حدیث نمبر: 4957 --- ‏‏‏‏ عبدالرحمٰن بن شماسہ مہری سے روایت ہے ، میں مسلمہ بن مخلد کے پاس بیٹھا تھا ، ان کے پاس عبداللہ بن عمرو بن العاص ؓ تھے ۔ عبداللہ ؓ نے کہا : قیامت قائم نہ ہو گی مگر بدترین خلق اللہ پر ، وہ بدتر ہوں گے جاہلیت والوں سے اللہ تعالیٰ سے جس بات کی دعا کریں گے اللہ تعالیٰ ان کو دے دے گا لوگ اسی حال میں تھے کہ سیدنا عقبہ بن عامر ؓ آئے ۔ مسلمہ نے ان سے کہا : اے عقبہ ! عبداللہ کیا کہتے ہیں ۔ عقبہ نے کہا ! وہ مجھ سے زیادہ جانتے ہیں ۔ پر میں نے تو رسول اللہ ﷺ سے سنا ہے ، آپ ﷺ فرماتے تھے : ”ہمیشہ میری امت کا ایک گروہ یا ایک جماعت اللہ تعالیٰ کے حکم پر لڑتی رہے گی اور اپنے دشمن پر غالب رہے گی ۔ جو کوئی ان کا خلاف کرے گا ان کو کچھ نقصان نہ پہنچا سکے گا یہاں تک کہ قیامت آ جائے گی اور وہ اسی حال میں ہوں گے ۔ “ سیدنا عبداللہ ؓ نے کہا بیشک (نبی ﷺ نے ایسا ہی فرمایا) لیکن پھر اللہ تعالیٰ ایک ہوا بھیجے گا ، جس میں مشک کی سی بو ہو گی اور ریشم کی طرح بدن پر لگے گی وہ نہ چھوڑے گی کسی شخص کو جس کے دل میں ایک دانے برابر بھی ایمان ہو گا بلکہ اس کو مار دے گی بعد اس کے سب برے (کافر) لوگ رہ جائیں گے انہی پر قیامت قائم ہو گی ۔

حدیث نمبر: 4950 --- ‏‏‏‏ سیدنا ثوبان ؓ سے روایت ہے ، رسول اللہ ﷺ نے فرمایا : ”ہمیشہ میری امت کا ایک گروہ حق پر قائم رہے گا کوئی ان کو نقصان نہ پہنچا سکے گا یہاں تک کہ اللہ تعالیٰ کا حکم آئے (یعنی قیامت) اور وہ اسی حال میں ہوں گے ۔ “

