حدیث نمبر: 3140 --- حکم البانی: صحيح... کلیب کہتے ہیں کہ ہم لوگ رسول اللہ ﷺ کے اصحاب میں سے بنی سلیم کے مجاشع نامی ایک شخص کے ساتھ تھے ، بکریوں کی قلت ہو گئی ، تو انہوں نے ایک منادی کو حکم دیا ، جس نے پکار کر کہا کہ رسول اللہ ﷺ فرماتے تھے : ” (قربانی کے لیے) بھیڑ کا ایک سالہ بچہ دانتی بکری کی جگہ پر کافی ہے “ ۔ ... (ص/ح)

حدیث نمبر: 3594 --- حکم البانی: صحيح... اسماء ؓ کے غلام ابوعمر کہتے ہیں کہ میں نے ابن عمر ؓ کو دیکھا کہ انہوں نے ایک عمامہ خریدا جس میں گوٹے بنے تھے ، پھر قینچی منگا کر انہیں کتر دیا ، میں اسماء ؓ کی خدمت میں حاضر ہوا ، اور اس کا تذکرہ کیا ، تو انہوں نے کہا : تعجب ہے عبداللہ پر ، (ایک اپنی خادمہ کو پکار کر کہا :) اے لڑکی ! رسول اللہ ﷺ کا جبہ لے آ ، چنانچہ وہ ایک ایسا جبہ لے کر آئی جس کی دونوں آستینوں ، گریبان اور کلیوں کے دامن پر ریشمی گوٹے تھے ۔ ... (ص/ح)

حدیث نمبر: 193 --- حکم البانی: ضعيف... عباس بن عبدالمطلب ؓ کہتے ہیں کہ میں ایک جماعت کے ہمراہ مقام بطحاء میں تھا ، اور ان میں رسول اللہ ﷺ بھی موجود تھے کہ بادل کا ایک ٹکڑا گزرا ، آپ ﷺ نے اس کی طرف دیکھا اور فرمایا : ” تم لوگ اس کو کیا کہتے ہو ؟ “ ، لوگوں نے کہا : « سحاب » ، آپ ﷺ نے فرمایا : ” « مزن » بھی ؟ “ ، انہوں نے کہا : جی ہاں ، « مزن » بھی ، آپ ﷺ نے فرمایا : ” « عنان » بھی ؟ “ ، لوگوں نے کہا : « عنان » بھی ، آپ ﷺ نے فرمایا : ” تم اپنے اور آسمان کے درمیان کتنا فاصلہ جانتے ہو ؟ “ ، لوگوں نے کہا : ہم نہیں جانتے ، آپ ﷺ نے فرمایا : ” تمہارے اور اس کے درمیان اکہتر (۷۱) ، بہتر (۷۲) ، یا تہتر (۷۳) سال کی مسافت ہے ، پھر اس کے اوپر آسمان کی بھی اتنی ہی مسافت ہے “ ، یہاں تک کہ آپ ﷺ نے اسی طرح سات آسمان شمار کیے ، پھر فرمایا : ” ساتویں آسمان پر ایک سمندر ہے ، اس کے نچلے اور اوپری حصہ کے درمیان اتنی ہی مسافت ہے جتنی کہ دو آسمانوں کے درمیان میں ہے ، پھر اس کے اوپر آٹھ فرشتے پہاڑی بکروں کی طرح ہیں ، ان کے کھروں اور گھٹنوں کے درمیان اتنی دوری ہے جتنی کہ دو آسمانوں کے درمیان ہے ، پھر ان کی پیٹھ پر عرش ہیں ، اس کے نچلے اور اوپری حصہ کے درمیان اتنی مسافت ہے جتنی کہ دو آسمانوں کے درمیان میں ہے ، پھر اس کے اوپر اللہ تعالیٰ ہے جو بڑی برکت والا ، بلند تر ہے “ ۔ ... (ض)

