حدیث نمبر: 352 --- رقم الحديث ترقيم الباني: 2926... سیدنا جابر بن عبداللہ ؓ بیان کرتے ہیں کہ رسول اللہ ﷺ نے فرمایا : ” بنو اسرائیل سے (ان کی روایات) بیان کر سکتے ہو ، اس میں کوئی حرج نہیں ہے ، کیونکہ ان میں کچھ انوکھے امور بھی پائے جاتے ہیں ۔ “ پھر آپ ﷺ نے خود فرمایا : ” بنو اسرائیل کا ایک گروہ نکلا ، وہ اپنے قبرستان کے پاس سے گزرا ، وہ کہنے لگے : اگر ہم دو رکعت نماز پڑھیں اور اللہ تعالیٰ سے دعا کریں کہ وہ ہمارے لیے کسی مردہ کو (زندہ کر کے اسے اس کی قبر) سے نکالے ، تاکہ ہم اس سے موت کے بارے میں دریافت کر سکیں ۔ پس انہوں نے ایسے ہی کیا ، وہ اس طرح کر رہے تھے کہ ایک گندمی رنگ کے آدمی نے قبر سے اپنا سر نکالا ، اس کی پیشانی پر سجدوں کا نشان تھا ، اس نے کہا : اوئے ! تم مجھ سے کیا چاہتے ہو ؟ میں آج سے سو سال پہلے مرا تھا ، لیکن ابھی تک موت کی حرارت ختم نہیں ہوئی ، اب اللہ تعالیٰ سے دعا کرو کہ وہ مجھے اسی حالت میں لوٹا دے ، جس میں میں تھا ۔ “

حدیث نمبر: 1601 --- رقم الحديث ترقيم الباني: 2931... رسول اللہ ﷺ نے فرمایا : ” جب تمہیں پتہ چلے کہ فلاں علاقے میں طاعون کی بیماری پھیل گئی ہے ، تو اس کی طرف مت جاؤ اور نہ فرار اختیار کرتے ہوئے اس سے نکلو ۔ “ اور ایک روایت میں ہے : ” اس تکلیف یا بیماری کے ذریعے سابقہ امتوں یا بنو اسرائیل کے ایک گروہ کو عذاب دیا گیا ، پھر یہ کسی نہ کسی طرح زمین میں باقی رہی ، کبھی ختم ہو جاتی تھی اور کبھی آ جاتی تھی ۔ اب جس آدمی کو اس کے بارے میں پتہ چلے کہ فلاں علاقے میں یہ بیماری آ گئی ہے تو وہ وہاں نہ آئے اور جو اس علاقے میں (پہلے سے موجود) ہو ، وہ وہاں سے فرار ہوتے ہوئے نہ نکلے ۔ “ یہ حدیث سیدنا اسامہ بن زید ، سیدنا سعد بن ابو وقاص اور سیدنا عبد الرحمن ؓ وغیرہ سے مروی ہے ۔

حدیث نمبر: 4061 --- رقم الحديث ترقيم الباني: 3341... سیدنا عبداللہ بن عباس ؓ سے روایت ہے کہ رسول اللہ ﷺ رمضان کی دس تاریخ کو (‏‏‏‏مدینہ) سے نکلے اور مدینہ پر ابورہم کلثوم بن حصین غفاری کو اپنا نائب مقرر کیا ، آپ ﷺ بھی روزے سے تھے اور لوگوں نے بھی روزہ رکھا ہوا تھا ، آپ ﷺ چلتے رہے اور کدید کے مقام پر پہنچ گئے ، جو عسفان اور امج کے درمیان واقع تھا ، وہاں آپ ﷺ نے روزہ توڑ دیا ۔ پھر چل پڑے اور (‏‏‏‏مکہ کے قریب ایک مقام) مرّالظھران پر اترے ، آپ ﷺ کے ساتھ دس ہزار مسلمانوں کا لشکر تھا ۔ مزینہ اور سلیم کے لوگ بھی تھے ، کیونکہ ہر قبیلے سے کافی لوگ مسلمان ہو چکے تھے ، رہا مسئلہ مہاجرین و انصار کا ، تو وہ تو سارے کے سارے رسول اللہ ﷺ کے ساتھ نکل آئے ، کوئی ایک بھی پیچھے نہ رہا ۔ آپ ﷺ نے مرالظھران میں پڑاؤ ڈالا ، ا‏‏‏‏دھر قریش بالکل غافل تھے ، ان کو آپ ﷺ کے بارے میں کوئی اطلاع نہیں تھی اور وہ نہیں جانتے تھے کہ آپ کیا کرنے والے ہیں ؟ اس رات ابوسفیان بن حرب ، حکیم بن حزام اور بدیل بن ورقا جاسوسی کرنے اور جائزہ لینے کے لیے نکلے کہ کیا کوئی خبر موصول ہوتی ہے یا کوئی بات سنائی دیتی ہے ۔ عباس بن عبدالمطلب کی رسول اللہ ﷺ سے ملاقات ہو گئی تھی ، یہ بات بھی ذہن نشین رہے کہ مکہ اور مدینہ کے درمیان کسی مقام پر ابوسفیان بن حارث بن عبدالمطلب اور عبداللہ بن ابوامیہ بن مغیرہ کی رسول اللہ ﷺ سے ملاقات ہو چکی تھی ، (‏‏‏‏اس لیے وہ جاسوسی کرنے کے لیے نکلے تھے) ۔ جب ان کو آپ ﷺ کا پتہ چلا تو انہوں نے آپ ﷺ کے پاس آنا چاہا اور ان کے لیے ام المؤمنین سیدہ ام سلمہ ؓ نے سفارش کی اور کہا : اے اللہ کے رسول ! (‏‏‏‏عبداللہ بن امیہ) آپ کے چچے کا بیٹا ہے اور (‏‏‏‏ابوسفیان) آپ کی پھوپھی کا بیٹا اور آپ کا سسر ہے ۔ آپ ﷺ نے فرمایا : ”‏‏‏‏مجھے ان کی کوئی ضرورت نہیں ، اس چچازاد نے میری توہین کی تھی اور اس پھوپھی زاد اور سسر نے تو مکہ میں مجھے بہت کچھ کہا تھا ۔ “ ‏‏‏‏ جب ان کو آپ ﷺ کی اس بات کا علم ہوا تو ابوسفیان ، جبکہ اس کے ساتھ اس کا بیٹا بھی تھا ، نے کہا : اللہ کی قسم ! یا تو آپ ہمیں اجازت دیں گے یا پھر اپنے اس بیٹے کا ہاتھ پکڑ کر ہم زمین (‏‏‏‏کی کسی جہت کی طرف) نکل جائیں گے اور پیاس اور بھوک کی وجہ سے مر جائیں گے ۔ جب آپ ﷺ کو اس کی اس بات کا علم ہوا تو آپ نرم پڑ گئے اور ان کو آنے کی اجازت دے دی ۔ سو وہ داخ...

