🏠 👥 🔍 🧩 🅰️ 📌 ↩️

حافظ زبیر علی زئی رحمہ اللہ
تخریج الحدیث: [وأخرجه النسائي 34/6 ح 3158، من حديث ابن القاسم عن مالك به ورواه مسلم 1885/117، من حديث...
تخریج الحدیث:
[وأخرجه النسائي 34/6 ح 3158، من حديث ابن القاسم عن مالك به ورواه مسلم 1885/117، من حديث يحيي بن سعيد الانصاري به من رواية يحيي بن يحيي وجاء فى الأصل: ”بْنِ سَعِيْدِ“ وهو خطأ]

تفقه:
➊ جبریل علیہ السلام نبی صلی اللہ علیہ وسلم قرآن کے علاوہ حدیث بھی بطور وحی لاتے تھے جیسا کہ اس حدیث میں «إلا الدَّين» سے واضح ہے لہذا حدیث بھی وحی ہے۔
● سیدنا حسان بن عطیہ رحمہ اللہ (مشہور تا بعی) نے فرمایا: رسول اللہ صلی اللہ علیہ وسلم کے پاس جبریل علیہ السلام (ایسے) سنت لے کر نازل ہوتے جس طرح قرآن لے کر نازل ہوتے تھے اور آپ کو سنت اسی طرح سکھاتے جس طرح آپ کو قرآن سکھاتے تھے۔ [المراسل لا بي داود: 536 وسنده صحيح، السنة للمروزي ص 33 ح 102، وسنده صحيح]
➋ قرض کبھی معاف نہیں ہوتا إلا یہ کہ قرض خواہ خود معاف کردے۔
➌ نیک اعمال سے گناہ معاف ہو جاتے ہیں۔
➍ نبی کریم صلی اللہ علیہ وسلم کے قول و فعل کے بارے میں حافظ ابن عبد البر لکھتے ہیں:
۔ «وكلّ من الله إلا ماقام عليه الدليل فإنه لا ينطق عن الهوى صلَّى اللهُ عَليهِ وسَلمَ و شرف و كرم» . سب اللہ کی طرف سے ہے سوائے اس کے جس(کی تخصیص) پر دلیل قائم ہو کیونکہ آپ صلی اللہ علیہ وسلم (اپنی) خواہش سے نہیں بولتے، اللہ آپ کو شرف و کرم سے نوازے۔ [التمهيد 241/23]
موطا امام مالک روایۃ ابن القاسم شرح از زبیر علی زئی 507