‏‏‏‏ دوسرے یہ کہ اللہ تعالیٰ نے فرمایا : ”اور گواہ کرو دو مردوں کو یا ایک مرد اور دو عورتوں کو جن کو تم پسند کرتے ہو“ (گواہی کیلئے یعنی جو سچے اور نیک معلوم ہوں) اور فرمایا : ”اللہ تعالیٰ نے گواہ کرو دو شخصوں کو جو عادل ہوں“ تو ان آیتوں سے معلوم ہوا کہ فاسق کی بات بے اعتبار ہے اور

حدیث نمبر: 525 --- ‏‏‏‏ سیدنا عمران بن حصین ؓ سے روایت ہے کہ رسول اللہ ﷺ نے فرمایا : ”میری امت میں سے ستر ہزار آدمی بغیر حساب کے جنت میں جائیں گے ۔ “ لوگوں نے کہا : یا رسول اللہ ! وہ کون ہوں گے ؟ آپ ﷺ نے فرمایا : ”وہ لوگ جو نہ منتر کرتے ہیں ، نہ بدشگون لیتے ہیں ، نہ داغ لگاتے ہیں ، اور اپنے پروردگار پر بھروسہ کرتے ہیں ۔ “

حدیث نمبر: 521 --- ‏‏‏‏ اس سند سے بھی مذکورہ بالا حدیث مروی ہے ۔

حدیث نمبر: 7162 --- ‏‏‏‏ سیدنا ابوہریرہ ؓ سے روایت ہے ، رسول اللہ ﷺ نے فرمایا : ”جنت میں کچھ لوگ جائیں گے جن کے دل چڑیوں کے سے ہیں ۔ “

حدیث نمبر: 4678 --- ‏‏‏‏ سیدنا ابن اکوع ؓ سے روایت ہے ، جب ہم حدیبیہ میں پہنچے سو ہم چودہ سو آدمی تھے (یہی مشہو روایت ہے اور ایک روایت میں تیرہ سو اور ایک روایت میں پندرہ سو آئے ہیں) اور وہاں پچاس بکریاں تھیں جن کو کنویں کا پانی سیر نہ کر سکتا تھا (یعنی ایسا کم پانی تھا کنویں میں) پھر رسول اللہ ﷺ کنویں کے مینڈھ پر بیٹھے تو آپ ﷺ نے دعا کی یا تھوکا کنویں میں وہ اس وقت ابل آیا ۔ پھر ہم نے جانوروں کو پانی پلایا اور خود بھی پیا ۔ بعد اس کے نبی ﷺ نے ہم کو بلایا بیعت کے لیے درخت کی جڑ میں (اسی درخت کو شجرۂ رضوان کہتے ہیں اور اس درخت کا ذکر قرآن شریف میں ہے ۔ « إِنَّ الَّذِينَ يُبَايِعُونَكَ إِنَّمَا يُبَايِعُونَ اللَّـہَ يَدُ اللَّـہِ فَوْقَ أَيْدِيہِمْ فَمَن نَّكَثَ فَإِنَّمَا يَنكُثُ عَلَىٰ نَفْسِہِ وَمَنْ أَوْفَىٰ بِمَا عَاہَدَ عَلَيْہُ اللَّـہَ فَسَيُؤْتِيہِ أَجْرًا عَظِيمًا » (۴۸/الفتح : ۱۰) میں نے سب سے پہلے لوگوں میں آپ ﷺ سے بیعت کی ۔ پھر آپ ﷺ بیعت لیتے رہے لیتے رہے ، یہاں تک کہ آدھے آدمی بیعت کر چکے ۔ اس وقت آپ ﷺ نے فرمایا : ”اے سلمہ بیعت کر ۔ میں نے عرض کیا ، یا رسول اللہ ! میں تو آپ سے اول ہی بیعت کر چکا ۔ آپ ﷺ نے فرمایا : ”پھر سہی“ اور آپ ﷺ نے مجھے نہتا (بے ہتھیار) دیکھا تو ایک بڑی سی ڈھال یا چھوٹی سی ڈھال دی ، پھر آپ ﷺ بیعت لینے لگے ، یہاں تک کہ لوگ ختم ہونے لگے ، اس وقت آپ ﷺ نے فرمایا : ”اے سلمہ ! مجھ سے بیعت نہیں کرتا ۔ “ میں نے عرض کیا ، یا رسول اللہ ! میں تو آپ کی بیعت کر چکا اول لوگوں میں ، پھر بیچ کے لوگوں میں ۔ آپ ﷺ نے فرمایا : ”پھر سہی“ ، غرض میں نے تیسری بار آپ ﷺ سے بیعت کی ۔ پھر آپ ﷺ نے فرمایا : ”اے سلمہ ! تیری وہ بڑی ڈھال یا چھوٹی ڈھال کہاں ہے جو میں نے تجھے دی تھی ۔ “ میں نے عرض کیا : یا رسول اللہ ! میرا چچا عامر مجھے ملا ، وہ نہتا تھا میں نے وہ پھر اس کو دے دی ۔ یہ سن کر آپ ﷺ نے فرمایا : ”تیری مثال اس اگلے شخص کی سی ہوئی جس نے دعا کی تھی یا اللہ ! مجھے ایسا دوست دے جس کو میں اپنی جان سے زیادہ چاہوں ۔ “ پھر مشرکوں نے صلح کے پیام بھیجے یہاں تک کہ ہر ایک طرف کے آدمی دوسری طرف جانے لگے اور ہم نے صلح کر لی ، سلمہ نے کہا : میں طلحہ بن عبیداللہ کی خدمت میں تھا ، ان کے گھوڑے کو پانی پلاتا ، ان کی پیٹھ کھجاتا ، ان کی خدمت کرتا ، انہی کے ساتھ کھ...