حدیث نمبر: 2950 --- ‏‏‏‏ جعفر بن محمد اپنے باپ سے روایت کرتے ہیں کہ انہوں نے کہا کہ ہم سیدنا جابر بن عبداللہ ؓ کے گھر گئے اور انہوں نے سب لوگوں کو پوچھا یہاں تک کہ جب میری باری آئی تو میں نے کہا کہ میں محمد بن علی ہوں ۔ سیدنا حسین ؓ کا پوتا ۔ سو انہوں نے میری طرف (شفقت سے) ہاتھ بڑھایا اور میرے سر پر ہاتھ رکھا اور میرے اوپر کی گھنڈی کھولی پھر نیچے کی گھنڈی کھولی (یعنی شلوکے وغیرہ کی) اور پھر اپنی ہتھیلی رکھی میرے سینے پر دونوں چھاتیوں کے بیچ میں اور میں ان دنوں جوان لڑکا تھا ، پھر کہا : شاباش خوش رہو ۔ اے میرے بھتیجے اور پوچھو مجھ سے جو چاہو ۔ پھر میں نے ان سے پوچھا اور وہ نابینا تھے اور اتنے میں نماز کا وقت آ گیا اور وہ کھڑے ہوئے ایک چادر اوڑھ کر کہ جب اس کے دونوں کناروں کو دونوں کندھوں پر رکھتے تھے تو وہ نیچے گر جاتے تھے اس چادر کے چھوٹے ہونے کے سبب سے اور ان کی چادر بڑی تپائی پر رکھی تھی ۔ پھر نماز پڑھائی انہوں نے ہم کو (یعنی امامت کی) اور میں نے کہا کہ خبر دیجئے مجھے رسول اللہ ﷺ کے حج سے (یعنی حجۃ الوداع سے) تو جابر ؓ نے اپنے ہاتھ سے اشارہ کیا ٹوکا اور کہا کہ رسول اللہ ﷺ نو برس تک مدینہ منورہ میں رہے اور حج نہیں کیا ، پھر لوگوں میں پکارا گیا دسویں سال کہ رسول اللہ ﷺ حج کو جانے والے ہیں ، پھر جمع ہو گئے مدینہ میں بہت سے لوگ اور سب چاہتے تھے کہ پیروی کریں رسول اللہ ﷺ کی اور ویسا ہی کام کریں (حج کرنے میں) جیسے آپ ﷺ کریں غرض ہم لوگ سب آپ ﷺ کے ساتھ نکلے ، یہاں تک کہ ذوالحلیفہ پہنچے اور وہاں اسماء بنت عمیس جنیں اور محمد ، ابوبکر ؓ کے بیٹا پیدا ہوئے اور انہوں نے نبی کریم ﷺ سے کہلا بھیجا ۔ آپ ﷺ نے فرمایا : ”غسل کر لو اور لنگوٹ باندھ لو ایک کپڑے کا اور احرام باندھ لو ۔ “ پھر رسول اللہ ﷺ نے دو رکعت پڑھیں مسجد میں اور سوار ہوئے قصواء اونٹنی پر یہاں تک کہ جب آپ ﷺ کو لے کر وہ سیدھی ہوئی بیداء پر (وہ ایک مقام ہے مثل ٹیلہ کے) تو میں نے دیکھا آگے کی طرف جہاں تک کہ میری نظر گئی کہ سوار اور پیادے ہی نظر آتے تھے اور اپنے داہنی طرف بھی ایسی ہی بھیڑ تھی اور بائیں طرف بھی ایسی ہی بھیر تھی اور پیچھے بھی ایسی ہی اور رسول اللہ ﷺ ہمارے بیچ میں تھے اور آپ ﷺ پر قرآن شریف اترتا جاتا تھا اور آپ ﷺ اس حقیقت کو خوب جانتے تھے اور جو کام آپ ﷺ نے کیا وہی ہم نے بھی کیا ، پھر آپ ﷺ نے توح...

حدیث نمبر: 7016 --- ‏‏‏‏ ابن شہاب سے روایت ہے ، پھر رسول اللہ ﷺ نے جہاد کیا تبوک کا (تبوک ایک مقام کا نام ہے مدینہ سے پندرہ منزل پر شام کے راستہ میں) اور آپ ﷺ کا ارادہ تھا روم اور عرب کے نصارٰی کو دھمکانے کا شام میں ۔ ابن شہاب رحمہ اللہ نے کہا : مجھ سے بیان کیا عبدالرحمن بن عبداللہ بن کعب بن مالک نے ان سے بیان کیا عبداللہ بن کعب نے جو کعب کو پکڑ کر چلایا کرتے تھے ، ان کے بیٹوں میں سے جب کعب اندھے ہو گئے تھے ، انہوں نے کہا : میں نے سنا کعب بن مالک ؓ سے ، وہ اپنا حال بیان کرتے تھے ، جب پیچھے رہ گئے تھے رسول اللہ ﷺ کے ساتھ غزوہ تبوک میں ۔ سیدنا کعب بن مالک ؓ نے کہا : میں کسی جہاد میں رسول اللہ ﷺ کے پیچھے نہیں رہا سوائے غزوہ تبوک کے ، البتہ بدر میں پیچھے رہا پر آپ ﷺ نے کسی پر غصہ نہیں کیا جو پیچھے رہ گیا تھا اور بدر میں تو آپ ﷺ مسلمانوں کے ساتھ قریش کا قافلہ لوٹنے کے لیے نکلے تھے لیکن اللہ نے مسلمانوں کو ان کے دشمنوں سے بھڑا دیا (اور قافلہ نکل گیا) بے وقت اور میں رسول اللہ ﷺ کے ساتھ موجود تھا لیلتہ العقبہ میں (لیلتہ العقبہ وہ رات ہے جب آپ ﷺ نے انصار سے بیعت لی تھی اسلام پر اور آپ ﷺ کی مدد کرنے پر اور یہ بیعت جمرہ عقبہ کے پاس جو منٰی میں ہے دو بارہ ہوئی ۔ پہلی بار میں بارہ انصاری تھے اور دوسری بار میں ستر انصاری تھے) اور میں نہیں چاہتا کہ اس رات کے بدلے میں جنگ بدر میں شریک ہوتا گو جنگ بدر لوگوں میں اس رات سے زیادہ مشہور ہے (یعنی لوگ اس کو افضل کہتے ہیں) اور میرا قصہ غزوہ تبوک سے پیچھے رہنے کا یہ ہے کہ جب یہ غزوہ ہوا تو میں سب سے زیادہ طاقتور اور مالدار تھا ۔ اللہ کی قسم اس سے پہلے میرے پاس دو اونٹنیاں کبھی نہیں ہوئیں اور اس لڑائی کے وقت میرے پاس دو اونٹنییاں تھیں ۔ آپ ﷺ اس لڑائی کے لیے چلے سخت گرمی کے دنوں میں اور سفر بھی لمبا تھا اور راہ میں جنگل تھے (دور دواز جن میں پانی کم ملتا اور ہلاکت کا خوف ہوتا) اور مقابلہ تھا بہت دشمنوں سے ، اس لیے آپ ﷺ نے مسلمانوں سے واضح طور پر فرما دیا کہ ” میں اس لڑائی کو جاتا ہوں ۔ “ (حالانکہ آپ ﷺ کی یہ عادت تھی کہ اور لڑائیوں میں اپنا ارادہ صاف صاف نہ فرماتے مصلحت سے تاکہ خبر مشہور نہ ہو) تاکہ وہ اپنی تیاری کر لیں ۔ پھر ان سے کہہ دیا کہ فلاں طرف ان کو جانا پڑے گا ، اس وقت آپ ﷺ کے ساتھ بہت سے مسلمان تھے اور کوئی دفتر نہ تھا ، جس میں...

