حدیث نمبر: 411 --- ‏‏‏‏ سیدنا انس بن مالک ؓ سے روایت ہے ، رسول اللہ ﷺ نے فرمایا : ”میرے سامنے براق لایا گیا ۔ اور وہ ایک جانور ہے سفید رنگ کا گدھے سے اونچا اور خچر سے چھوٹا اپنے سم وہاں رکھتا ہے ، جہاں تک اس کی نگاہ پہنچتی ہے (تو ایک لمحہ میں آسمان تک جا سکتا ہے) میں اس پر سوار ہوا اور بیت المقدس تک آیا ۔ وہاں اس جانور کو حلقہ سے باندھ دیا ۔ جس سے اور پیغمبر اپنے اپنے جانوروں کو باندھا کرتے تھے (یہ حلقہ مسجد کے دروازے پر ہے اور باندھ دینے سے معلوم ہوا کہ انسان کو اپنی چیزوں کی احتیاط اور حفاظت ضروری ہے اور یہ توکل کے خلاف نہیں) پھر میں مسجد کے اندر گیا اور دو رکعتیں نماز کی پڑھیں بعد اس کے باہر نکلا تو جبرئیل علیہ السلام دو برتن لے کر آئے ایک میں شراب تھی اور ایک میں دودھ میں نے دودھ پسند کیا ۔ جبرئیل علیہ السلام ہمارے ساتھ آسمان پر چڑھے (جب وہاں پہنچے) تو فرشتوں سے کہا : دروازہ کھولنے کیلئے ، انہوں نے پوچھا کون ہے ؟ جبرئیل علیہ السلام نے کہا : جبرئیل ہے ۔ انہوں نے کہا : تمہارے ساتھ دوسرا کون ہے ۔ ؟ جبرئیل علیہ السلام نے کہا : محمد ﷺ ہیں ۔ فرشتوں نے پوچھا : کیا بلائے گئے تھے ۔ جبرئیل علیہ السلام نے کہا : ہاں بلائے گئے ہیں ، پھر دروازہ کھولا گیا ہمارے لئے اور ہم نے آدم علیہ السلام کو دیکھا ، انہوں نے مرحبا کہا اور میرے لئے دعا کی بہتری کی ۔ پھر جبرئیل علیہ السلام ہمارے ساتھ چڑھے دوسرے آسمان پر اور دروازہ کھلوایا ، فرشتوں نے پوچھا : کون ہے ۔ انہوں نے کہا : جبرئیل ۔ فرشتوں نے پوچھا : تمہارے ساتھ دوسرا کون شخص ہے ؟ انہوں نے کہا : محمد ﷺ ہیں فرشتوں نے کہا : کیا ان کو حکم ہوا تھا بلانے کا ۔ جبرئیل علیہ السلام نے کہا : ہاں ان کو حکم ہوا ہے ، پھر دروازہ کھلا تو میں نے دونوں خالہ زاد بھائیوں کو دیکھا یعنی عیسیٰ بن مریم اور یحییٰ بن زکریا علیہم السلام کو ان دونوں نے مرحبا کہا اور میرے لئے بہتری کی دعا کی پھر جبرئیل علیہ السلام ہمارے ساتھ تیسرے آسمان پر چڑھے اور دروازہ کھلوایا ۔ فرشتوں نے کہا : کون ہے ؟ جبرئیل علیہ السلام نے کہا : جبرئیل ۔ فرشتوں نے کہا : دوسرا تمہارے ساتھ کون ہے ۔ جبرئیل علیہ السلام نے کہا : محمد ﷺ ہیں ۔ فرشتوں نے کہا : کیا ان کو پیغام کیا گیا تھا بلانے کے لئے ؟ جبرئیل علیہ السلام نے کہا : ہاں ان کو پیغام کیا گیا تھا پھر دروازہ کھلا تو میں نے یوسف علیہ...

