حدیث نمبر: 480 --- ‏‏‏‏ سیدنا ابو ہریرہ ؓ سے روایت ہے ۔ ایک دن رسول اللہ ﷺ کے پاس گوشت لایا گیا تو دست کا گوشت آپ کو دیا گیا اور دست کا گوشت آپ ﷺ کو بہت پسند تھا ۔ آپ ﷺ نے دانتوں سے اسے نوچا ، پھر فرمایا : ”میں سردار ہوں سب آدمیوں کا قیامت کے دن اور تم جانتے ہو کس وجہ سے اللہ تعالیٰ اکٹھا کرے گا قیامت کے دن اگلوں اور پچھلوں کو ایک ہی میدان میں یہاں تک کہ پکارنے والے کی آواز ان سب کو سنائی دے گی اور دیکھنے والے کی نگاہ ان سب پر پہنچے گی اور آفتاب نزدیک ہو جائے گا ۔ اور لوگوں پر وہ مصیبت اور سختی ہو گی کہ اس کہ سہہ نہ سکیں گے ۔ آخر آپس میں ایک دوسرے سے کہیں گے ۔ چلو آدم علیہ السلام کے پاس اور ان کے پاس جائیں گے اور کہیں گے : اے آدم ! تم سب آدمیوں کے باپ ہو ۔ اللہ تعالیٰ نے تم کو اپنے ہاتھ سے پیدا کیا اور اپنی روح تم میں پھونکی اور فرشتوں کو حکم کیا انہوں نے سجدہ کیا تم کو ، ہماری سفارش کرو اپنے پروردگار سے ، کیا تم نہیں دیکھتے ہم کس حال میں ہیں ۔ کیا تم نہیں دیکھتے جو ہم پر مصیبت ہے ۔ آدم علیہ السلام کہیں گے : آج میرا پروردگار غصے میں ہے اور ایسا غصے میں ہے کہ کبھی ایسا غصے نہیں ہوا تھا نہ ہوگا ۔ اور اس نے مجھے منع کیا تھا درخت سے لیکن میں نے اس کی نافرمانی کی (اور درخت میں سے کھا لیا) اب مجھے خود اپنی فکر ہے تم اور کسی کے پاس جاؤ نوح علیہ السلام کے پاس جاؤ ۔ پھر وہ سب لوگ نوح علیہ السلام کے پاس جائیں گے اور کہیں گے : اے نوح ! تم سب پیغمبروں سے پہلے زمین پر آئے اور اللہ تعالیٰ نے تمہیں شکر گزار بندہ کہا تم ہماری سفارش کرو اپنے رب کے پاس کیا تم نہیں دیکھتے ہم جس حال میں ہیں اور جو مصیبت ہم پر آئی ہے ۔ وہ کہیں گے : میرا رب آج ایسا غصہ میں ہے کہ ویسا کبھی نہیں ہوا تھا نہ ہو گا ، اور میں نے اپنی قوم پر بددعا کی تھی اس لیے مجھے خود اپنی فکر ہے ، تم ابراہیم علیہ السلام کے پاس جاؤ ۔ پھر وہ سب مل کر ابراہیم علیہ السلام کے پاس جائیں گے اور کہیں گے : اے ابراہیم ! تم اللہ کے نبی ہو اور اس کے دوست ہو ، زمین والوں میں سے ، تم ہماری سفارش کرو اپنے پروردگار کے پاس ، کیا تم نہیں دیکھتے ہم جس حال میں ہیں اور جو مصیبت ہم پر پڑی ہے ۔ وہ کہیں گے : میرا پروردگار آج اتنا غصہ میں ہے کہ ویسا کبھی نہیں ہوا تھا نہ ہو گا اور اپنی جھوٹ والی باتوں کو بیان کریں گے (یعنی دنیا میں جو انہوں ...