حدیث نمبر: 3477 --- رقم الحديث ترقيم الباني: 1955... سیدنا مغیرہ بن شعبہ ؓ سے روایت ہے کہ رسول اللہ ﷺ نے فرمایا : ” میری امت کا ایک گروہ (‏‏‏‏حق پر) غالب رہے گا ، حتیٰ کہ اللہ تعالیٰ کا امر آ پہنچے گا اور وہ غالب ہوں گے ۔ “

حدیث نمبر: 3479 --- رقم الحديث ترقيم الباني: 1956... سیدنا عمر بن خطاب ؓ سے روایت ہے کہ رسول اللہ ﷺ نے فرمایا : ” میری امت کا ایک گروہ قیامت کے برپا ہونے تک حق پر قائم رہے گا ۔ “

حدیث نمبر: 3483 --- رقم الحديث ترقيم الباني: 1958... سیدنا زید بن ارقم ؓ سے روایت ہے کہ رسول اللہ ﷺ نے فرمایا : ”اللہ تعالیٰ کا امر آنے تک میری امت کا ایک گروہ حق پر قتال کرتا رہے گا ۔ “ اے اہل شام ! میرا خیال ہے کہ وہ تم لوگ ہو ۔

حدیث نمبر: 2979 --- رقم الحديث ترقيم الباني: 3308... رسول اللہ ﷺ نے فرمایا : ”کیا میں تمہیں ایسی چیز نہ بتلاؤں جس کے ذریعے تم اپنے سے پہلوں (‏‏‏‏کے مقام) کو پا لو گے ، بعد والے تمہارے (‏‏‏‏مرتبے کو) نہ پہنچ سکیں گے اور تم اپنے دور کے تمام لوگوں میں بہترین قرار پاؤ گے ، مگر وہی شخص جو اسی طرح کا عمل کرے گا ۔ (‏‏‏‏ ‏‏‏‏عمل یہ ہے) تم لوگ ہر نماز کے بعد « سبحان اللہ » ، « الحمد للہ » اور « اللہ اکبر » تینتیس تینتیس دفعہ کہا کرو ۔ “ یہ حدیث سیدنا ابوہریرہ ، سیدنا ابوذر ، سیدنا ابو دردا ، سیدنا ابن عباس اور سیدنا ابن عمر ؓ سے مروی ہے ۔ سیدنا ابوہریرہ ؓ کی حدیث ، جسے ابوصالح نے روایت کیا ہے ، یہ ہے : فقراء لوگ ، نبی کریم ﷺ کے پاس آئے اور عرض کیا کہ بلند درجے اور ہمیشہ رہنے والی نعمتیں تو مالدار لوگ لے گئے ، وہ نماز تو ہماری طرح ہی پڑھتے ہیں اور روزہ بھی ہماری طرح کا رکھتے ہییں ۔ لیکن ان کی لیے مالوں سے حاصل ہونے والی فضیلت زیادہ ہے ، حج کرتے ہے ، عمرہ کرتے ہیں ، جہاد کرتے ہیں اور صدقہ کرتے ہیں ۔ راوی کہتا ہے : (‏‏‏‏ اوپر والی حدیث ذکر کی) (‏‏‏‏تسبیحات کی تعداد کے بارے میں) ہم اختلاف میں پڑ گئے ، کوئی کہتا کہ تینتیس دفعہ « سبحان اللہ » ، تینتیس دفعہ « الحمد للہ » اور چونتیس دفعہ « اللہ اکبر » کہنا ہے (‏‏‏‏اور کوئی کچھ اور کہتا) ۔ میں آپ ﷺ کے پاس گیا اور (‏‏‏‏ سارا مسئلہ ذکر کیا تو) آپ ﷺ نے فرمایا : « سبحان اللہ » ، « الحمد للہ » اور « اللہ اکبر » میں سے ہر ایک تینتیس تینتیس بار کہنا ہے ۔ “