حدیث نمبر: 3245 --- ‏‏‏‏ عطاء نے کہا کہ جب کعبہ جل گیا یزید بن معاویہ کے زمانہ میں جب کہ مکہ میں آ کر شام والے لڑے تھے اور جو حال اس کو ہوا سو ہوا اور سیدنا ابن زبیر ؓ نے کعبہ شریف کو ویسا ہی رہنے دیا ، یہاں تک کہ لوگ موسم حج میں جمع ہوئے اور سیدنا ابن زبیر ؓ کا ارادہ تھا کہ لوگوں کو خانہ کعبہ دکھا کر جرأت دلائیں اہل شام کی لڑائی پر یا ان کا تجربہ کریں کہ انہیں کچھ حمیت دین ہے یا نہیں پھر جب لوگ آ گئے تو انہوں نے کہا : اے لوگو ! مشورہ دو مجھے خانہ کعبہ کے لیے کہ میں اسے توڑ کر نئے سرے سے بناؤں یا جو اس میں بودا ہو گیا ہے اسے درست کر دوں ۔ سیدنا ابن عباس ؓ نے کہا کہ مجھے ایک رائے سوجھی ہے اور میں تو یہ جانتا ہوں کہ تم صرف جو ان میں بودا ہو گیا ہے اس کی مرمت کر دو اور خانہ کعبہ کو ویسا ہی رہنے دو جیسا کہ لوگوں کے وقت تھا اور ان ہی پتھروں کو رہنے دو جن کے اوپر لوگ مسلمان ہوئے ہیں اور رسول اللہ ﷺ مبعوث ہوئے ہیں تو سیدنا ابن زبیر ؓ نے کہا کہ اگر تم میں سے کسی کا گھر جل جائے تو اس کا دل کبھی نہ چاہے جب تک نیا نہ بنائے ، پھر تمہارے رب کا گھر تو اس سے کہیں افضل ہے اس کا کیا حال ہے اور میں اپنے رب سے استخارہ کرتا ہوں ۔ تین بار پھر مصمم ارادہ کرتا ہوں اپنے کام کا ، پھر جب تین بار استخارہ ہو چکا تو ان کی رائے میں آیا کہ خانہ مبارک کو توڑ کر بنائیں اور جو لوگ خوف کرنے لگے کہ ایسا نہ ہو جو شخص کہ پہلے خانہ کے اوپر توڑنے چڑھے اس پر کوئی بلائے آسمانی نازل نہ ہو (اس سے معلوم ہوا کہ مالک اس گھر کا اوپر ہے اور تمام صحابہ کا یہی عقیدہ تھا) یہاں تک کہ ایک شخص چڑھا اور اس میں سے ایک پتھر گرا دیا پھر جب لوگوں نے دیکھا کہ اس پر کوئی بلا نہ اتری تو ایک دوسرے پر گرنے لگے اور خانہ مبارک کو ڈھا کر زمین تک پہنچا دیا اور سیدنا ابن زبیر ؓ نے چند ستون کھڑے کر کے ان پر پردہ ڈال دیا (تاکہ لوگ اسی پردہ کی طرف نماز پڑھتے رہیں اور مقام کعبہ کو جانتے رہیں اور وہ پردے میں پڑے رہے) یہاں تک کہ دیواریں اس کی اونچی ہو گئیں اور سیدنا ابن زبیر ؓ نے کہا کہ میں نے سیدہ عائشہ ؓ سے سنا ہے کہ فرماتی تھیں کہ نبی ﷺ نے فرمایا ہے : ” کہ اگر لوگ نئے نئے کفر نہ چھوڑے ہوتے اور میرے پاس اتنا بھی خرچ نہیں ہے کہ اس کو بنا سکوں ورنہ پانچ گز حطیم سے کعبہ کے اندر کر دیتا اور ایک دروازہ تو اس میں ایسا رہنے دیتا کہ لوگ اس...