حدیث نمبر: 1912 --- ‏‏‏‏ شفیق نے کہا کہ ایک شخص بنی بجبلہ کا جسے نہیک بن سنان کہتے ہیں سیدنا عبداللہ ؓ کے پاس آیا اور اس نے کہا کہ میں سب مفصل سورتیں ایک رکعت میں پڑھتا ہوں پھر سیدنا عبداللہ ؓ نے کہا : تو ایسا پڑھتا ہے جیسے کوئی شعروں کو پرھتا ہے ۔ میں جانتا ہوں ان سورتوں کو کہ رسول اللہ ﷺ ان سے دو دو کو ایک رکعت میں پڑھا کرتے تھے ۔

حدیث نمبر: 416 --- ‏‏‏‏ سیدنا انس بن مالک ؓ سے روایت ہے ، انہوں نے شاید سنا مالک بن صعصعہ سے جو ایک شخص تھے ان کی قوم سے کہ فرمایا رسول اللہ ﷺ نے : ”میں خانہ کعبہ کے پاس تھا ۔ اور میری حالت خواب اور بیداری کے بیچ میں تھی اتنے میں میں نے سنا ایک شخص کو جو کہتا تھا کہ ہم دونوں میں سے تیسرے یہ ہیں یعنی رسول اللہ ﷺ پھر میرے پاس آئے اور مجھ کو لے گئے ۔ پھر میرے پاس ایک طشت لایا گیا سونے کا اس میں پانی تھا زمزم کا اور میرا سینہ چیرا گیا یہاں تک“ اور یہاں تک قتادہ نے کہا (جو راوی ہے اس حدیث کا) میں نے اپنے ساتھی سے پوچھا : اس سے مراد کیا ہے ؟ انہوں نے کہا : یعنی چیرا گیا پیٹ کے نیچے تک اور دل نکالا گیا اس میں سے پھر ایک جانور کو لائے ، جس کا رنگ سفید تھا ، اس کو براق کہتے تھے گدھے سے اونچا اور خچر سے نیچا وہ اپنا قدم وہاں رکھتا تھا ، جہاں تک اس کی نگاہ پہنچتی تھی ۔ مجھ کو اس پر سوار کیا پھر ہم چلے یہاں تک کہ پہلے آسمان پر آئے ، جبرائیل علیہ السلام نے دروازہ کھلوایا ۔ فرشتوں نے پوچھا : کون ہے ؟ کہا : جبرائیل ، کہا تمہارے ساتھ کون ہے ، کہا : محمد ﷺ ۔ کہا انہوں نے : کیا بلوائے گئے ہیں وہ ؟ جبرائیل علیہ السلام نے کہا : ہاں پھر دروازہ کھلا اور فرشتوں نے کہا : مرحبا مبارک ہو آپ ﷺ کا تشریف لانا پھر ہم آئے آدم علیہ السلام کے پاس اور بیان کیا کہ حدیث کا پورا قصہ اور ذکر کیا کہ آپ ﷺ نے دوسرے آسمان پر ملاقات کی عیسٰی علیہ السلام اور یحییٰ علیہ السلام سے اور تیسرے آسمان پر یوسف علیہ السلام سے اور چوتھے آسمان پر ادریس علیہ السلام سے پانچویں آسمان پر ہارون علیہ السلام سے پھر کہا : کہ ہم چلے یہاں تک کہ چھٹے آسمان پر پہنچے ۔ وہاں موسیٰ علیہ السلام سے ملے ان کو میں نے سلام کیا ۔ انہوں نے کہا مرحبا نیک بھائی اور نیک نبی کو جب میں آگے بڑھا تو وہ رونے لگے ، آواز آئی اے موسیٰ کیوں روتے ہو ، انہوں نے کہا : اے پروردگار ! اس لڑکے کو تو نے میرے بعد پیغمبر بنایا اور اس کی امت میں سے جنت میں زیادہ لوگ جائیں گے میری امت سے (تو موسیٰ علیہ السلام کو رنج ہوا اپنی قوم پر حالانکہ ان کی تعداد بہت تھی ، مگر جنتی ان میں سے کم تھے ہمارے پیغمبر ﷺ کی امت سے) پھر آپ ﷺ نے فرمایا : ہم چلے یہاں تک کہ ساتویں آسمان پر پہنچے ، وہاں میں نے ابراہیم علیہ السلام کو دیکھا اور بیان کیا اس حدیث میں کہ رسول اللہ ﷺ نے ...

