا : ” تو نے کنواری سے شادی کی یا نکاحی سے ؟ “ میں نے کہا : نکاحی سے ۔ آپ ﷺ نے فرمایا : ” کنواری سے کیوں نہ کی ؟ وہ تجھ سے کھیلتی اور تو اس سے کھیلتا ۔ “ میں نے عرض کیا ، یا رسول اللہ ! میرا باپ مر گیا یا شہید ہو گیا میری کئی بہنیں چھوڑ کر چھوٹی چھوٹی تو مجھے برا معلوم ہوا کہ میں شادی کر کے اور ایک لڑکی لاؤں ان کے برابر جو نہ ان کو ادب سکھائے اور نہ ان کو دبائے ۔ اس لیے میں نے ایک نکاحی سے شادی کی تاکہ ان کو دابے اور تمیز سکھائے ۔ سیدنا جابر ؓ نے کہا پھر جب رسول اللہ ﷺ مدینہ میں تشریف لائے ، میں اونٹ صبح ہی لے گیا ۔ آپ ﷺ نے اس کی قیمت مجھ کو دی اور اونٹ بھی پھیر دیا ۔

حدیث نمبر: 3319 --- ہم سے اسماعیل بن ابی اویس نے بیان کیا ، کہا کہ مجھ سے امام مالک نے بیان کیا ، ان سے ابوالزناد نے ، ان سے اعرج نے اور ان سے ابوہریرہ ؓ نے کہ رسول اللہ ﷺ نے فرمایا ” گروہ انبیاء میں سے ایک نبی ایک درخت کے سائے میں اترے ، وہاں انہیں کسی ایک چیونٹی نے کاٹ لیا ۔ تو انہوں نے حکم دیا ، ان کا سارا سامان درخت کے تلے سے اٹھا لیا گیا ۔ پھر چیونٹیوں کا سارا چھتہ جلوا دیا ۔ اس پر اللہ تعالیٰ نے ان پر وحی بھیجی کہ تم کو تو ایک ہی چیونٹی نے کاٹا تھا ، فقط اسی کو جلانا تھا ۔ “

حدیث نمبر: 2456 --- ‏‏‏‏ سیدنا ابوسعید خدری ؓ نے کہا : ہم رسول اللہ ﷺ کے پاس تھے اور آپ ﷺ کچھ بانٹ رہے تھے کہ ذوالخویصرہ آیا ایک شخص بنی تمیم کا اور اس نے کہا کہ اے رسول اللہ کے ! عدل کرو ۔ تب رسول اللہ ﷺ نے فرمایا : ” خرابی ہے تیری جب میں عدل نہ کروں گا تو کون کرے گا ؟ اور تو بالکل بدنصیب اور محروم ہو گیا اگر میں نے عدل نہ کیا ۔ “ اس پر سیدنا عمر بن خطاب ؓ نے عرض کی کہ اے اللہ کے رسول ! مجھے اجازت دیجئیے کہ اس کی گردن مار وں ۔ آپ ﷺ نے فرمایا : ” جانے دو اس لیے کہ اس کے چند یار ہوں گے کہ تم حقیر سمجھو گے اپنی نماز کو ان کی نماز کے آگے ، اور اپنے روزے کو ان کے روزے کے آگے ، قرآن پڑھیں گے کہ گلوں سے نہ اترے گا اسلام سے ایسے نکل جائیں گے کہ جیسے تیر شکار سے کہ دیکھتا ہے تیر انداز اس کے پیکان کو تو اس میں کچھ بھرا نہیں ہے ، پھر دیکھتا ہے اس کی پیکان کی جڑ کو تو اس میں کچھ نہیں ، پھر دیکھتا ہے اس کی لکڑی کو تو اس میں بھی کچھ نہیں ، پھر دیکھتا ہے اس کے پر کو تو اس میں بھی کچھ نہیں اور تیر اس شکار کی بیٹ اور خون سے نکل گیا اور نشانی اس گروہ کی یہ ہے کہ ان میں ایک کالا آدمی ہے کہ ایک شانہ اس کا عورت کے پستان کا سا ہو گا یا فرمایا جیسے گوشت کا لوتھڑا تلتھلاتا ہوا اور وہ گروہ اس وقت نکلے گا جب لوگوں میں پھوٹ ہو گی ۔ “ سیدنا ابوسعید خدری ؓ کہتے ہیں کہ میں گواہی دیتا ہوں کہ میں نے سنا ہے یہ رسول اللہ ﷺ سے اور گواہی دیتا ہوں کہ سیدنا علی بن ابی طالب ؓ ان سے لڑے اور میں آپ ؓ کے ساتھ تھا اور آپ ؓ نے حکم فرمایا اس کے ڈھونڈنے کا اور وہ ملا اور سیدنا علی بن ابی طالب ؓ کے پاس لایا گیا اور میں نے اس کو دیکھا کہ جیسا رسول اللہ ﷺ نے فرمایا تھا ویسا ہی تھا ۔