حدیث نمبر: 3992 --- حکم البانی: صحيح... عوف بن مالک ؓ کہتے ہیں کہ رسول اللہ ﷺ نے فرمایا : ” یہود اکہتر (۷۱) فرقوں میں بٹ گئے جن میں سے ایک جنت میں جائے گا اور ستر (۷۰) جہنم میں ، نصاریٰ کے بہتر فرقے ہوئے جن میں سے اکہتر (۷۱) جہنم میں اور ایک جنت میں جائے گا ، قسم ہے اس ذات کی جس کے ہاتھ میں محمد کی جان ہے ! میری امت تہتر (۷۳) فرقوں میں بٹ جائے گی جن میں سے ایک فرقہ جنت میں جائے گا ، اور بہتر (۷۲) فر قے جہنم میں “ ، عرض کیا گیا : اللہ کے رسول ! وہ کون ہوں گے ؟ آپ ﷺ نے فرمایا : « الجماعۃ » ۔ ... (ص/ح)

حدیث نمبر: 2780 --- حکم البانی: موضوع... انس بن مالک ؓ کہتے ہیں کہ رسول اللہ ﷺ نے فرمایا : ” عنقریب تم ملکوں کو فتح کرو گے اور عنقریب تم ایک ایسا شہر فتح کرو گے جسے قزوین کہا جاتا ہے جو اس میں چالیس دن یا چالیس رات سرحد کی نگرانی کرے گا ، اس کے لیے جنت میں سونے کا ایک ستون ہو گا ، جس پر سبز زمرد لگا ہو گا ، پھر اس ستون پر سرخ یا قوت کا قبہ ہو گا جس کے ستر ہزار سونے کے چوکھٹے (دروازے) ہوں گے ، اور ہر چوکھٹے پر بڑی بڑی آنکھوں والی حوروں میں سے ایک بیوی ہو گی “ ۔ ... (ض)

حدیث نمبر: 3360 --- حکم البانی: حسن... سفینہ ابو عبدالرحمٰن ؓ بیان کرتے ہیں کہ ایک شخص نے علی بن ابی طالب ؓ کی ضیافت کی اور آپ کے لیے کھانا تیار کیا ، فاطمہ ؓ نے کہا : کاش ہم لوگ نبی اکرم ﷺ کو بلا لیتے تو آپ بھی ہمارے ساتھ کھانا تناول فرماتے ، چنانچہ لوگوں نے آپ کو بھی مدعو کیا ، آپ ﷺ تشریف لائے ، آپ نے اپنے ہاتھ دروازے کے دونوں بازو پر رکھے ، تو آپ کی نظر گھر کے ایک گوشے میں ایک باریک منقش پردے پر پڑی ، آپ لوٹ آئے ، فاطمہ ؓ نے علی ؓ سے کہا : جائیے اور پوچھئے : اللہ کے رسول ! آپ کیوں واپس آ گئے ہیں ؟ آپ ﷺ نے فرمایا : ” یہ میرے لیے مناسب نہیں کہ میں ایسے گھر میں قدم رکھوں جس میں آرائش و تزئیین کی گئی ہو “ ۔ ... (ص/ح)

حدیث نمبر: 3713 --- حکم البانی: صحيح... انس بن مالک ؓ کہتے ہیں کہ نبی اکرم ﷺ کے سامنے دو آدمیوں نے چھینکا تو آپ ﷺ نے ایک کے جواب میں « يرحمك اللہ » ” اللہ تم پر رحم کرے “ کہا ، اور دوسرے کو جواب نہیں دیا ، تو عرض کیا گیا : اللہ کے رسول ! آپ کے سامنے دو آدمیوں نے چھینکا ، آپ نے ایک کو جواب دیا دوسرے کو نہیں دیا ، اس کا سبب کیا ہے ؟ تو آپ ﷺ نے فرمایا : ” ایک نے (چھینکنے کے بعد) « الحمد للہ » کہا ، اور دوسرے نے نہیں کہا “ ۔ ... (ص/ح)