حدیث نمبر: 1488 --- ‏‏‏‏ سیدنا عبداللہ ؓ نے کہا کہ جس کو خوش لگے کہ اللہ سے ملاقات کرے قیامت کے دن مسلمان ہو کر تو ضروری ہے کہ ان نمازوں کی حفاظت کرے جہاں اذان ہوتی ہو اس لئے کہ اللہ تعالیٰ نے تمہارے نبی ﷺ کے لئے طریقے مقرر کر دئیے اور یہ نمازیں بھی انہیں میں سے ہیں ۔ اگر تم ان کو گھر میں پڑھو جیسے فلاں جماعت کا چھوڑنے والا اپنے گھر میں پڑھتا ہے تو بے شک تم نے اپنے نبی ﷺ کا طریقہ چھوڑ دیا ۔ اور اگر تم نے اپنے نبی ﷺ کا طریقہ چھوڑا تو بے شک تم گمراہ ہو گئے اور کوئی ایسا نہیں ہے کہ طہارت کرے اور اچھی طہارت کرے ۔ پھر ان مسجدوں میں سے کسی مسجد کا ارادہ کرے مگر اللہ تعالیٰ اس کے ہر قدم پر کہ وہ رکھتا ہے ایک نیکی لکھتا ہے اور ایک درجہ بلند کرتا ہے اور ایک بدی گھٹاتا ہے اور ہم اپنے تئیں ایسا دیکھتے تھے کہ جماعت سے غیر حاضر نہیں ہوتا تھا مگر منافق جس کا نفاق کھلا ہوتا تھا اور آدمی دو شخصوں کے کاندھوں پر ہاتھ رکھ کر چلایا جاتا تھا یہاں تک کہ صف میں کھڑا کر دیا جاتا تھا ۔

حدیث نمبر: 4209 --- ‏‏‏‏ سیدنا سعد بن ابی وقاص ؓ سے روایت ہے ، رسول اللہ ﷺ نے میری عیادت کی حجتہ الوداع میں اور میں ایسے درد میں مبتلا تھا کہ موت کے قریب ہو گیا تھا ۔ میں نے عرض کیا : یا رسول اللہ ! مجھے جیسا درد ہے آپ جانتے ہیں اور میں مالدار آدمی ہوں اور میرا وارث سوا ایک بیٹی کے اور کوئی نہیں ہے , کیا میں دو تہائی مال خیرات کر دوں ؟ آپ ﷺ نے فرمایا : ”نہیں“ میں نے کہا : آدھا مال خیرات کر دوں ؟ آپ ﷺ نے فرمایا : ”نہیں ایک تہائی خیرات کر اور ایک تہائی بھی بہت ہے اگر تو اپنے وارثوں کو مالدار چھوڑ جائے تو بہتر ہے اس سے کہ تو ان کو محتاج چھوڑ جائے لوگوں کے سامنے ہاتھ پھیلائے پھریں اور تو جو خرچ کرے گا اللہ کی رضامندی کے لیے اس کا ثواب تجھے ملے گا یہاں تک کہ اس لقمے کا بھی جو تو اپنی جورو کے منہ میں ڈالے ۔ “ میں نے کہا : یا رسول اللہ ! کیا میں پیچھے رہ جاؤں گا اپنے اصحاب کے ۔ آپ ﷺ نے فرمایا : ”اگر تو پیچھے رہے گا (یعنی زندہ رہے گا) پھر ایسا عمل کرے گا جس سے اللہ تعالیٰ کی خوشی منظور ہو تو تیرا درجہ بڑھے گا اور بلند ہو گا اور شاید تو زندہ رہے یہاں تک کہ فائدہ ہو تجھ سے بعض لوگوں کو اور نقصان ہو بعض لوگوں کو یااللہ ! میرے اصحاب کی ہجرت پوری کر دے اور مت پھیر ان کو ان کی ایڑیوں پر لیکن تباہ بیچارہ سعد بن خولہ ( ؓ ) ہے ۔ “ اس کے لئے رنج کیا رسول اللہ ﷺ نے اس وجہ سے کہ وہ فوت ہوا مکہ میں ۔