حدیث نمبر: 7518 --- ‏‏‏‏ پھر ہم چلے رسول اللہ ﷺ کے ساتھ یہاں تک کہ ایک کشادہ وادی میں اترے ۔ رسول اللہ ﷺ حاجت کو تشریف لے چلے ۔ میں آپ ﷺ کے پیچھے ہوا ایک ڈول پانی کا لے کر ۔ رسول اللہ ﷺ نے کچھ آڑ نہ پائی ، دیکھا تو دو درخت وادی کے کنارے پر لگے تھے ۔ آپ ﷺ ایک درخت کے پاس گئے اور اس کی ڈالی پکڑی ، پھر فرمایا : ”میرا تابعدار ہو جا اللہ تعالیٰ کے حکم سے ۔ “ وہ آپ ﷺ کا تابعدار ہو گیا جیسے وہ اونٹ جس کی ناک میں لکڑی دی جاتی ہے تابعدار ہو جاتا ہے اپنے کھینچنے والے کا یہاں تک کہ آپ ﷺ دوسرے درخت کے پاس آئے اور اس کی بھی ایک ڈالی پکڑی ، پھر فرمایا : ”میرا تابعدار ہو جا اللہ تعالیٰ کے حکم سے ۔ “ وہ بھی آپ ﷺ کے ساتھ ہوا اسی طرح یہاں تک کہ جب آپ ﷺ بیچا بیچ میں ان درختوں کے پہنچے تو ان کو ایک ساتھ رکھ دیا اور فرمایا : ”دونوں جڑ جاؤ میرے سامنے اللہ تعالیٰ کے حکم سے ۔ “ وہ دونوں درخت جڑ گئے ۔ سیدنا جابر ؓ نے کہا : میں نکلا دوڑتا ہوا اس ڈر سے کہ کہیں رسول اللہ ﷺ مجھ کو نزدیک دیکھیں اور زیادہ دور تشریف لے جائیں ۔ میں بیٹھا اپنے دل میں باتیں کرتا ہوا ایک ہی بار ، جو میں نے دیکھا تو رسول اللہ ﷺ سامنے تشریف لا رہے ہیں اور دونوں درخت جدا ہو کر اپنی اپنی جڑ پر کھڑے ہو گئے ۔ میں نے دیکھا ، آپ ﷺ تھوڑی دیر تک کھڑے ہوئے اور سر سے اشارہ کیا اس طرح دائیں اور بائیں پھر سامنے آئے ۔ جب میرے پاس پہنچے تو فرمایا : ”اے جابر ! میں جہاں کھڑا تھا تو نے دیکھا ؟ “ سیدنا جابر ؓ نے کہا : ہاں یا رسول اللہ ! آپ ﷺ نے فرمایا : ”تو ان دونوں درختوں کے پاس جا اور ہر ایک میں سے ایک ڈالی کاٹ اور ان کو لے آ ۔ جب اس جگہ پہنچے جہاں میں کھڑا تھا تو ایک ڈالی اپنی داہنی طرف ڈال دے اور ایک ڈالی بائیں طرف ۔ “ سیدنا جابر ؓ نے کہا : میں کھڑا ہوا اور ایک پتھر لیا اس کو توڑا اور تیز کیا ، وہ تیز ہو گیا ، پھر ان دونوں درختوں کے پاس آیا اور ہر ایک میں سے ایک ایک ڈالی کاٹی ، پھر میں ان ڈالیوں کو کھینچتا ہوا آیا اس جگہ پر جہاں رسول اللہ ﷺ ٹھہرے تھے اور ایک ڈالی داہنی طرف ڈال دی اور ایک بائیں طرف ۔ پھر آپ ﷺ سے جا کر مل گیا اور عرض کیا : جو آپ ﷺ نے فرمایا تھا وہ میں نے کیا لیکن اس کی وجہ کیا ہے ؟ آپ ﷺ نے فرمایا : ”میں نے دیکھا وہاں دو قبریں ہیں ۔ ان قبر والوں پر عذاب ہو رہا ہے تو میں نے چاہا ان کی سفارش کروں شاید ان کے عذاب می...

