حدیث نمبر: 6163 --- ‏‏‏‏ سیدنا سعید بن جبیر ؓ سے روایت ہے ، میں نے سیدنا عبداللہ بن عباس ؓ سے کہا کہ نوف بکالی کہتا ہے ، موسیٰ علیہ السلام جو بنی اسرائیل کے پیغمبر تھے وہ اور ہیں اور جو موسیٰ خضر کے ساتھ گئے تھے وہ اور ہیں ۔ انہوں نے کہا : : جھوٹ بولتا ہے اللہ کا دشمن ، میں نے ابی بن کعب ؓ سے سنا وہ کہتے تھے ، میں نے رسول اللہ ﷺ سے سنا ، آپ ﷺ فرماتے تھے : ” موسیٰ علیہ السلام بنی اسرائیل میں خطبہ پڑھنے کو کھڑے ہوئے ، ان سے پوچھا گیا کہ سب لوگوں میں زیادہ علم کس کو ہے ؟ انہوں نے کہا : : مجھ کو ہے (یہ بات اللہ تعالیٰ کو ناپسند ہوئی) اللہ تعالیٰ نے ان پر عتاب کیا اس وجہ سے کہ انہوں نے یہ نہیں کہا کہ اللہ خوب جانتا ہے ۔ پھر اللہ تعالیٰ نے ان کو وحی بھیجی کہ میرا ایک بندہ ہے دو دریاؤں کے ملاپ پر ، وہ تجھ سے زیادہ عالم ہے ۔ موسیٰ علیہ السلام نے عرض کیا : اے پر وردگار ! میں اس سے کیونکر ملوں ؟ حکم ہوا کہ ایک مچھلی رکھ ایک زنبیل میں ، جہاں وہ مچھلی گم ہو جائے وہیں وہ بندہ ملے گا ۔ یہ سن کر موسیٰ علیہ السلام چلے اپنے ساتھی یوشع بن نون کو لے کر اور انہوں نے ایک مچھلی زنبیل میں رکھ لی ۔ دونوں چلتےچلتے صخرہ (ایک مقام ہے) کے پاس پہنچے ، وہاں موسیٰ علیہ السلام سو گئے اور ان کے ساتھی بھی سو گئے مچھلی تڑپی ، یہاں تک کہ زنبیل سے نکل دریا میں جا پڑی اور اللہ تعالیٰ نے پانی کا بہنا اس پر سے روک دیا یہاں تک کہ پانی کھڑا ہو کر طاق کی طرح ہو گیا اور مچھلی کے لیے خشک راستہ بن گیا ۔ موسیٰ علیہ السلام اور ان کے ساتھی کو تعجب ہو ا ۔ ، پھر دونوں چلے ، دن بھر اور رات بھر اور موسیٰ علیہ السلام کے ساتھی مچھلی کا حال ان سے کہنا بھول گئے ، جب صبح ہوئی تو موسیٰ علیہ السلام نے اپنے ساتھی سے کہا : ناشتہ ہمارا لاؤ ، اس سفر سے تو ہم تھک گئے اور تھکے اسی وقت سے جب اس جگہ سے آگے بڑھےجہاں جانے کا حکم ہوا تھا ۔ انہوں نے کہا : آپ کو معلوم نہیں ، جب ہم صخرہ پر اترتے تھے تو مچھلی بھول گئے ، اور شیطان نے ہم کو بھلایا ۔ اس مچھلی پر تعجب ہے دریا میں راہ لی ، موسیٰ علیہ السلام نے کہا : ہم تو اسی مقام کو ڈھونڈتے تھے ، پھر دونوں اپنے پاؤں کے نشانوں پر لوٹے یہاں تک کہ صخرہ پر پہنچے ۔ وہاں ایک شخص کو دیکھا کپڑا اوڑھے ہوئے ، موسیٰ علیہ السلام نے ان کو سلام کیا انہوں نے کہا : تمہارے ملک میں سلام کہاں ہے ؟ موسیٰ ...

