🏠 👥 🔍 🧩 🅰️ 📌 ↩️

حافظ زبیر علی زئی رحمہ اللہ
تحقیق الحدیث : اس روایت کی سند ضعیف ہے۔ اس روایت کے ایک راوی خلف بن ایوب العامری کے...
تحقیق الحدیث:
اس روایت کی سند ضعیف ہے۔
اس روایت کے ایک راوی خلف بن ایوب العامری کے بارے میں محدثین کرام کا اختلاف ہے لیکن جمہور کی توثیق کے بعد وہ صدوق اور حسن الحدیث کے درجے پر ہے۔
◄ حافظ ابن حبان نے اس کی توثیق کے باوجود اسے متعصب مرجی قرار دیا یعنی وہ اہل سنت میں سے نہیں بلکہ اہل بدعت میں سے تھا۔
◄ امام ترمذی نے حدیث مذکور کو «غريب» قرار دے کر فرمایا:
”اور مجھے معلوم نہیں کہ یہ (خلف بن ایوب) کیسا ہے؟“ [جامع ترمذي ص 605]
◄ امام ابوجعفر العقیلی نے فرمایا:
«ولكن حدث خلف هذا عن قيس وعوف بمناكير لم يتابع عليها وكان مرجئا»
”لیکن اس خلف نے قیس اور عوف سے منکر روایتیں بیان کیں جن میں اس کی متابعت نہیں کی گئی اور وہ مرجی تھا۔“ [كتاب الضعفاء الكبير 2؍24 ت443]
↰ اس جرح سے معلوم ہوا کہ قیس بن الربیع اور عوف الاعرابی سے خلف بن ایوب کی بیان کردہ روایات منکر یعنی ضعیف و مردود ہیں۔ ظاہر ہے کہ عام پر خاص اور غیر مفسر پر مفسر مقدم ہوتا ہے۔
◄ شیخ البانی رحمہ اللہ نے خلف بن ایوب کی جرح و تعدیل میں فلسفیانہ بحث کرنے کے بعد اس روایت کے دو شاہد ذکر کئے:
➊ محمد بن حمزہ بن یوسف بن عبداللہ بن سلام (تبع تابعی) کی مرسل (بلکہ معضل) روایت بحوالہ ابن المبارک، جس کا ضعیف ہونا اس کے انقطاع سے ظاہر ہے۔
➋ ابن المبارک کی سند کے ساتھ یہی روایت محمد بن حمزہ عن عبداللہ بن سلام کی سند کے ساتھ۔ [مسند الشهاب للقضاعي 210/1ح 318]
↰ یہ روایت بھی منقطع ہے اور عبداللہ بن سلام کے الفاظ میں بھی نظر ہے۔
خلاصہ یہ کہ یہ دونوں سندیں ضعیف ہیں، لہٰذا خلف بن ایوب کی بیان کردہ روایت ضعیف ہی ہے۔ «والله اعلم»
اضواء المصابیح فی تحقیق مشکاۃ المصابیح 219