حدیث نمبر: 532 --- ‏‏‏‏ سیدنا ابوسعید ؓ سے روایت ہے کہ رسول اللہ ﷺ نے فرمایا : ”اللہ تعالیٰ فرمائے گا اے آدم ! وہ کہیں گے حاضر ہوں تیری خدمت میں ، تیری اطاعت میں ، اور سب بھلائی تیرے ہاتھ میں ہے ۔ حکم ہو گا کہ دوزخیوں کی جماعت نکالو وہ عرض کریں گے : دوزخیوں کی کیسی جماعت ؟ حکم ہو گا ہر ہزار آدمیوں میں سے نو سو ننانوے آدمی نکالو جہنم کے لئے“ (اور ایک آدمی فی ہزار جنت میں جائے گا) ، آپ ﷺ نے فرمایا : ”یہی تو وقت ہے جب بچہ بوڑھا ہو جائے گا (بوجہ ہول اور خوف کے یا اس دن کی درازی کی وجہ سے) اور ہر ایک پیٹ والی عورت اپنا پیٹ ڈال دے گی اور تو دیکھے گا لوگوں کو جیسے نشہ میں مست ہیں اور وہ مست نہ ہوں گے مگر اللہ کا عذاب سخت ہو گا ۔ “ صحابہ ؓ اس امر کے سننے سے بہت پریشان ہوئے اور کہنے لگے : یا رسول اللہ ! دیکھئیے اس ہزار میں سے ایک آدمی (جو جنتی ہے) ہم میں سے کون نکلتا ہے ۔ آپ ﷺ نے فرمایا : ”تم خوش ہو جاؤ کہ یاجوج و ماجوج کے کافر اس قدر ہیں کہ اگر ان کا حساب کرو تم میں سے ایک آدمی اور ان میں سے ہزار آدمی پڑیں ۔ “ پھر آپ ﷺ نے فرمایا : ”قسم اس ذات کی جس کے ہاتھ میں میری جان ہے مجھے امید ہے کہ جنت کی ایک چوتھائی آدمی تم میں سے ہوں گے ۔ “ اس پر ہم نے اللہ کی تعریف کی اور تکبیر کہی ، پھر آپ ﷺ نے فرمایا : ”قسم ہے اس کی جس کے ہاتھ میں میری جان ہے مجھے امید ہے کہ جنت کے تہائی آدمی تم میں سے ہوں گے ۔ “ اس پر ہم نے اللہ کی تعریف کی اور تکبیر کہی ۔ پھر آپ ﷺ نے فرمایا : ”قسم ہے اس کی جس کے ہاتھ میں میری جان ہے مجھے امید ہے کہ جنت کے آدھے آدمی تم میں سے ہوں گے ۔ تمہاری مثال اور امتوں کے سامنے ایسی ہے جیسے ایک سفید بال سیاہ بیل کی کھال میں ہو یا ایک نشان گدھے کے پاؤں میں ۔ “