حدیث نمبر: 4659 --- ‏‏‏‏ سیدنا اسامہ بن زید ؓ سے روایت ہے ، رسول اللہ ﷺ ایک گدھے پر سوار ہوئے ، اس پر ایک پالان تھا ، اور نیچے اس کے ایک چادر تھی فدک کی ۔ (فدک ایک مشہور شہر تھا مدینہ سے دو یا تین منزل پر) آپ ﷺ کے پیچھے اسی گدھے پر سیدنا اسامہ بن زید ؓ تھے ، آپ ﷺ تشریف لے گئے سعد بن عبادہ ؓ کو پوچھنے کے لیے ، ان کی بیماری میں بنی حارث بن خزرج کے محلہ میں اور قصہ بدر کی جنگ سے پہلے کا ہے یہاں تک کہ آپ ﷺ گزرے ایک مجلس پر جس میں سب قسم کے لوگ یعنی مسلمان اور مشرک بت پرست اور یہود ملے جلے تھے ۔ ان لوگوں میں عبداللہ بن ابی (منافق مشہور) بھی تھا اور سیدنا عبداللہ بن رواحہ ؓ بھی تھے ، جب اس مجلس میں جانور کی گرد پہنچی تو عبداللہ بن ابی نے اپنی ناک بند کر لی چادر سے اور کہنے لگا مت گرد اڑاؤ ہم پر ، رسول اللہ ﷺ نے ان لوگوں کو سلام کیا پھر کھڑے ہوئے اور گدھے پر سے اترے بعد اس کے ان کو بلایا اللہ کی طرف اور ان کو قرآن سنایا : عبداللہ بن ابی نے کہا : اے شخص ! اس سے اچھا کچھ نہیں یا اس سے تو یہ بہتر تھا کہ تم اپنے گھر میں بیٹھتے اگر تم جو کہتے ہو وہ سچ ہے تو مت ستاؤ ہم کو ہماری مجلسوں میں اور لوٹ جاؤ اپنے ٹھکانے کو ، جو ہم میں سے تمہارے پاس آئے اس کو یہ قصہ سناؤ ۔ سیدنا عبداللہ بن رواحہ ؓ نے کہا : ہم کو ضرور سنائیے ہماری مجلسوں میں کیوں کہ ہم پسند کرتے ہیں ان باتوں کو ۔ سیدنا اسامہ ؓ نے کہا : پھر مسلمان اور مشرک اور یہود گالی گلوچ کرنے لگے یہاں تک کہ قصد کیا ایک دوسرے کو مارنے کا اور رسول اللہ ﷺ اس جھگڑے کو دباتے تھے ۔ آخر آپ ﷺ سوار ہوئے اپنے جانور پر اور سیدنا سعد بن عبادہ ؓ کے پاس گئے ۔ آپ ﷺ نے فرمایا : ”اے سعد ! تم نے نہیں سنیں ابوحباب کی باتیں (یہ کنیت ہے عبداللہ بن ابی کی) اس نے ایسی ایسی باتیں کہیں ۔ “ سیدنا سعد ؓ نے کہا : آپ معاف کر دیجئے یا رسول اللہ ! اور درگزر کیجیے قسم اللہ کی ، اللہ نے آپ کو دیا جو دیا اور اس شہر والوں نے تو یہ ٹھہرایا تھا کہ عبداللہ بن ابی کو تاج پہنا دیں اور عمامہ بندھوا دیں (یعنی اس کو بادشاہ کریں یہاں کا) جب اللہ تعالیٰ نے یہ بات نہ ہونے دی اس حق کی وجہ سے جو آپ کو دیا گیا تو وہ جل گیا (حسد کے مارے) اسی حسد نے اس سے یہ کرایا جو آپ نے دیکھا ، پھر رسول اللہ ﷺ نے اس کو معاف کر دیا ۔