حدیث نمبر: 5502 --- ‏‏‏‏ سیدنا جابر بن عبداللہ ؓ سے روایت ہے ، رسول اللہ ﷺ نے فرمایا : ” مت چل ایک جوتے میں اور مت گوٹ مار کر بیٹھ ایک تہبند میں اور مت کھا بائیں ہاتھ سے اور مت اشتمال صماء کر اور مت رکھ اپنا پاؤں دوسرے پر چت لیٹ کر ۔ “ (یہ اسی صورت میں ہے جب تہبند باندھے ہو کیونکہ اس حالت میں ستر کھلنے کا ڈر ہے اور جو ستر کھلنے کا خوف نہ ہو یا پائجامہ پہنے ہو تو چت لیٹ کر ایک پاؤں دوسرے پر رکھنا درست ہے اور خود نبی ﷺ سے یہ ثابت ہے) ۔

حدیث نمبر: 7260 --- ‏‏‏‏ سیدنا سعد بن ابی وقاص ؓ سے روایت ہے ، رسول اللہ ﷺ ایک دن عالیہ سے آئے (عالیہ وہ گاؤں جو مدینہ کے باہر ہیں) آپ ﷺ بنی معاویہ کی مسجد پر سے گزرے ، اس میں گئے اور دو رکعتیں پڑھیں ۔ ہم نے بھی آپ ﷺ کے ساتھ نماز پڑھی ۔ آپ ﷺ نے بڑی دیر تک اپنے پروردگار سے دعا کی پھر ہمارے پاس آئے اور فرمایا : ” میں نے اپنے رب سے تین دعائیں مانگیں لیکن اس نے دو دعائیں قبول کیں اور ایک قبول نہ کی ۔ میں نے اپنے رب سے یہ دعا کی کہ میری امت کو ہلاک نہ کرے قحط سے (یعنی ساری امت کو عام قحط سے) ، تو اللہ تعالیٰ نے یہ دعا قبول کی اور میں نے یہ دعا کی کہ میری امت کو (یعنی ساری امت کو) ہلاک نہ کرے پانی میں ڈبو کر ، تو قبول کی اور میں نے یہ دعا کی کہ مسلمان آپس میں ایک دوسرے سے نہ لڑیں ، اس کو قبول نہیں کیا ۔ “