حدیث نمبر: 4951 --- ‏‏‏‏ سیدنا مغیرہ بن شعبہ ؓ سے روایت ہے کہ میں نے رسول اللہ ﷺ کو یہ فرماتے ہوئے سنا : ”میری امت میں سے ایک قوم ہمیشہ لوگوں پر غالب رہے گی یہاں تک کہ قیامت آ جائے اور وہ غالب ہی ہوں گے ۔ “

حدیث نمبر: 4958 --- ‏‏‏‏ سیدنا سعد بن ابی وقاص ؓ سے روایت ہے ، رسول اللہ ﷺ نے فرمایا : ”ہمیشہ مغرب والے (یعنی عرب یا شام والے) حق پر غالب رہیں گے یہاں تک کہ قیامت قائم ہو گی ۔ “

حدیث نمبر: 4952 --- ‏‏‏‏ سیدنا مغیرہ بن شعبہ ؓ سے روایت ہے کہ میں نے رسول اللہ ﷺ سے سنا ، باقی حدیث مروان کی حدیث کی طرح ہے ۔

حدیث نمبر: 3695 --- ‏‏‏‏ سیدنا عبداللہ بن عباس ؓ نے کہا کہ میں مدت سے آرزو رکھتا تھا کہ سیدنا عمر ؓ سے ان دو بیبیوں کا حال پوچھوں نبی ﷺ کی بیبیوں میں سے جن کے بارے میں اللہ تعالیٰ فرماتا ہے : « إِن تَتُوبَا إِلَى اللَّـہِ فَقَدْ صَغَتْ قُلُوبُكُمَا » (۶۶-التحریم : ۴) کہ ” اگر تم توبہ کرو اللہ تعالیٰ کی طرف تو تمہارے دل جھک رہے ہیں ۔ “ یہاں تک کہ حج کیا انہوں نے اور میں نے بھی ان کے ساتھ پھر جب ہم ایک راہ میں تھے سیدنا عمر ؓ راہ سے کنارے ہوئے ۔ اور میں بھی ان کے ساتھ کنارے ہوا ۔ پانی کی چھاگل لے کر اور حاجت سے فارغ ہوئے اور پھر میرے پاس آئے ۔ اور میں نے ان کے ہاتھوں پر پانی ڈالا اور انہوں نے وضو کیا اور میں نے کہا : اے امیرالمؤمنین ! وہ کون سی دو عورتیں ہیں نبی ﷺ کی بیبیوں میں سے جن کے لیے اللہ تعالیٰ فرماتا ہے کہ « إِن تَتُوبَا إِلَى اللَّـہِ فَقَدْ صَغَتْ قُلُوبُكُمَا » ”اگر توبہ کرو تم اللہ کی طرف تو تمہارے دل جھک رہے ہیں ۔ “ سیدنا عمر ؓ نے فرمایا : بڑے تعجب کی بات ہے اے ابن عباس ! (یعنی اب تک تم نے یہ کیوں نہ دریافت کیا) زہری نے کہا کہ سیدنا عمر بن خطاب ؓ کو ان کا نہ پوچھنا اتنی مدت ناپسند ہوا اور یہ ناپسند ہوا کہ اتنے دن کیوں اس سوال کو چھپا رکھا پھر فرمایا کہ وہ حفصہ اور عائشہ ؓ ن ہیں ، پھر لگے حدیث بیان کرنے اور کہا کہ ہم گروہ قریش کے ایک ایسی قوم تھے کہ عورتوں پر غالب رہتے تھے ، پھر جب مدینہ میں آئے تو ایسے گروہ کو پایا کہ ان کی عورتیں ان پر غالب تھیں ۔ سو ہماری عورتیں ان کی خصلتیں سیکھنے لگیں اور میرا مکان ان دنوں بنی امیہ کے قبیلہ میں تھا مدینہ کی بلندی پر سو ایک دن میں نے اپنی بیوی پر کچھ غصہ کیا سو وہ مجھے جواب دینے لگی ۔ اور میں نے اس کے جواب دینے کو برا مانا تو وہ بولی کہ تم میرے جواب دینے کو برا مانتے ہو اور اللہ کی قسم ہے کہ نبی ﷺ کی بیبیاں ان کو جواب دیتی ہیں اور ایک ایک ان میں کی آپ ﷺ کو چھوڑ دیتی ہے کہ دن سے رات ہو جاتی ہے ۔ سو میں چلا اور داخل ہوا حفصہ پر اور میں نے کہا : کہ تم جواب دیتی ہو رسول اللہ ﷺ کو ۔ انہوں نے کہا : ہاں اور میں نے کہا : محروم ہوئیں تم میں سے جس نے ایسا کیا اور بڑے نقصان میں آئی کیا تم میں سے ہر ایک ڈرتی اس سے کہ اللہ اس پر غصہ کرے اس کے رسول کے غصہ دلانے سے اور ناگہاں وہ ہلاک ہو جائے (اس سے قوت ایمان سیدنا عمر ؓ کی ...