حدیث نمبر: 2467 --- ‏‏‏‏ زید سے روایت ہے کہ وہ اس لشکر میں تھے جو سیدنا علی بن ابی طالب ؓ کے ساتھ خوارج پر گیا تھا انہوں نے کہا کہ سیدنا علی بن ابی طالب ؓ نے فرمایا : اے لوگو ! میں نے سنا ہے رسول اللہ ﷺ سے کہ فرماتے تھے : ایک قوم نکلے گی میری امت سے کہ قرآن پڑھیں گے ایسا کہ تمہارا پڑھنا ان کے آگے کچھ نہ ہو گا اور نہ تمہاری نماز ان کی نماز کے آگے کچھ ہو گی اور نہ تمہارا روزہ ان کے روزوں کے آگے کچھ ہو گا قرآن پڑھ کو وہ سمجھیں گے کہ ہمارا اس میں فائدہ ہے اور وہ ان کا ضرر ہو گا نماز ان کے گلوں سے نہ اترے گی ، نکل جائیں گے اسلام سے جیسے تیر شکار سے ۔ “ اگر وہ لشکر جو ان پر جائے گا جان لے اس بشارت کو جس کا بیان فرمایا گیا ہے تمہارے نبی ﷺ کی زبان مبارک پر تو بھروسا کرے اسی عمل پر (یہ سمجھ لے کہ اب عمل کی حاجت نہیں اتنا ثواب ان کے قتل میں ہے) اور نشانی ان کی یہ ہے کہ ان میں آدمی ہے کہ اس کے شانے کے سر پر عورت کے سر پستان کی مثل ہے ۔ اور اس پر بال ہیں سفید رنگ کے اور سیدنا علی بن ابی طالب ؓ نے فرمایا : تم جاتے ہو معاویہ کی طرف اہل شام پر اور ان کو چھوڑے جاتے ہو کہ یہ تمہارے پیچھے تمہاری اولاد اور اموال کو ایذا دیں اور میں اللہ سے امید رکھتا ہوں کہ یہ وہی قوم ہے کہ اس لیے کہ انہوں نے خون بہایا حرام اور لوٹ لیا مواشی کو لوگوں کے سوا ان پر چلو اللہ کا نام لے کر ۔ سلمہ بن کہیل نے کہا پھر بیان کیا مجھ سے زید نے ایک ایک منزل کا یہاں تک کہ کہا انہوں نے کہ گزرے ہم ایک پل پر (اور وہ پل تھا دبر خان کا چنانچہ نسائی کی روایت میں وارد ہوا ہے) پھر جب دونوں لشکر ملے اس دن خوارج کا سپہ سالار عبداللہ بن وہب راسبی تھا اور اس نے حکم دیا ان کو کہ اپنے نیزے پھینک دو اور تلواریں میان سے نکال لو اس لیے کہ میں ڈرتا ہوں کہ یہ لوگ تم پر ویسی بوچھاڑ نہ کریں جیسی حرورا کے دن کی تھی سو وہ پھرے اور اپنے نیزے پھینک دئیے اور تلواریں میان سے نکال لیں اور لوگ ان سے جا ملے اور ان کو اپنے نیزوں سے کونچ لیا اور ایک پھر دوسرا مقتول ہوا اور سیدنا علی بن ابی طالب ؓ کے لشکر سے صرف دو آدمی کام آئے پھر سیدنا علی بن ابی طالب ؓ نے فرمایا کہ ڈھونڈو اس میں « مخدج » کو اور اس کو ڈھونڈا اور نہ پایا پھر سیدنا علی بن ابی طالب ؓ خود کھڑے ہوئے اور ان مقتولوں کے پاس گئے جو ایک دوسرے پر پڑے ہوئے تھے اور آپ نے فرمایا کہ ا...