حدیث نمبر: 64 --- حکم البانی: صحيح... ابوہریرہ ؓ کہتے ہیں کہ رسول اللہ ﷺ ایک دن لوگوں میں باہر بیٹھے تھے کہ ایک آدمی آپ کے پاس آیا ، اور اس نے کہا : اللہ کے رسول ! ایمان کیا ہے ؟ آپ ﷺ نے فرمایا : ” ایمان یہ ہے کہ تم اللہ ، اس کے فرشتوں ، اس کی کتابوں ، اس کے رسولوں ، اس سے ملاقات اور یوم آخرت پر ایمان رکھو “ ۔ اس نے پوچھا : اللہ کے رسول ! اسلام کیا ہے ؟ آپ ﷺ نے فرمایا : ” اسلام یہ ہے کہ تم اللہ کی عبادت کرو ، اس کے ساتھ کسی کو بھی شریک نہ کرو ، فرض نماز قائم کرو ، فرض زکاۃ ادا کرو ، اور رمضان کے روزے رکھو “ ۔ اس نے کہا : اللہ کے رسول ! احسان کیا ہے ؟ آپ ﷺ نے فرمایا : ” احسان یہ ہے کہ اللہ کی عبادت اس طرح کرو گویا کہ تم اس کو دیکھ رہے ہو ، اگر تم اسے نہیں دیکھ رہے ہو تو یہ سمجھو کہ وہ تمہیں ضرور دیکھ رہا ہے “ ۔ اس نے پوچھا : اللہ کے رسول ! قیامت کب آئے گی ؟ آپ ﷺ نے فرمایا : ” جس سے پوچھ رہے ہو وہ پوچھنے والے سے زیادہ نہیں جانتا ، لیکن میں تم کو اس کی نشانیاں بتاؤں گا : جب لونڈی اپنی مالکن کو جنے تو یہ اس کی نشانیوں میں سے ہے ، اور جب بکریوں کے چرواہے اونچی اونچی عمارتوں پر فخر و مسابقت کریں تو یہ اس کی نشانیوں میں سے ہے ، قیامت کی آمد ان پانچ چیزوں میں سے ایک ہے جن کو اللہ تعالیٰ کے سوا کوئی نہیں جانتا “ ، پھر آپ ﷺ نے یہ آیت کریمہ تلاوت فرمائی : « إن اللہ عندہ علم الساعۃ وينزل الغيث ويعلم ما في الأرحام وما تدري نفس ماذا تكسب غدا وما تدري نفس بأي أرض تموت إن اللہ عليم خبير » ” بیشک اللہ ہی کے پاس قیامت کا علم ہے ، وہی بارش نازل فرماتا ہے ، اور ماں کے پیٹ میں جو ہے اسے وہی جانتا ہے ، کوئی نہیں جانتا کہ کل وہ کیا کرے گا ، نہ کسی کو یہ معلوم ہے کہ وہ کس سر زمین میں مرے گا ، اللہ ہی علیم (پورے علم والا) اور خبیر (خبر رکھنے والا ہے) “ (سورۃ لقمان : 34) “ ۔ ... (ص/ح)

حدیث نمبر: 3668 --- حکم البانی: صحيح... احنف کے چچا صعصعہ ؓ کہتے ہیں کہ ایک عورت اپنی دو بیٹیوں کو ساتھ لے کر ام المؤمنین عائشہ ؓ کی خدمت میں آئی ، تو انہوں نے اس کو تین کھجوریں دیں ، اس عورت نے ایک ایک کھجور دونوں کو دی ، اور تیسری کھجور کے دو ٹکڑے کر کے دونوں کے درمیان تقسیم کر دی ، عائشہ ؓ کہتی ہیں کہ اس کے بعد نبی اکرم ﷺ تشریف لائے تو میں نے آپ سے اس کا ذکر کیا تو آپ ﷺ نے فرمایا : ” تمہیں تعجب کیوں ہے ؟ وہ تو اس کام کی وجہ سے جنت میں داخل ہو گئی “ ۔ ... (ص/ح)

حدیث نمبر: 1830 --- حکم البانی: صحيح... مؤذن رسول سعد ؓ سے روایت ہے کہ رسول اللہ ﷺ نے ایک صاع کھجور ، ایک صاع جو اور ایک صاع سلت (بے چھلکے کا جو) صدقہ فطر میں دینے کا حکم دیا ۔ ... (ص/ح)