حدیث نمبر: 7473 --- ‏‏‏‏ سیدنا ابوہریرہ ؓ سے روایت ہے ، رسول اللہ ﷺ نے فرمایا : ” ایک بار ایک مرد تھا میدان میں اس نے بادل میں ایک آواز سنی فلاں کے باغ کو سینچ دیں (اس آواز کے بعد) بادل ایک طرف چلا اور ایک پتھریلی زمین میں پانی برسایا ۔ ایک نالی وہاں کی نالیوں میں سے بالکل لباب ہو گئی سو وہ شخص برستے پانی کے پیچھے پیچھے گیا ۔ ناگاہ ایک مرد کو دیکھا کہ اپنے باغ میں کھڑا پانی کو اپنے پھاوڑے سے ادھر اُدھر کرتا ہے ۔ سو اس نے باغ والے مرد سے کہا : اے اللہ کے بندے ! تیرا نام کیا ہے ؟ اس نے کہا : فلانا نام ہے ، وہی نام جو بادل میں سنا تھا ۔ پھر باغ والے نے اس شخص سے کہا : اے اللہ کے بندے ! تو نے میرا نام کیوں پوچھا : ؟ وہ بولا : میں نے بادل میں ایک آواز سنی جس کا یہ پانی ہے کوئی کہتا ہے فلانے کے باغ کو سینچ دے تیرا نام لے کر ، سو تو اس باغ میں اللہ تعالیٰ کے احسان کی کیا شکر گزاری کرے گا ؟ باغ والے نے کہا : جب کہ تو نے یہ کہا : تو اب میں البتہ دیکھتا رہوں گا س کو جو اس باغ سے پیدا ہو گا ۔ ایک تہائی اس کی خیرات کروں گا اور ایک تہائی میں اور میرے بال بچے کھائیں گے اور ایک تہائی اس باغ کی مرمت میں خرچ کروں گا ۔ “ (حدیث سے معلوم ہوا کہ مال کا تہائی حصہ اللہ کی راہ میں صرف کرنا بہتر ہے اور یہ بھی معلوم ہوا کہ فرشتے اللہ تعالیٰ کے حکم کے موافق پانی برساتے ہیں ایک ہی مقام میں ایک جگہ زیادہ اور ایک جگہ کم برستا ہے) ۔