حدیث نمبر: 677 --- ‏‏‏‏ سیدنا عبداللہ بن عباس ؓ سے روایت ہے ، رسول اللہ ﷺ دو قبروں پر سے گزرے تو فرمایا : ”ان دونوں قبر والوں پر عذاب ہو رہا ہے اور کچھ بڑے گناہ پر نہیں ۔ ایک تو ان میں چغل خوری کرتا (یعنی ایک کی بات دوسرے سے لگانا لڑائی کے لئے) اور دوسرا اپنے پیشاب سے بچنے میں احتیاط نہ کرتا ۔ “ پھر آپ ﷺ نے ایک ہری ٹہنی منگوائی اور چیر کر اس کو دو کیا اور ہر ایک قبر پر ایک ایک گاڑ دی اور فرمایا : ”شاید جب تک یہ ٹہنیاں نہ سوکھیں اس وقت تک ان کا عذاب ہلکا ہو جائے ۔ “

حدیث نمبر: 5403 --- ‏‏‏‏ سیدنا عبداللہ بن عمر ؓ سے روایت ہے ، سیدنا عمر ؓ نے عطارد تمیمی کو دیکھا بازار میں ایک ریشمی جوڑا رکھے ہوئے (بیچنے کے لیے) اور وہ ایک ایسا شخص تھا جو بادشاہوں کے پاس جایا کرتا تھا اور ان سے روپیہ حاصل کرتا ۔ سیدنا عمر ؓ نے رسول اللہ ﷺ سے عرض کیا : یا رسول اللہ ! میں نے عطارد کو دیکھا اس نے بازار میں ایک ریشمی جوڑا رکھا ہے اگر آپ اس کو خرید لیں اور جب عرب کے ایلچی آتے ہیں اس وقت پہنا کریں تو مناسب ہے ۔ راوی نے کہا : میں سمجھتا ہوں انہوں نے یہ بھی کہا کہ جمعہ کو بھی آپ پہنا کریں تو آپ ﷺ نے فرمایا : ” ریشمی کپڑا دنیا میں وہ پہنے گا جس کا آخرت میں کوئی حصہ نہیں ۔ “ پھر اس کے بعد رسول اللہ ﷺ کے پاس چند ریشمی جوڑے آئے ۔ آپ ﷺ نے سیدنا عمر ؓ کو بھی ایک جوڑا دیا اور سیدنا اسامہ بن زید ؓ کو ایک اور سیدنا علی ؓ کو ایک اور فرمایا : ” اس کو پھاڑ کر اپنی عورتوں کی سربندھن بنا دے ۔ “ سیدنا عمر ؓ اپنا جوڑا لے کر آئے اور عرض کرنے لگے ، یا رسول اللہ ! آپ نے یہ جوڑا مجھے بھیجا اور کل ہی آپ نے عطارد کے جوڑے کے باب میں کیا فرمایا تھا ۔ آپ ﷺ نے فرمایا : ” میں نے یہ جوڑا تمہارے پاس پہننے کے لیے نہیں بلکہ اس لیے بھیجا کہ اس سے فائدہ حاصل کرو (اس کو بیچ کر) “ اور سیدنا اسامہ ؓ نے اپنا جوڑا پہن لیا اور چلے ۔ رسول اللہ ﷺ نے ان کو ایسی نگاہ سے دیکھا کہ ان کو معلوم ہو گیا کہ آپ ﷺ ناراض ہیں ۔ انہوں نے عرض کیا : یا رسول اللہ ! آپ کیا دیکھتے ہیں ؟ آپ ! ہی نے تو یہ جوڑا مجھے بھیجا ۔ آپ ﷺ نے فرمایا : ” میں نے اس لیے نہیں بھیجا کہ تو خود پہنے بلکہ اس لیے بھیجا کہ پھاڑ کر اپنی عورتوں کے سربندھن بنا دے ۔ “