حدیث نمبر: 369 --- ‏‏‏‏ سیدنا حذیفہ ؓ سے روایت ہے ، ہم امیر المؤمنین سیدنا عمر ؓ کے پاس بیٹھے تھے ۔ انہوں نے کہا : تم میں سے کس نے رسول اللہ ﷺ کو فتنوں کا ذکر کرتے ہوئے سنا ۔ بعض لوگوں نے کہا : ہاں ہم نے سنا ہے ۔ عمر ؓ نے کہا : شاید تم فتنوں سے وہ فتنے سمجھے ہو جو آدمی کو اس کے گھر بار اور مال اور ہمسائے میں ہوتے ہیں ، انہوں نے کہا : ہاں ۔ سیدنا عمر ؓ نے کہا : ان فتنوں کا کفارہ تو نماز اور روزے اور زکٰوۃ سے ہو جاتا ہے لیکن تم میں سے کسی نے سنا ہے ۔ ان فتنوں کو رسول اللہ ﷺ سے جو دریا کی موجوں کی طرح امنڈ کر آئیں گے ۔ سیدنا حذیفہ ؓ نے کہا : یہ سن کر سب لوگ چپ ہو رہے ۔ میں نے کہا : میں نے سنا ہے عمر ؓ نے کہا : تو نے سنا ہے تیرا باپ بہت اچھا تھا ۔ کہا سیدنا حذیفہ ؓ نے : میں نے رسول اللہ ﷺ سے سنا ہے ، آپ ﷺ فرماتے تھے : ” فتنے دلوں پر ایسے آئیں گے کہ ایک کے بعد ایک ، ایک کے بعد ایک جیسے بوریئے کی تیلیاں ایک کے بعد ایک ہوتی ہیں پھر جس دل میں وہ فتنہ رچ جائے گا تو اس میں ایک کالا داغ پیدا ہو گا اور جو دل اس کو نہ مانے گا اس میں ایک سفید نورانی دھبہ ہو گا ۔ یہاں تک کہ اسی طرح کالے اور سفید دھبے ہوتے ہوتے دو قسم کے دل ہو جائیں گے ایک تو خالص سفید دل چکنے پتھر کی طرح جس کو کوئی فتنہ نقصان نہ پہنچائے گا جب تک کہ آسمان و زمین قائم رہیں ۔ دوسرے کالا سفیدی مائل یا اوندھے کوزے کی طرح جو نہ کسی اچھی بات کو اچھی سمجھے گا ، نہ بری بات کو بری مگر وہ جو اس کے دل میں بیٹھ جائے ۔ “ حذیفہ ؓ نے کہا : پھر میں نے سیدنا عمر ؓ سے حدیث بیان کی کہ تمہارے اور فتنے کے بیچ میں ایک دروازہ ہے جو بند ہے مگر نزدیک ہے کہ وہ ٹوٹ جائے ۔ سیدنا عمر ؓ نے کہا : کیا ٹوٹ جائے گا ۔ تیرا باپ نہیں ۔ اگر کھل جاتا تو شاید پھر بند ہو جاتا ۔ میں نے کہا : نہیں ٹوٹ جائے گا اور میں نے ان سے حدیث بیان کی یہ دروازہ ایک شخص ہے جو مارا جائے گا یا مر جائے گا ۔ پھر یہ حدیث کوئی غلط (دل سے بنائی ہوئی بات) نہ تھی ۔ ابوخالد نے کہا : میں نے سعد بن طارق سے پوچھا (جو اس حدیث راوی ہیں) « أَسْوَدُ مُرْبَادًّا » سے کیا مراد ہے ؟ انہوں نے کہا : سفیدی کی شدت سیاہی میں ۔ میں نے کہا : « كَالْكُوزِ مُجَخِّيًا » سے کیا مراد ہے ؟ انہوں نے کہا : کوزا اوندھا ہوا ۔

حدیث نمبر: 2351 --- ‏‏‏‏ سیدنا منذر بن جریر ؓ اپنے باپ سے روایت کرتے ہیں کہ ہم رسول اللہ ﷺ کے پاس تھے دن کے شروع میں ، سو کچھ لوگ آئے ننگے پیر ننگے بدن ، گلے میں چمڑے کی عبائیں پہنی ہوئیں ، اپنی تلواریں لٹکائی ہوئی اکثر بلکہ سب ان میں قبیلہ مضر کے لوگ تھے اور رسول اللہ ﷺ کا چہرہ مبارک بدل گیا ان کے فقر و فاقہ کو دیکھ کر آپ ﷺ اندر گئے ، پھر باہر آئے (یعنی پریشان ہو گئے ۔ سبحان اللہ ! کیا شفقت تھی اور کیسی ہمدردی تھی) اور سیدنا بلال ؓ کو حکم فرمایا کہ اذان کہو اور تکبیر کہی اور نماز پڑھی اور خطبہ پڑھا اور یہ آیت پڑھی « يَا أَيُّہَا النَّاسُ اتَّقُوا رَبَّكُمُ الَّذِى خَلَقَكُمْ مِنْ نَفْسٍ وَاحِدَۃٍ » ” اے لوگو ! ڈرو اللہ سے جس نے تم کو بنایا ایک جان سے “ (یہ اس لیے پڑھی کہ معلوم ہو کہ سارے بنی آدم آپس میں بھائی بھائی ہیں) « َإِنَّ اللَّہَ كَانَ عَلَيْكُمْ رَقِيبًا » تک پھر سورہ حشر کی آیت پڑھی « اتَّقُوا اللَّہَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّہَ » ” اے ایمان والو ! ڈرو اللہ سے اور غور کرو کہ تم نے اپنی جانوں کے لیے کیا بھیج رکھا ہے جو کل کام آئے ۔ “ (پھر تو صدقات کا بازار گرم ہوا) اور کسی نے اشرفی دی اور کسی نے درہم ، کسی نے ایک صاع گیہوں ، کسی نے ایک صاع کھجور دینا شروع کیے یہاں تک کہ آپ ﷺ نے فرمایا : ” ایک ٹکڑا بھی کھجور کا ہو ۔ “ (جب بھی لاؤ) پھر انصار میں سے ایک شخص توڑا لایا کہ اس کا ہاتھ تھکا جاتا تھا بلکہ تھک گیا تھا ، پھر تو لوگوں نے تار باندھ دیا یہاں تک کہ میں نے دو ڈھیر دیکھے کھانے اور کپڑے کے اور یہاں تک (صدقات جمع ہوئے) کہ رسول اللہ ﷺ کے چہرہ مبارک کو میں دیکھتا تھا کہ چمکنے لگا تھا گویا کہ سونے کا ہو گیا تھا ، جیسے کندن ، پھر فرمایا : رسول اللہ ﷺ نے کہ ” جس نے اسلام میں آ کر نیک بات (یعنی کتاب و سنت کی بات) جاری کی اس کے لئے اپنے عمل کا بھی ثواب ہے اور جو لوگ عمل کریں (اس کی دیکھا دیکھی) ان کا بھی ثواب ہے بغیر اس کے کہ ان لوگوں کا کچھ ثواب گھٹے اور جس نے اسلام میں آ کر بری چال ڈالی (یعنی جس سے کتاب و سنت نے روکا ہے) اس کے اوپر اس کے عمل کا بھی بار ہے اور ان لوگوں کا بھی جو اس کے بعد عمل کریں بغیر اس کے کہ ان لوگوں کا بار کچھ گھٹے ۔ “

حدیث نمبر: 3692 --- ‏‏‏‏ سیدنا عبداللہ بن عباس ؓ نے کہا کہ میں ایک سال تک ارادہ کرتا رہا کہ سیدنا عمر ؓ سے اس آیت میں سوال کروں اور نہ کر سکا ان کے ڈر سے یہاں تک کہ وہ حج کو نکلے اور میں بھی ان کے ساتھ نکلا پھر جب لوٹے اور کسی راستہ میں تھے کہ ایک بار پیلو کے درختوں کی طرف جھکے کسی حاجت کو اور میں ان کے لیے ٹھہرا رہا ۔ یہاں تک کہ وہ اپنی حاجت سے فارغ ہوئے ۔ اور میں ان کے ساتھ چلا ۔ اور میں نے کہا : اے امیرالمؤمنین ! وہ دونوں عورتیں کون ہیں جنہوں نے زور ڈالا رسول اللہ ﷺ پر آپ ﷺ کی بیبیوں میں سے تو انہوں نے فرمایا کہ وہ حفصہ اور عائشہ ؓ ن ہیں ۔ سو میں نے ان سے عرض کی کہ اللہ کی قسم ! میں آپ سے اس سوال کو پوچھنا چاہتا تھا ایک سال سے اور آپ کی ہیبت سے پوچھ نہ سکتا تھا ۔ تو انہوں نے فرمایا : کہ نہیں ایسا مت کرو جو بات تم کو خیال آئے کہ مجھے معلوم ہے اس کو تم مجھ سے دریافت کر لو کہ میں اگر جانتا ہوں تو تم کو بتا دوں گا اور پھر سیدنا عمر بن خطاب ؓ نے فرمایا : کہ اللہ تعالیٰ کی قسم ! ہم پہلے جاہلیت میں گرفتار تھے اور عورتوں کی کچھ حقیقت نہ سمجھتے تھے یہاں تک کہ اللہ نے ان کے ادائے حقوق میں اتارا جو اتارا اور ان کے لیے باری مقرر کی جو مقرر کی چنانچہ ایک دن ایسا ہوا کہ میں کسی کام میں مشورہ کر رہا تھا کہ میری عورت نے کہا تم ایسا کرتے ویسا کرتے تو خوب ہوتا تو میں نے اس سے کہا کہ تجھے میرے کام میں کیا دخل ہے جس کا میں ارادہ کرتا ہوں سو اس نے مجھ سے کہا کہ تعجب ہے اے ابن خطاب ! تم تو چاہتے ہو کہ کوئی تم کو جواب ہی نہ دے ۔ حالانکہ تمہاری صاحبزادی تو رسول اللہ ﷺ کو جواب دیتی ہے یہاں تک کہ وہ دن بھر غصہ میں رہتے ہیں ۔ سیدنا عمر بن خطاب ؓ نے کہا کہ پھر میں نے اپنی چادر لی اور میں گھر سے نکلا اور سیدہ حفصہ ؓ پر داخل ہوا اور اس سے کہا کہ اے میری چھوٹی بیٹی ! تو جواب دیتی ہے رسول اللہ ﷺ کو یہاں تک وہ دن پھر غصہ میں رہتے ہیں ۔ سو حفصہ ؓ نے کہا کہ اللہ کی قسم ! میں تو ان کو جواب دیتی ہوں ۔ سو میں نے اس سے کہا کہ تو جان لے میں تجھ کو ڈراتا ہوں اللہ تعالیٰ کے عذاب سے اور اس کے رسول کے غضب سے ۔ اے میری بیٹی ! تو اس بیوی کے دھوکے میں مت رہو جو اپنے حسن پر اتراتی ہے ۔ اور رسول اللہ ﷺ کی محبت پر پھر میں وہاں سے نکلا ۔ اور داخل ہوا سیدہ ام سلمہ ؓ پر بسبب اپنی قرابت کے جو مجھے ان کے ساتھ...

حدیث نمبر: 7281 --- ‏‏‏‏ یسیر بن جابر سے روایت ہے ، ایک بار کوفہ میں لال آندھی آئی ، ایک شخص آیا جس کا تکیہ کلام یہی تھا اے عبداللہ بن مسعود ! قیامت آئی ۔ یہ سن کر سیدنا عبداللہ بن مسعود ؓ بیٹھ گئے اور پہلے تکیہ لگائے تھے ، انہوں نے کہا : قیامت نہ قائم ہو گی یہاں تک کہ ترکہ نہ بٹے گا اور لوٹ سے خوشی نہ ہو گی (کیونکہ جب کوئی وارث ہی نہ رہے گا تو ترکہ کون بانٹے گا اور جب کوئی لڑائی سے زندہ نہ بچے گا تو لوٹ کی کیا خوشی ہو گی) پھر اپنے ہاتھ سے اشارہ کیا شام کے ملک کی طرف اور کہا : دشمن (نصاریٰ) جمع ہوں گے مسلمانوں سے لڑنے کے لیے اور مسلمان بھی ان سے لڑنے کے لیے جمع ہوں گے ۔ میں نے کہا : دشمن سے تمہاری مراد نصاریٰ ہیں ؟ انہوں نے کہا : ہاں اور اس وقت سخت لڑائی شروع ہو گی ۔ مسلمان ایک لشکر کو آگے بھیجیں گے جو مرنے کے لیے آگے بڑھے گا اور نہ لوٹے گا بغیر غلبہ کے (یعنی اس قصد سے جائے گا کہ یا لڑ کر مر جائیں گے یا فتح کر کے آئیں گے) ۔ پھر دونوں فرقے لڑیں گے یہاں تک کہ رات ہو جائے گی اور دونوں طرف کی فوجیں لوٹ جائیں گی کسی کو غلبہ نہ ہو گا اور جو لشکر لڑائی کے لیے بڑھا تھا وہ بالکل فنا ہو جائے گا (یعنی سب لوگ اس کے قتل ہو جائیں گے) ۔ دوسرے دن پھر مسلمان ایک لشکر آگے بڑھائیں گے جو مرنے کے لیے یا غالب ہونے کے لیے جائے گا اور لڑائی رہے گی یہاں تک کہ رات ہو جائے گی ۔ پھر دونوں طرف کی فوجیں لوٹ جائیں گی اور کسی کو غلبہ نہ ہو گا ، جو لشکر آگے بڑھا تھا وہ فنا ہو جائے گا ۔ پھر تیسرے دن مسلمان ایک لشکر آگے بڑھائیں گے مرنے یا غالب ہونے کی نیت سے اور شام تک لڑائی رہے گی ، پھر دونوں طرف کی فوجیں لوٹ جائیں گی ۔ کسی کو غلبہ نہ ہو گا اور وہ لشکر فنا ہو جائے گا ۔ جب چوتھا دن ہو گا تو جتنے مسلمان باقی رہ گئے ہوں گے وہ سب آگے بڑھیں گی ۔ اس دن اللہ تعالیٰ کافروں کو شکست دے گا اور ایسی لڑائی ہو گی کہ ویسی کوئی نہ دیکھے گا یا ویسی لڑائی کسی نے نہیں دیکھی یہاں تک کہ پرندہ ان کے اوپر یا ان کے بدن پر اڑے گا پھر آگے نہیں بڑھے گا کہ وہ مردہ ہو کر گریں گے ۔ ایک جدی لوگ جو گنتی میں سو ہوں گے ، ان میں سے ایک شخص بچے گا (یعنی فی صد ننانوے (۹۹) آدمی مارے جائیں گے اور ایک رہ جائے گا) ایسی حالت میں کون سی لوٹ سے خوشی حاصل ہو گی اور کون سا ترکہ بانٹا جائے گا ۔ پھر مسلمان اسی حالت میں ہوں گے کہ ایک اور...

حدیث نمبر: 5928 --- ‏‏‏‏ سیدنا عبداللہ بن عباس ؓ سے روایت ہے ، ایک شخص رسول اللہ ﷺ کے پاس آیا اور کہنے لگا یا رسول اللہ ! میں نے رات کو خواب میں دیکھا ایک ابر کے ٹکڑے سے گھی اور شہد ٹپک رہا ہے لوگ اس کو اپنی لپوں سے لیتے ہیں کوئی زیادہ لیتا ہے کوئی کم اور میں نے دیکھا آسمان سے زمین تک ایک رسی لٹکی آپ ﷺ اس کو پکڑ کر اوپر چڑھ گئے ، پھر اور ایک شخص نے تھاما وہ بھی اوپر چڑھ گیا ، پھر اور ایک شخص نے تھاما وہ بھی چڑھ گیا ، پھر اور ایک شخص نے تھاما تو وہ ٹوٹ گئی پھر وہ جڑ گئی اور وہ بھی اوپر چلا گیا ۔ یہ سن کر سیدنا ابوبکر صدیق ؓ نے عرض کیا یا رسول اللہ ! میر باپ آپ پر قربان ہو ، مجھے اس کی تعبیر کہنے دیجئیے ۔ آپ ﷺ نے فرمایا : ”اچھا کہہ ۔ “ سیدنا ابوبکر ؓ نے کہا : وہ ابر کا ٹکڑا تو اسلام ہے ۔ گھی اور شہد سے قرآن کی حلاوت اور نرمی مراد ہے اور لوگ جو زیادہ اور کم لیتے ہیں وہ بھی بعض کو بہت قرآن یاد ہے اور بعض کو کم اور رسی جو آسمان سے زمین تک لٹکی وہ دین حق ہے جس پر آپ ﷺ ہیں ۔ پھر اللہ آپ ﷺ کو اس دین پر اپنے پاس بلا لے گا ۔ آپ ﷺ کے بعد ایک اور شخص اس کو تھامے گا (آپ ﷺ کا خلیفہ) وہ بھی اسی طرح سے چڑھ جائے گا پھر ایک اور تھامے گا اور اس کا بھی یہی حال ہو گا پھر ایک شخص تھامے گا تو کچھ خلل پڑے گا لیکن وہ آخر خلل مٹ جائے گا اور وہ بھی چڑھ جائے گا اور مجھ سے بیان کیجئیے یا رسول اللہ ! میں نے ٹھیک تعبیر کی یا غلط ۔ آپ ﷺ نے فرمایا : ”کچھ تو نے ٹھیک کہا کچھ تو نے غلط کہا ۔ “ سیدنا ابوبکر ؓ نے عرض کیا : یا رسول اللہ ! اللہ کی قسم ! آپ بیان کیجئیے میں نے کیا غلطی کی ، آپ ﷺ نے فرمایا : ”قسم مت کھا ۔ “

