🏠 👥 🔍 🧩 🅰️ 📌 ↩️

مولانا عطا اللہ ساجد حفظہ اللہ
اردو حاشہ: فوائد و مسائل: (1) جس وقت یہ واقعہ پیش آیا۔ اس وقت حضرت انس بن مالک رضی...
اردو حاشہ:
فوائد و مسائل:
(1)
جس وقت یہ واقعہ پیش آیا۔
اس وقت حضرت انس بن مالک رضی اللہ تعالیٰ عنہ کعبی رضی اللہ تعالیٰ عنہ مسلمان ہوچکے تھے۔
جب كہ ان کا قبیلہ ابھی مسلمان نہیں ہوا تھا۔

(2)
مسافر کو آدھی نماز معاف ہونے کا یہ مطلب ہے کہ جن نمازوں میں چار رکعت فرض ہیں۔
ان میں دو رکعت فرض نماز ادا کی جائے۔
فجر اور مغرب کی نماز سفر میں بھی پوری پڑھی جاتی ہے۔

(3)
روزے دار کو کھانے کی دعوت دی جائے۔
تو وہ اپنے روزے کا اظہار کرسکتا ہے۔
یہ ریا میں شامل نہیں۔

(4)
مسافر بچے کو دودھ پلانے والی اور حاملہ کے لئے رعایت ایک ہی سیاق میں بیان ہوئی ہے۔
مگر تفصیل میں فرق ہے کہ مسافر کوروزہ معاف ہے۔
مگر قضا ادا کرنا واجب ہے۔
اور مرضعہ اور حاملہ کی بابت علماء کی چار آراء ہیں۔
جن کی تفصیل درج ذیل ہے۔
ایک رائے تو یہ ہے کہ ان کےلئے فدیہ ہی کافی ہے۔
بعد میں قضا نہیں دوسری رائے یہ ہے کہ ان پر نہ قضا ہے نہ فدیہ یہ رائے حافظ ابن حزم رحمۃ اللہ علیہ کی ہے۔
جو انھوں نے المحلی (مسئلہ نمبر 770)
میں بیان کی ہے۔
تیسری رائے یہ ہے کہ فدیہ طعام کے علاوہ بعد میں وہ قضا بھی دیں چوتھی رائے یہ ہے کہ وہ مریض کے حکم میں ہیں۔
وہ روزہ چھوڑدیں انھیں فدیہ دینے کی ضرورت نہیں۔
اور بعد میں قضا دیں مولانا محمد علی جانباز رحمۃ اللہ علیہ نے اسی رائے کو ترجیح دی ہے۔
دیکھئے: (إنجاز الحاجة، شرح ابن ماجة: 566/5)
نیز سعودی علماء کی بھی یہی رائے ہے۔
دیکھئے: (فتاویٰ اسلامیہ (اُردو) 2/203، مطبوعہ دارالسلام)
سنن ابن ماجہ شرح از مولانا عطا الله ساجد 1667