حدیث نمبر: 4619 --- ‏‏‏‏ سیدنا ایاس بن سلمہ ؓ سے روایت ہے ، میرے باپ سیدنا سلمہ بن اکوع ؓ نے مجھ سے بیان کیا کہ ہم نے جہاد کیا رسول اللہ ﷺ کے ساتھ حنین کا ، جب دشمن کا سامنا ہوا تو میں آگے ہوا اور ایک گھاٹی پر چڑھا ، ایک شخص دشمنوں میں سے میرے سامنے آیا میں نے ایک تیر مارا وہ چھپ گیا ۔ معلوم نہیں کیا ہوا ۔ میں نے لوگوں کو دیکھا تو وہ دوسری گھاٹی سے نمودار ہوئے اور ان سے اور نبی ﷺ کے صحابہ ؓ سے جنگ ہوئی لیکن صحابہ ؓ کو شکست ہوئی ، میں بھی شکست پا کر لوٹا اور میں دو چادریں پہنے تھا ایک باندھے ہوئے دوسری اوڑھے ، میری تہبند کھل چلی تو میں نے دونوں چادروں کو اکٹھا کر لیا اور رسول اللہ ﷺ کے سامنے سے گزرا شکست پا کر ، آپ ﷺ نے فرمایا کہ ”اکوع کا بیٹا گھبرا کر لوٹا ۔ “ پھر دشمنوں نے رسول اللہ ﷺ کو گھیرا ۔ آپ ﷺ خچر پر سے اترے اور ایک مٹھی خاک زمین سے اٹھائی اور ان کے منہ پر ماری اور فرمایا : بگڑ گئے منہ ، پھر کوئی آدمی ان میں ایسا نہ رہا جس کی آنکھ میں خاک نہ بھر گئی ہو اس ایک مٹھی کی وجہ سے ، آخر وہ بھاگے اور اللہ تعالیٰ نے ان کو شکست دی اور رسول اللہ ﷺ نے ان کے مال بانٹ دئیے مسلمانوں کو ۔

حدیث نمبر: 2742 --- ‏‏‏‏ سیدنا عبداللہ بن عمر ؓ نے کہا کہ رسول اللہ ﷺ نے مجھ سے فرمایا : ”ایک دن روزہ رکھو اور تم کو دوسرے دنوں کا بھی ثواب ہے ۔ “ تو سیدنا عبداللہ ؓ نے کہا : میں اس سے زیادہ طاقتور ہوں ۔ آپ ﷺ نے فرمایا : ”دو دن روزہ رکھو اور تم کو باقی دنوں کا بھی ثواب ہے ۔ “ انہوں نے پھر کہا : میں اس سے زیادہ کی طاقت رکھتا ہوں ۔ آپ ﷺ نے فرمایا : ”تین دن روزہ رکھو اور تم کو باقی دنوں کا ثواب ہے ۔ “ اور انہوں نے کہا کہ میں اس سے زیادہ طاقت رکھتا ہوں ۔ آپ ﷺ نے فرمایا : ”چار دن روزہ رکھو اور تم کو باقی دنوں کا بھی ثواب ہے ۔ “ انہوں نے عرض کیا کہ میں اس سے زیادہ طاقت رکھتا ہوں ۔ آپ ﷺ نے فرمایا : ”سب روزوں سے افضل روزہ رکھو اور وہ اللہ کے نزدیک صوم داؤد علیہ السلام ہے کہ وہ ایک دن روزہ رکھتے تھے اور ایک دن افطار کرتے تھے ۔ “

حدیث نمبر: 2290 --- ‏‏‏‏ سیدنا ابوہریرہ ؓ کہتے تھے کہ رسول اللہ ﷺ نے فرمایا : ”کوئی چاندی سونے کا مالک ایسا نہیں کہ اس کی زکوٰۃ نہ دیتا ہو مگر وہ قیامت کے دن ایسا ہو گا کہ اس کی چاندی ، سونے کے تختے بنائے جائیں گے اور وہ جہنم کی آگ میں گرم کیے جائیں گے پھر اس کا ماتھا اور کروٹیں اس سے داغی جائیں گی اور اس کی پیٹھ اور جب وہ ٹھنڈے ہو جائیں گے پھر گرم کیے جائیں گے پچاس ہزار برس کے دن پھر اس کو یہی عذاب ہو گا یہاں تک کہ فیصلہ ہو اور بندوں کا اور اس کی کچھ راہ نکلے جنت یا دوزخ کی طرف ۔ “ ان سے عرض کیا کہ اے اللہ کے رسول ! پھر اونٹوں کا کیا حال ہو گا ؟ آپ ﷺ نے فرمایا : ”جو اونٹ والا اپنے اونٹوں کا حق نہیں دیتا اور اس کے حق میں سے ایک یہ بھی ہے کہ دودھ دوہے جس دن ان کو پانی پلائے (عرب کا معمول تھا کہ تیسرے یا چوتھے دن اونٹوں کو پانی پلانے لے جاتے وہاں مسکین جمع رہتے اونٹوں کے مالک ان کو دودھ دوھ کر پلاتے حالانکہ یہ واجب نہیں ہے مگر آپ ﷺ نے اونٹوں کا ایک حق اس کو بھی قرار دیا) جب قیامت کا دن ہو گا تو وہ اوندھا لٹایا جائے گا ایک برابر زمین پر اوروہ اونٹ نہایت فربہ ہو کر آئیں گے کہ ان میں سے کوئی بچہ بھی باقی نہ رہے گا اور اس کو اپنے کھروں سے روندیں گے اور منہ سے کاٹین گے پھر جب ان میں سے پہلا جانور روندتا چلا جائے گا پچھلا آ جائے گا ۔ یوں یہ عذاب ہوتا رہے گا سارا دن کہ پچاس ہزار برس کا ہو گا یہاں تک کہ فیصلہ ہو جائے بندوں کا پھر اس کی کچھ راہ نکلے جنت یا دوزخ کی طرف ۔ “ پھر عرض کی اے اللہ کے رسول ! اور گائے بکری کا کیا حال ہو گا ؟ آپ ﷺ نے فرمایا : ”کوئی گائے بکری والا ایسا نہیں جو اس کی زکوٰۃ نہ دیتا ہو مگر جب قیامت کا دن ہو گا تو وہ اوندھا لٹایا جائے گا ایک پٹ پر صاف زمین پر اور ان گائے بکریوں میں سب آئیں گی کوئی باقی نہ رہے گی اور ایسی ہوں گی کہ ان میں سینگ مڑی ہوئی نہ ہوں گی ، نہ بے سینگ کی ، نہ سینگ ٹوٹی اور آ کر اس کو ماریں گی اپنے سینگوں سے اور روندیں گی اپنے کھروں سے جب اگلی اس پر سے گزر جائے گی پچھلی پھر آئے گی یہی عذاب ہو گا اس پر پچاس ہزار برس کے دن پھر یہاں تک کہ فیصلہ ہو جائے بندوں کا پھر اس کی راہ کی جائے جنت یا دوزخ کی طرف ۔ “ پھر عرض کی کہ اے اللہ کے رسول ! اور گھوڑے ؟ آپ نے فرمایا : ”گھوڑے تین طرح پر ہیں ایک اپنے مالک پر بار ہے یعنی بال ہے ۔ د...

حدیث نمبر: 387 --- ‏‏‏‏ ایک شخص نے جو خراسان کا رہنے والا تھا شعبی رحمہ اللہ سے پوچھا : ہمارے ملک کے لوگ کہتے ہیں جو شخص اپنی لونڈی کو آزاد کرے پھر اس سے نکاح کر لے تو اس کی مثال ایسی ہے ۔ جیسے کوئی ہدی کے جانور پر سواری کرے ۔ شعبی رحمہ اللہ نے کہا : مجھ سے بیان کیا ابوبردہ بن ابی موسیٰ نے ، انہوں نے سیدنا ابوموسیٰ اشعری ؓ سے ، انہوں نے اپنے باپ سے کہ رسول اللہ ﷺ نے فرمایا : ” تین آدمیوں کو دوہرا ثواب ملے گا ۔ ایک تو اس شخص کو جو اہل کتاب میں سے ہو (یعنی یہودی یا نصرانی) ایمان لایا ہو اپنے پیغمبر پر ، پھر میرا زمانہ پائے اور مجھ پر بھی ایمان لائے اور میری پیروی کرے اور مجھ کو سچا جانے تو اس کو دوہرا ثواب ہے اور ایک اس غلام کو جو اللہ کا حق ادا کرے اور اپنے مالک کا بھی اس کو دوہرا ثواب ہے اور ایک اس شخص کو جس کے پاس لونڈی ہو پھر اچھی طرح اس کو کھلائے اور پلائے بعد اس کے کہ اچھی طرح تعلیم اور تربیت کرے پھر اس کو آزاد کرے اور اس سے نکاح کر لے تو اس کو بھی دوہرا ثواب ہے ۔ “ پھر شعبی رحمہ اللہ نے خراسانی سے کہا : تو یہ حدیث لے لے بے محنت کے ، نہیں تو ایک شخص اس سے چھوٹی حدیث کے لئے مدینے تک سفر کیا کرتا تھا ۔