🏠 👥 🔍 🧩 🅰️ 📌 ↩️

حافظ زبیر علی زئی رحمہ اللہ
تخریج الحدیث : [صحیح مسلم 142] فقہ الحدیث : ➊ جو شخص «لا الهٰ الا الله» (اللہ کے سوا...
تخریج الحدیث:
[صحیح مسلم 142]

فقہ الحدیث:
➊ جو شخص «لا الهٰ الا الله» (اللہ کے سوا کوئی الہٰ نہیں) اور محمد رسول اللہ (محمد صلی اللہ علیہ وسلم اللہ کے رسول ہیں) کی گواہی دیتا ہے تو یہ شخص مسلم ہے الا یہ کہ نواقض اسلام میں سے کوئی ناقض ثابت ہو جائے، جو اسے دائرہ اسلام سے باہر نکال دے۔ «والله المستعان»
➋ اہل توحید مسلمان جہنم میں کفار کی طرح ہمیشہ نہیں رہیں گے۔ اگر کوئی مسلم کسی گناہ کی وجہ سے جنہم میں داخل ہو گا تو بالآخر اسے جہنم سے نکال لیا جائے گا۔ «والحمد الله»
➌ جو شخص زبان کے ساتھ لا الہ الا اللہ اور محمد رسول اللہ (صلی اللہ علیہ و سلم) کی گواہی نہیں دیتا وہ شخص ہمیشہ جہنم میں رہے گا۔
➍ ایک روایت میں آیا ہے کہ آپ صلی اللہ علیہ و سلم نے فرمایا:
«من قال: لا اله الا الله صادقا بها دخل الجنة»
”جو شخص تصدیق کرتے ہوئے، لا الہٰ الا اللہ کہے گا تو وہ جنت میں داخل ہو گا۔“ [مسند أحمد 411/4 ح 19689 وسنده صحيح]
دوسری روایت میں آیا ہے:
«يشهد أن لا إلهٰ إلا الله مستيقنا بها قلبه فبشره بالجنة»
”جو شخص دل سے یقین کرتے ہوئے لا الہٰ الا اللہ کہے گا تو اسے جنت کی خوش خبری دے دو۔“ [صحيح مسلم: 31/82]
ایک اور روایت میں ہے:
«من قال: لا إلهٰ إلا الله و كفر بما يعبد من دون الله . . .»
”جو شخص لا الہٰ الا اللہ کہے اور اللہ کے سوا جس کی عبادت کی جاتی ہے اس (کی عبادت) کا انکار کرے۔“ الخ [صحيح مسلم: 23/37]
معلوم ہوا کہ لا الہٰ الا اللہ کے دلی و زبانی اقرار کے ساتھ شرک و کفر سے برأت کرنا بھی شرط ایمان ہے۔
➎ اس حدیث سے بھی ایمان کا قول و عمل ہونا ثابت ہوتا ہے۔
اضواء المصابیح فی تحقیق مشکاۃ المصابیح 36