حدیث نمبر: 454 --- ‏‏‏‏ سیدنا ابوسعید خدری ؓ سے روایت ہے ، کچھ لوگوں نے رسول اللہ ﷺ کے زمانے میں کہا : یا رسول اللہ ! کیا ہم دیکھیں گے اپنے پروردگار کو قیامت کے دن ؟ آپ ﷺ نے فرمایا : ”ہاں دیکھو گے ۔ تم کو کچھ تکلیف ہوتی ہے سورج کو دیکھنے میں دوپہر کے وقت جب کھلا ہوا ہو اور ابر نہ ہو ؟ تم کو کچھ تکلیف ہوتی ہے چاند کے دیکھنے میں چودھویں رات کو جب کھلا ہوا ہو اور ابر نہ ہو ؟ “ انہوں نے کہا نہیں ، آپ ﷺ نے فرمایا ”بس تم کو اتنی ہی تکلیف ہو گی اللہ تعالیٰ کے دیکھنے میں قیامت کے دن جتنی چاند اور سورج کے دیکھنے میں ہوتی ہے جب قیامت کا دن ہو گا تو ایک پکارنے والا پکارے گا ہر ایک گروہ ساتھ ہو جائے اپنے اپنے معبود کے پھر جتنے لوگ سوا اللہ کے اور کسی کو پوجتے تھے جیسے بتوں کو اور تھانوں کو ، ان میں سے کوئی نہ بچے گا ، سب کے سب آگ میں گریں گے اور باقی رہ جائیں گے وہی لوگ جو اللہ کو پوجتے تھے نیک ہوں یا بد مسلمانوں میں سے اور کچھ اہل کتاب میں سے ، پھر یہودی بلائے جائیں گے اور ان سے کہا جائے گا تم کس کو پوجتے تھے ؟ وہ کہیں گے : ہم پوجتے تھے عزیر علیہ السلام کو جو اللہ کے بیٹے ہیں ان کو جواب ملے گا ۔ تم جھوٹے تھے اللہ جل جلالہ نے نہ کوئی بی بی کی ، نہ اس کا بیٹا ہوا ۔ اب تم کیا چاہتے ہو ؟ وہ کہیں گے : اے رب ہمارے ! ہم پیاسے ہیں ۔ ہم کو پانی پلا ۔ حکم ہوگا جاؤ پیو ، پھر وہ ہانک دیئے جائیں گے جہنم کی طرف ، ان کو ایسا معلوم ہو گا جیسے سراب اور وہ شعلے ایسے مار رہا ہو گا ۔ گویا ایک کو ایک کھا رہا ہے وہ سب گر پڑیں گے آگ میں بعد اس کے نصاریٰ بلائے جائیں گے اور ان سے سوال ہو گا تم کس کو پوجتے تھے ؟ وہ کہیں گے : ہم پوجتے تھے مسیح علیہ السلام کو جو اللہ کے بیٹے ہیں ، ان کو جواب ملے گا تم جھوٹے تھے ۔ اللہ جل جلالہ کی نہ کوئی بیوی ہے نہ اس کا کوئی بیٹا ہے ۔ پھر ان سے کہا جائے گا اب تم کیا چاہتے ہو ؟ وہ کہیں گے اے رب ! ہم پیاسے ہیں ہم کو پانی پلا ۔ حکم ہو گا جاؤ پھر وہ سب ہانکے جائیں گے جہنم کی طرف گویا وہ سراب ہو گا ۔ اور لپٹ کے مارے وہ آپ ہی آپ ایک ایک کو کھاتا ہو گا ۔ پھر وہ سب گر پڑیں گے جہنم میں یہاں تک کہ جب کوئی باقی نہ رہے گا ۔ سوا ان لوگوں کے جو اللہ کو پوجتے تھے نیک ہوں یا بد ، اس وقت مالک سارے جہان کا ان کے پاس آئے گا ۔ ایک ایسی صورت میں جو مشابہ نہ ہو گی اس صورت سے جس کو وہ...