حدیث نمبر: 5040 --- ‏‏‏‏ یزید بن اصم سے روایت ہے ، ہم کو ایک دولھا نے بلایا مدینہ میں تو تیرہ گوہ ہمارے سامنے رکھے ۔ بعض نے کھائی بعض نے نہ کھائی پھر میں دوسرے دن سیدنا ابن عباس ؓ سے ملا اور ان سے یہ حال بیان کیا ، لوگوں نے ان کے سامنے بہت باتیں کیں ، بعض نے یہاں تک کہا کہ رسول اللہ ﷺ نے فرمایا : ”نہ میں اس کو کھاتا ہوں ، نہ منع کرتا ہوں ، نہ حرام کہتا ہوں ۔ “ سیدنا بن عباس ؓ نے کہا : تم نے برا کہا رسول اللہ ﷺ تو اسی لئے بھیجے گئے کہ ہر ایک چیز کو حلال کہیں یا حرام ۔ (چنانچہ قرآن مجید میں آپ ﷺ کی صفت بھی آتی ہے) « وَيُحِلُّ لَہُمُ الطَّيِّبَاتِ وَيُحَرِّمُ عَلَيْہِمُ الْخَبَائِثَ » (۷-الأعراف : ۱۵۷) بلکہ آپ ﷺ ایک روز میمونہ کے پاس تھے اور فضل بن عباس اور خالد بن الولید بھی تھے ، ایک عورت اور بھی تھی ، اتنے میں ان لوگوں کے سامنے ایک خوان لایا گیا ۔ اس میں گوشت بھی تھا ۔ جب رسول اللہ ﷺ نے اس کے کھانے کا قصد کیا تو سیدہ میمونہ ؓ نے کہہ دیا وہ گوہ کا گوشت ہے ۔ یہ سن کر آپ ﷺ نے ہاتھ کھینچ لیا اور فرمایا : ”اس گوشت کو میں نے کبھی نہیں کھایا ۔ “ اور ان لوگوں سے فرمایا : ”تم کھاؤ ۔ “ تو فضل اور خالد بن الولید اور اس عورت نے وہ گوشت کھایا ، اور سیدہ میمونہ ؓ نے کہا : میں تو وہی چیز کھاؤں گی جس میں سے رسول اللہ ﷺ کھائیں گے ۔

حدیث نمبر: 7059 --- ‏‏‏‏ سیدنا عبداللہ بن مسعود ؓ سے روایت ہے ، میں ایک بار رسول اللہ ﷺ کے ساتھ جا رہا تھا ، ایک کھیت میں آپ ﷺ ایک لکڑی پر ٹیکا دئیے ہوئے تھے ، اتنے میں چند یہودی ملے ، ان میں سے ایک نے دوسرے سے کہا : ان سے پوچھو روح کے متعلق ۔ دوسرے نے کہا : تمہیں کیا شبہ ہے جو پوچھتے ہو ایسا نہ ہو وہ کوئی بات ایسی کہیں جو تم کو بری معلوم ہو ۔ پھر انہوں نے کہا : پوچھو ۔ آخر کچھ لوگ ان میں سے اٹھے آپ ﷺ کی طرف اور پوچھا : روح کیا ہے ؟ آپ ﷺ چپ ہو رہے اور کچھ جواب نہ دیا ۔ میں سمجھا آپ ﷺ پر وحی آ رہی ہے ۔ میں اسی جگہ کھڑا ہو رہا جب وحی اتر چکی تو آپ ﷺ نے یہ آیت پڑھی « وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُم مِّنَ الْعِلْمِ إِلَّا قَلِيلًا » (۱۷-الإسراء : ٨٥) یعنی ” پوچھتے ہیں تجھ سے روح کو تو کہہ روح پروردگار کا ایک حکم ہے اور تم نہیں دئیے گئے علم مگر تھوڑا ۔ “

حدیث نمبر: 4105 --- ‏‏‏‏ سیدنا جابر بن عبداللہ ؓ سے روایت ہے ، رسول اللہ ﷺ نے ایک اونٹ مجھ سے خریدا دو اوقیہ اور ایک درہم کو یا دو درہم کو ۔ پھر جب آپ ﷺ صرار (ایک مقام کا نام ہے مدینہ منورہ کے پاس اور خطابی نے کہا : وہ ایک کنواں ہے مدینہ سے تین میل پر عراق کی راہ پر اور بعض نے اس کو ضرارضا معجمہ سے پڑھا ہے اور وہ خطا ہے) میں پہنچے تو حکم دیا ایک گائے کاٹنے کا وہ کاٹی گئی اور سب لوگوں نے اس کا گوشت کھایا ۔ جب آپ ﷺ مدینہ منورہ میں آئے تو حکم کیا مجھ کو مسجد میں جانے کا اور دو رکعت نماز پڑھنے کا اور اونٹ کی قیمت مجھ کو تول کر دی اور زیادہ دی ۔