🏠 👥 🔍 🧩 🅰️ 📌 ↩️

حافظ زبیر علی زئی رحمہ اللہ
تخریج الحدیث: [وأخرجه مسلم 244، من حديث مالك به ، وفي رواية يحي بن يحي : ”بعينيه“] تفقه :...
تخریج الحدیث:
[وأخرجه مسلم 244، من حديث مالك به، وفي رواية يحي بن يحي: ”بعينيه“]

تفقه:
➊ وضو کے قطروں کے ساتھ صغیرہ گناھ جھڑ جاتے ہیں۔
➋ بعض لوگ یہ دعویٰ کرتے پھرتے ہیں کہ امام ابوحنیفہ رحمہ اللہ وضو کے قطروں کے گرنے کے ساتھ ساتھ لوگوں کے گناہ دیکھ لیتے تھے حالانکہ یہ بات بالکل بے ثبوت، جھوٹی اور باطل ہے۔ کسی صحیح یا حسن روایت میں اس کا کوئی ثبوت نہیں ہے۔
➌ جب وضو کرنے میں اتنی بڑی فضیلت ہے تو نماز پڑھنے میں کتنی بڑی فضیلت ہو گی۔ نیز دیکھئے [الموطأ حديث:476، النسائي 90/1 ح 146]
➍ اوقات نماز کے علاوہ بھی با وضو رہنا ثواب اور افضل امر ہے۔
➎ وضو کے مستعمل پانی کا ناپاک ہونا کسی حدیث سے ثابت نہیں ہے۔ یاد رہے کہ مستعمل پانی سے مراد برتن میں بچا ہوا پانی ہے۔
➏ وضو عمل ہے اور عمل نیت کے بغیر نہیں ہوتا۔
موطا امام مالک روایۃ ابن القاسم شرح از زبیر علی زئی 439