حدیث نمبر: 2746 --- ‏‏‏‏ ابوقتادہ ؓ نے روایت کی کہ ایک شخص آیا رسول اللہ ﷺ کے پاس اور عرض کیا کہ آپ کیونکر رکھتے ہیں روزہ ؟ اس پر آپ ﷺ غصہ ہو گئے (یعنی اس لیے کہ یہ سوال بے موقع تھا ۔ اس کو لازم تھا کہ یوں پوچھتا کہ میں روزہ کیونکر رکھوں) پھر جب سیدنا عمر ؓ نے آپ ﷺ کا غصہ دیکھا تو عرض کرنے لگے : « رَضِينَا بِاللَّہِ رَبًّا وَبِالإِسْلاَمِ دِينًا وَبِمُحَمَّدٍ نَبِيًّا نَعُوذُ بِاللَّہِ مِنْ غَضَبِ اللَّہِ وَغَضَبِ رَسُولِہِہم » ”راضی ہوئے اللہ تعالیٰ کے معبود ہونے پر ، اسلام کے دین ہونے پر ، اور محمد ﷺ کے نبی ہونے پر اور پناہ مانگتے ہیں ہم اللہ اور اس کے رسول کے غصہ سے ۔ “ غرض سیدنا عمر ؓ بار بار ان کلمات کو کہتے تھے یہاں تک کہ غصہ آپ ﷺ کا تھم گیا پھر سیدنا عمر بن خطاب ؓ نے عرض کی کہ اے اللہ کے رسول ! جو ہمیشہ روزہ رکھے وہ کیسا ہے ؟ آپ ﷺ نے فرمایا : ”نہ اس نے روزہ رکھا اور نہ افطار کیا ۔ “ پھر کہا جو دو دن روزہ رکھے اور ایک دن افطار کرے وہ کیسا ؟ آپ ﷺ نے فرمایا : ”ایسی طاقت کس کو ہے ۔ یعنی اگر طاقت ہو تو خوب ہے پھر کہا : جو ایک دن روزہ رکھے ایک دن افطار کرے ؟ آپ ﷺ نے فرمایا : ”یہ روزہ ہے داؤد علیہ السلام کا ، پھر کہا : جو ایک دن روزہ رکھے اور دو دن افطار کرے ۔ آپ ﷺ نے فرمایا : ”میں آرزو رکھتا ہوں کہ مجھے اتنی طاقت ہو ۔ “ یعنی یہ خوب ہے اگر طاقت ہو پھر رسول اللہ ﷺ نے فرمایا : ”تین روزے ہر ماہ میں اور رمضان کے روزے ایک رمضان کے بعد دوسرے رمضان تک یہ ہمیشہ کا روزہ ہے یعنی ثواب میں اور عرفہ کے دن کا روزہ ایسا ہے کہ میں امیدوار ہوں اللہ پاک سے کہ ایک سال اگلے اور ایک سال پچھلے گناہوں کا کفارہ ہو جائے اور عاشورے کے روزہ سے امید رکھتا ہوں ایک سال اگلے کا کفارہ ہو جائے ۔ “