🏠 👥 🔍 🧩 🅰️ 📌 ↩️

الشیخ محمد ابراہیم بن بشیر حفظہ اللہ
فائدہ: اس حدیث میں یہ ذکر ہوا ہے کہ سیدنا علی رضی اللہ عنہ کے بارے میں ان کے...
فائدہ:
اس حدیث میں یہ ذکر ہوا ہے کہ سیدنا علی رضی اللہ عنہ کے بارے میں ان کے دور میں بھی بعض لوگوں نے غلط باتیں مشہور کر دی تھیں۔ ان میں سے ایک یہ بھی تھی کہ رسول اللہ صلی اللہ علیہ وسلم نے انھیں ”علم باطن“ عطا فرمایا تھا۔ اس غلط عقیدے کی تردید سید ناعلی رضی اللہ عنہ نے خود فرمائی اور وضاحت کر دی کہ میرے پاس قرآن مجید کا فہم ہے، اور کچھ احادیث میرے پاس ہیں۔ ان میں یہ چیزیں موجود ہیں: قصاص کے احکام، قیدی آزاد کرنے کے احکام، اور یہ کہ کسی مسلمان کو کافر کے بدلے میں قتل نہیں کیا جائے گا۔ اسی طرح بعض لوگوں نے سیدنا علی رضی اللہ عنہ کی طرف ”علم جفر“ بھی منسوب کیا ہے، جس کے ذریعے لوگ اپنے خیال میں ماضی اور مستقبل کی غیب کی باتیں معلوم کرتے ہیں۔ یہ سب تو ہم پرستی اور بے بنیاد چیزیں ہیں جن کا قرآن و حدیث میں کہیں ذکر نہیں ہے۔ گمراہ فرقے اپنے باطل افکار و نظریات کو ثابت کرنے کے لیے کس طرح عجیب وغریب من گھڑت واقعات کا سہارا لیتے ہیں، اللہ تعالی ہمیں ان سے محفوظ رکھے، آمین۔
مسند الحمیدی شرح از محمد ابراهيم بن بشير 40