حدیث نمبر: 3768 --- رقم الحديث ترقيم الباني: 3194... سیدنا ابوہریرہ ؓ بیان کرتے ہیں : نبی کریم ﷺ صحابہ کے ایک گروہ کے پاس آئے ، وہ ہنس رہے تھے اور گپ شپ لگا رہے تھے ۔ آپ ﷺ نے فرمایا : ”اس ذات کی قسم جس کے ہاتھ میں میری جان ہے ! اگر تم وہ کچھ جانتے ہوتے جو میں جانتا ہوں ، تو تم ہنسنا کم کر دیتے اور بکثرت روتے ۔ “ پھر آپ ﷺ چلے گئے اور صحابہ نے رونا شروع کر دیا ۔ اللہ تعالیٰ نے آپ کی طرف وحی کی : اے محمد ! آپ میرے بندوں کو ناامید کیوں کر رہے ہیں ؟ نبی کریم ﷺ واپس لوٹے اور کہا : ”خوش ہو جاؤ ، راہ راست پر چلتے رہو اور میانہ روی اختیار کرو ۔ “

حدیث نمبر: 3079 --- رقم الحديث ترقيم الباني: 3308... رسول اللہ ﷺ نے فرمایا : کیا میں تمہیں ایسی چیز نہ بتلاؤں جس کے ذریعے تم اپنے سے پہلوں کو پالو گے ، بعد والے تمہارے (‏‏‏‏مرتبے کو) نہ پہنچ سکیں گے اور تم تمام لوگوں میں بہترین قرار پاؤ گے ، مگر وہی شخص جو اسی طرح کا عمل کرے گا ۔ (‏‏‏‏ ‏‏‏‏عمل یہ ہے) تم لوگ ہر نماز کے بعد « سبحان اللہ » ، « الحمد للہ » اور « اللہ اكبر » تینتیس تینتیس دفعہ کہا کرو ۔ “ یہ حدیث سیدنا ابوہریرہ ، سیدنا ابوذر ، سیدنا ابودردا ، سیدنا ابن عباس اور سیدنا ابن عمر ؓ سے مروی ہے ۔ سیدنا ابوہریرہ ؓ کی حدیث ، جسے ان سے ابوصالح نے روایت ہے ، فقراء لوگ ، نبی کریم ﷺ کے پاس آئے اور عرض کیا کہ بلند درجے اور ہمیشہ رہنے والی نعمتیں تو مالدار لوگ لے گئے ، وہ نماز تو ہماری طرح پڑھتے ہیں اور روزہ بھی ہماری طرح رکھتے ہیں ۔ لیکن ان کے لیے مالوں سے حاصل ہونے والی فضیلت زیادہ ہے ، وہ حج کرتے ہیں ، عمرہ کرتے ہیں ، جہاد کرتے ہیں اور صدقہ کرتے ہیں ۔ راوی کہتا ہے : . . . (‏‏‏‏اوپر والی حدیث ذکر کی) (‏‏‏‏تسبیحات کی تعداد کے بارے میں) ہم اختلاف میں پڑھ گئے ، کوئی کہتا کہ تینتیس دفعہ « سبحان اللہ » تینتیس دفعہ « الحمد للہ » اور چونتیس دفعہ « اللہ اكبر » کہنا ہے (‏‏‏‏اور کوئی کچھ اور کہتا) ۔ میں آپ ﷺ کے پاس گیا اور (‏‏‏‏سارا مسئلہ ذکر کیا تو) آپ ﷺ نے فرمایا : ” « سبحان اللہ » ، « الحمد للہ » اور « اللہ اكبر » میں سے ہر ایک تینتیس تینتیس بار کہنا ہے ۔ “

حدیث نمبر: 3692 --- رقم الحديث ترقيم الباني: 90... سیدنا عبادہ بن صامت ؓ بیان کرتے ہیں کہ رسول اللہ ﷺ نے فرمایا : ”میری امت کا ایک گروہ شراب کا نام تبدیل کر کے اسے جائز و حلال سمجھے گا ۔ “