🏠 👥 🔍 🧩 🅰️ 📌 ↩️

مولانا عطا اللہ ساجد حفظہ اللہ
اردو حاشہ: فوائد و مسائل: (1) حضرت حمزہ رضی اللہ تعالیٰ عنہ جنگ احد میں شہید ہوگئے۔ ان کے...
اردو حاشہ:
فوائد و مسائل:
(1)
حضرت حمزہ رضی اللہ تعالیٰ عنہ جنگ احد میں شہید ہوگئے۔
ان کے گھرانے کی خواتین ابھی ہجرت کرکے مدینے نہیں آئیں تھیں۔
اس لئے نبی کریم صلی اللہ علیہ وسلم نے اظہار ترحم کے لئے فرمایا حمزہ پر رونے والا کوئی نہیں اس کا مقصد رونے والیوں کے عمل کی تعریف کرنا نہیں تھا بلکہ ان کی بے کسی کا اظہار تھا۔
کہ اس موقع پر ان کے اہل خانہ بھی موجود نہیں ہیں۔
جن کو فطری طور پر سب سے زیادہ صدمہ ہوتا ہے۔

(2)
صحابہ کرام رضوان للہ عنہم اجمعین رسول اللہ صلی اللہ علیہ وسلم کے اشاروں پر فدا ہونے والے تھے۔
یہ ان کی محبت کا کمال تھا کہ جب رسول اللہ صلی اللہ علیہ وسلم نے ایسی بات فرمائی جس سے انھیں محسوس ہوا کہ رسول اللہ صلی اللہ علیہ وسلم چاہتے ہیں۔
کہ حضرت حمزہ رضی اللہ تعالیٰ عنہ کے لئے رویا جائے۔
تو ان کی خواتین فوراً تیار ہوکر آ گیئں۔
کیونکہ ان کے لئے نبی اکرم صلی اللہ علیہ وسلم کا دلگیر ہونا اپنے غم وحزن سے زیادہ تکلیف دہ تھا اس لئے انھوں نے اس غم کی وجہ سے آواز سے رونا شروع کردیا۔

(3)
رسول اللہ صلی اللہ علیہ وسلم نے واضح فرما دیا کہ میرا مقصد یہ نہیں تھا۔
اس لئے ان خواتین کو واپس چلے جانے کا حکم دے دیا۔

(4)
میت کے گھر جمع ہوکر رونا پیٹنا اور نوحہ کرنا منع ہے۔
بلکہ نوحہ کے بغیر بھی میت والوں کے گھر جمع ہونا منع ہے۔
دیکھئے: (سنن ابن ماجة، حدیث نمبر: 1612)
جو شخص تعزیت کے لئے آئے تو وہ شخص تعزیت کرکے چلا جائے۔
سنن ابن ماجہ شرح از مولانا عطا الله ساجد 1591