حدیث نمبر: 7512 --- ‏‏‏‏ عبادہ بن ولید بن عبادہ بن صامت ؓ سے روایت ہے ، میں اور میرا باپ دونوں نکلے دین کا علم حاصل کرنے کے لیے انصار کے قبیلہ میں قبل اس کے کہ وہ مر جائیں ۔ (یعنی انصار سے صحابہ کی حدیث سننے کے لیے) تو سب پہلے ہم ابوالیسر سے ملے جو صحابی تھے رسول اللہ ﷺ کے ، ان کے ساتھ ان کا ایک غلام بھی تھا جو کتابوں (خطوں) کا یک گھٹا لیے ہوئے تھا اور ابوالیسر کے بدن پر ایک چادر تھی اور ایک کپڑا تھا معافری (معافر ایک گاؤں ہے وہاں کا کپڑا اس کو معافری کہتے ہیں یا معافر ایک قبیلہ ہے) ان کے غلام پر بھی ایک چادر تھی اور ایک کپڑا تھا معافری (یعنی میاں اور غلام دونوں ایک ہی طرح کا لباس پہنے تھے) میں نے ان سے کہا : اے چچا ! تمہارا چہرہ رنج کا نشان معلوم ہوتا ہے ۔ وہ بولے : ہاں میرا قرض آتا تھا فلاں پر جو فلانے کا بیٹا ہے بنی حرام کے قبیلہ میں سے ۔ میں اس کے گھر والوں کے پاس گیا اور سلام کیا اور پوچھا : وہ شخص کہاں ہے ؟ اس کا ایک بیٹا جو جوانی کے قریب تھا باہر نکلا ۔ میں نے اس سے پوچھا : تیرا باپ کہاں ہے ؟ وہ بولا : تمہاری آواز سن کر میری ماں کے چھپر کھٹ میں گھس گیا ۔ تب تو میں نے آواز دی اور کہا : اے فلانے ! باہر نکل میں نے جان لیا تو جہاں ہے ۔ یہ سن کر وہ نکلا ۔ میں نے کہا : تو مجھ سے چھپ کیوں گیا ؟ وہ بولا : اللہ کی قسم ! میں جو تم سے کہوں گا جھوٹ نہیں کہوں گا میں ڈرا اللہ کی قسم کہ تم سے جھوٹ بات کروں یا تم سے وعدہ کروں اور خلاف کروں اور تم صحابی ہو رسول اللہ ﷺ کے اور میں قسم اللہ کی محتاج ہوں ۔ میں نے کہا : سچ اللہ کی قسم تو محتاج ہے ؟ وہ بولا : قسم اللہ کی ۔ میں نے کہا : قسم اللہ کی ۔ وہ بولا : قسم اللہ کی ۔ میں نے کہا : قسم اللہ کی ۔ وہ بولا : قسم اللہ کی ۔ پھر اس کا تمسک لایا گیا ۔ ابوالیسر نے اس کو اپنے ہاتھ سے مٹا دیا اور کہا : اگر تیرے پاس روپیہ آئے تو ادا کرنا نہیں تو تو آزاد ہے تو میری ان دونوں آنکھوں کی بصارت نے دیکھا اور ابوالیسر نے اپنی دونوں انگلیاں اپنی آنکھوں پر رکھیں اور میرے ان دونوں کانوں نے سنا اور میرے دل نے یاد رکھا اور ابوالیسر نے اشارہ کیا اپنے دل کی رگ کی طرف رسول اللہ ﷺ سے ، آپ ﷺ فرماتے تھے : ” جو شخص کسی تنگدست کو مہلت دے یا اس کو معاف کر دے اللہ تعالیٰ اس کو اپنے سایہ میں رکھے گا ۔ “

