🏠 👥 🔍 🧩 🅰️ 📌 ↩️

شیخ الحدیث مولانا عبد العزیز علوی حفظ اللہ
حدیث حاشیہ: فوائد ومسائل: حضرت انس رضی اللہ تعالیٰ عنہ نے نبی اکرم صلی اللہ علیہ وسلم کی طرف...
حدیث حاشیہ:
فوائد ومسائل:
حضرت انس رضی اللہ تعالیٰ عنہ نے نبی اکرم صلی اللہ علیہ وسلم کی طرف نماز میں توجہ اور مشغولیت کو (بُهِتْنَا)
سے تعبیر کیا ہے اور بخاری شریف میں اس کی جگہ:
(فَهَمَمْنَا أَنْ نَفْتَتِنَ مِنَ الفَرَحِ بِرُؤْيَةِ النَّبِيِّ صلى الله عليه وسلم)
کے الفاظ ہیں،
کہ ہمیں اتنی خوشی ہوئی کہ خطرہ پیدا ہو گیا کہ کہیں ہم سب آپ صلی اللہ علیہ وسلم کو دیکھتے ہی مشغول نہ ہو جائیں اور نماز کی طرف توجہ نہ رہے۔
آپ صلی اللہ علیہ وسلم کے دیدار اور رؤئیت میں مشغول ہوکر نماز کی طرف سے توجہ ہٹ جانے کو فتنہ سے تعبیر کیا ہے تو اگر ”صراط مستقیم“ جو شاہ اسماعیل شہید کی نہیں ہے بلکہ امام احمد شہید کے ملفوظات ہیں میں اگر آپ صلی اللہ علیہ وسلم کے تصور کو یا کسی شیخ کے تصور کو لانے سے اس بنا پر روکا گیا ہے کہ اس سے نماز سے توجہ ہٹ جاتی ہے اور گاؤخر سے کوئی عقیدت ومحبت کا رشتہ نہیں ہوتا کہ انسان ان میں محو ہو کر نماز سے غافل ہو جائے،
اس لیے یہ کیونکر قابل اعتراض ہو سکتا ہے۔
حالانکہ ان حضرات کا اپنا موقف یہ ہے:
(لَونَظَرَ المُصَلِّي إِلَي الْمُصْحَفِ وَقَرَءَ مِنْهُ فَسَدَتْ صَلٰوتُهَ لَا إِليٰ فَرَج إِمْرَأَةٍ بِشَهْوَةٍ)
اگر نماز ميں قرآن دیکھ کر پڑھے تو نماز فاسد ہو جائے گی،
لیکن اگر عورت کی شرمگاہ جنسی جذبہ کے ساتھ دیکھے تو نماز فاسد نہیں ہو گی۔
(الاشباہ والنظائر ابن نجیم)
اگر قرآن دیکھنے سے خشوع وخضوع متاثر ہوتا ہے اور نماز فاسد ہو جاتی ہے تو کیا آپ کے تصور سے نماز پر اثر نہیں پڑے گا،
اور شاید عورت کی شرمگاہ جنسی جذبے سے دیکھنا،
ان حضرات کے نزدیک انسان کو متاثر نہیں کرتا اور اگر گاؤخر کے ساتھ،
آپ صلی اللہ علیہ وسلم کا تذکرہ نامناسب ہے تو قرآن کے ساتھ فرج مرأۃ کا تذکرہ توہین آمیز کیوں نہیں؟
تحفۃ المسلم شرح صحیح مسلم 945