حدیث نمبر: 1908 --- ‏‏‏‏ ابووائل نے کہا : ایک آدمی آیا جس کو نہیک بن سنان کہتے تھے سیدنا عبداللہ بن مسعود ؓ کے پاس اور کہا : اے ابو عبدالرحمٰن ! آپ اس حرف کو الف پڑھتے ہیں یا « مِنْ مَاءٍ غَيْرِ آسِنٍ أَوْ مِنْ مَاءٍ غَيْرِ يَاسِنٍ » سیدنا عبداللہ بن مسعود ؓ نے کہا : تو نے سارے قرآن مجید کو یاد کیا ہے سوائے اس حرف کے ؟ اس نے پھر کہا کہ میں مفصل کی تمام سورتیں ایک رکعت میں پڑھتا ہوں ، سیدنا عبداللہ ؓ نے کہا : تو ایسا ہانکتا ہے جیسے شعریں جلدی جلدی ہانکی جاتی ہیں ۔ بہت سے لوگ قرآن ایسا پڑھتے ہیں کہ ان کی ہنسلی سے نیچے نہیں اترتا ۔ مگر قرآن کا یہ قاعدہ ہے کہ جب دل میں اترتا ہے اور جمتا ہے تب نفع دیتا ہے ۔ نماز میں افضل رکن رکوع اور سجدہ ہے اور میں ان ایک سے دو سورتوں کو پہچانتا ہوں جن کو رسول اللہ ﷺ ایک ایک رکعت میں دو دو ملا کر پڑھا کرتے تھے ۔ پھر سیدنا عبداللہ ؓ کھڑے ہو گئے اور علقمہ ان کے پیچھے داخل ہوئے اور کہا کہ مجھے خبر دی اس کی ، ابن نمیر نے اپنی روایت میں کہا کہ ایک مرد قبیلہ بنی بجیلہ کا سیدنا عبداللہ بن مسعود ؓ کے پاس آیا اور نہیک بن سنان نام نہیں لیا ۔

حدیث نمبر: 367 --- ‏‏‏‏ سیدنا حذیفہ بن یمان ؓ سے روایت ہے ، رسول اللہ ﷺ نے ہم سے (امانت کے متعلق) دو باتیں بیان کیں ایک تو میں نے دیکھ لی اور دوسری کا انتطار کر رہا ہوں ۔ حدیث بیان کی ہم سے (یہ پہلی حدیث ہے) کہ ” امانت لوگوں کے دلوں کی جڑ پر اتری ۔ پھر انہوں نے حاصل کیا قرآن کو اور حاصل کیا حدیث کو ۔ “ پھر حدیث بیان کی آپ نے ہم سے (یہ دوسری حدیث ہے) کہ ” امانت اٹھ جائے گی تو فرمایا : ایک شخص تھوڑی دیر سوئے گا پھر اس کے دل سے امانت اٹھا لی جائے گی اور اس کا نشان ایک پھیکے رنگ کی طرح رہ جائے گا ، پھر ایک نیند لے گا تو امانت دل سے اٹھ جائے گی اور اس کا نشان ایک چھالے کی طرح رہ جائے گا جیسے تو ایک انگارہ اپنے پاؤں پر لڑھکائے ، پھر کھال پھول کر ایک چھالہ (آبلہ) نکل آئے ، اس کے اندر کچھ نہیں ۔ “ پھر آپ ﷺ نے ایک کنکری لے کر اپنے پاؤں پر لڑھکائی اور فرمایا : ” لوگ لین دین کریں گے اور ان میں سے کوئی ایسا نہ ہو گا جو امانت کو ادا کرے یہاں تک کہ لوگ کہیں گے کہ فلاں قوم میں ایک شخص امانت دار ہے اور یہاں تک کہ ایک شخص کو کہیں گے وہ کیسا ہوشیار اور خوش مزاج اور عقلمند ہے (یعنی اس کی تعریف کریں گے) اور اس کے دل میں رائی کے دانے کے برابر بھی ایمان نہ ہو گا ۔ “ پھر سیدنا حذیفہ ؓ نے کہا : میرے اوپر ایک زمانہ گزر چکا ہے جب میں بے کھٹکے ہر ایک سے معاملہ کرتا (یعنی لین دین) اس لئے کہ اگر وہ مسلمان ہوتا تو اس کا دین اس کو بے ایمانی سے باز رکھتا اور جو نصرانی یا یہودی ہوتا تو حاکم اس کو بے ایمانی سے باز رکھتا لیکن آج کے دن تو میں تم لوگوں سے کبھی معاملہ نہ کروں گا البتہ فلاں اور فلاں شخص سے کروں گا ۔