حدیث نمبر: 5364 --- ‏‏‏‏ سیدنا عبدالرحمٰن بن ابی بکر ؓ سے روایت ہے ، ہم ایک سو تیس آدمی رسول اللہ ﷺ کے ساتھ تھے ۔ آپ ﷺ نے فرمایا : ” تمہارے پاس کھانا ہے ؟ ۔ “ تو ایک شخص کے پاس ایک صاع اناج نکلا ۔ کسی کے پاس ایسا ہی ، پھر وہ سب گوندھا گیا بعد اس کے ایک مشرک آیا جس کے بال بکھرے ہوئے تھے لمبا بکریوں لے کر ہانکتا ہوا ۔ رسول اللہ ﷺ نے فرمایا : ” تو بیچتا ہے یا یونہی دیتا ہے ۔ “ اس نے کہا : نہیں بیچتا ہوں ۔ آپ ﷺ نے ایک بکری اس سے خریدی ، اس کا گوشت تیار کیا گیا اور آپ ﷺ نے حکم دیا اس کا کلیجہ بھوننے کا ۔ راوی نے کہا : قسم اللہ کی ان ایک سو تیس آدمیوں میں سے کوئی نہ رہا جس کے لیے آپ ﷺ نے کچھ اس کلیجی میں سے جدا نہ کیا ہو اگر وہ موجود تھا تو اس کو دے دیا ورنہ اس کا حصہ رکھ چھوڑا اور دو پیالوں میں آپ ﷺ نے گوشت نکالا پھر ہم سب نے ان میں سے کھایا اور سیر ہو گئے بلکہ پیالوں میں کچھ بچ رہا اس کو میں نے لاد لیا اونٹ پر اور ایسا ہی کہا ۔ (اس حدیث میں آپ ﷺ کے دو معجزے ہیں ، ایک تو کلیجے میں برکت دوسری بکری میں برکت) ۔

حدیث نمبر: 4998 --- ‏‏‏‏ سیدنا جابر ؓ سے روایت ہے ، رسول اللہ ﷺ نے ہم کو بھیجا اور ہمارا سردار سیدنا ابوعبیدہ بن الجراح ؓ کو بنایا تاکہ ہم ملیں قریش کے قافلہ سے اور ہمارے توشے کے لیے ایک تھیلہ کھجور کا دیا اس کے علاوہ اور کچھ آپ ﷺ کو نہ ملا تو سیدنا ابوعبیدہ ؓ ہم کو ایک ایک کھجور (ہر روز) دیا کرتے تھے ۔ ابوالزبیر نے کہا : میں نے سیدنا جابر ؓ سے پوچھا تم ایک کھجور کیا کرتے تھے ؟ انہوں نے کہا : اس کو چوس لیتے تھے بچہ کی طرح پھر اس پر تھوڑا پانی پی لیتے تھے ۔ وہ ہم کو سارے دن رات کو کافی ہو جاتی اور ہم اپنی لکڑیوں سے پتے جھاڑتے پھر اس کو پانی میں تر کرتے اور کھاتے ۔ سیدنا جابر ؓ نے کہا : ہم گئے سمندر کے کنارے پر وہاں ایک لمبی سی موٹی چیز نمودار ہوئی ہم اس کے پاس گئے دیکھا تو وہ ایک جانور ہے جس کو عنبر کہتے ہیں ۔ سیدنا ابوعبیدہ ؓ نے کہا : یہ مردار ہے ۔ پھر کہنے لگے : نہیں ہم اللہ کے رسول کے بھیجے ہوئے ہیں اور اللہ کی راہ میں نکلے ہیں اور تم بے قرار ہو رہے ہو (بھوک کے مارے) تو کھاؤ اس کو ۔ جابر نے کہا ہم وہاں ایک مہینہ رہے اور ہم تین سو آدمی تھے ۔ (اس کا گوشت کھایا کرتے) یہاں تک کہ ہم موٹے ہو گئے ۔ جابر نے کہا : تم دیکھو ہم اس کی آنکھ کے حلقہ میں سے چربی کے گھڑے بھرتے اور اس میں بیل کے برابر گوشت کے ٹکڑے کاٹتے تھے ۔ آخر ابوعبیدہ نے ہم میں سے تیرہ آدمیوں کو لیا تو وہ سب اس کی آنکھ کے حلقے کے اندر بیٹھ گئے اور ایک پسلی اس کی پسلیوں میں سے اٹھا کر کھڑی کی پھر سب سے بڑے اونٹ پر پالان باندھا ، ان اونٹوں میں سے جو ہمارے ساتھ تھے ، وہ اس کے تلے سے نکل گیا اور ہم نے اس کے گوشت میں سے « وشائق » بنا لئے توشہ کے واسطہ (« وشائق » جمع ہے « وشيقہ » کی « وشيقہ » وہ ابلا ہوا گوشت جو سفر کے لئے رکھتے ہیں) ۔ جب ہم مدینہ آئے تو رسول اللہ ﷺ کے پاس آئے اور یہ قصہ بیان کیا ۔ آپ ﷺ نے فرمایا : ”وہ اللہ کا رزق تھا جو تمہارے لئے اس نے نکالا تھا اب تمہارے پاس کچھ ہے اس کا گوشت تو ہم کو بھی کھلاؤ ۔ “ سیدنا جابر ؓ نے کہا : ہم نے اس کا گوشت رسول اللہ ﷺ کے پاس بھیجا آپ ﷺ نے اس کو کھایا ۔

حدیث نمبر: 6359 --- ‏‏‏‏ سیدنا عبداللہ بن صامت ؓ سے روایت ہے ، سیدنا ابوذر ؓ نے کہا : ہم اپنی قوم غفار میں سے نکلے وہ حرام مہینے کو بھی حلال سمجھتے تھے ، تو میں اور میرا بھائی انیس اور ہماری ماں تنیوں نکلے اور ایک ماموں تھا ہمارا اس کے پاس اترے ۔ اس نے ہماری خاطر کی اور ہمارے ساتھ نیکی کی اس کی قوم نے ہم سے حسد کیا اور کہنے لگے (ہمارے ماموں سے) جب تو اپنے گھر سے باہر نکلتا ہے تو انیس تیری بی بی کے ساتھ زنا کرتا ہے اور وہ ہمارے پاس آيا اور اس نے یہ بات مشہور کر دی (حماقت سے) ، میں نے کہا : تو نے جو ہمارے ساتھ احسان کیا وہ بھی خراب ہو گیا ، اب ہم تیرے ساتھ نہیں رہ سکتے ، آخر ہم اپنے اونٹوں کے پاس گئے اور اپنا اسباب لادا ، ہمارے ماموں نے اپنا کپڑا اوڑھ کر رونا شروع کیا ، ہم چلے یہاں تک کہ مکہ کے سامنے اترے ۔ انیس نے ایک شرط لگائی اتنے اونٹوں پر جو ہمارے ساتھ تھےاور اتنے ہی اور پر ، پھر دونوں کاہن کے پاس گئے ۔ کاہن نے انیس کو کہا کہ یہ بہتر ہے ۔ انیس ہمارے اونٹ لایا اور اتنے ہی اور اونٹ لایا ۔ ابوذر ؓ نے کہا : اے بیٹے میرے بھائی کے ! میں نے رسول اللہ ﷺ کی ملاقات سے پہلے نماز پڑھی ہے تین برس پہلے ۔ میں نے کہا : کس کے لیے پڑھتے تھے ؟ ابوذر ؓ نے کہا : اللہ کے لیے ۔ میں نے کہا : منہ کدھر کرتے تھے ؟ انہوں نے کہا : منہ ادھر کرتا تھا جدھر اللہ تعالیٰ میرا منہ کر دیتا تھا ۔ میں عشاء کی نماز پڑھتا جب اخیر رات ہوتی تو کمبل کی طرح پڑ جاتا تھا یہاں تک کہ آفتاب میرے اوپر آتا انیس نے کہا : مجھے مکہ میں کام ہے تم یہاں رہو میں جاتا ہوں وہ گیا ، اس نے دیر کی ، پھر آیا میں نے کہا : تو نے کیا کیا ؟ وہ بولا : میں ایک شخص سے ملا مکہ میں جو تیرے دین پر ہے اور کہتا ہے کہ اللہ تعالیٰ نے اس کو بھیجا ہے ، میں نے کہا : لوگ اسے کیا کہتے ہیں ؟ اس نے کہا : لوگ اس کو شاعر ، کاہن ، جادوگر کہتے ہیں اور انیس خود بھی شاعرتھا اس نے کہا : میں نے کاہنوں کی بات سنی ہے لیکن جو کلام یہ شخص پڑھتا ہے وہ کاہنوں کا کلام نہیں ہے اور میں نے اس کا کلام شعر کے تمام بحروں پر رکھا تو وہ کسی کی زبان پر میرے بعد نہ جڑے گا شعر کی طرح ۔ اللہ کی قسم ! وہ سچا ہے اور لوگ جھوٹے ہیں ، میں نے کہا : تم یہاں رہو میں اس شخص کو جا کر دیکھتا ہوں ، پھر میں مکہ میں آیا ۔ میں نے ایک ناتوان شخص کو مکہ والوں میں سے چھانٹا (اس لیےکہ ...