شیخ الحدیث مولانا عبد العزیز علوی حفظ اللہ
حدیث حاشیہ: فوائد ومسائل: جنگ اوطاس کا واقعہ فتح مکہ کے بعد پیش آیا جس میں بنو ہوازن جو...
حدیث حاشیہ:
فوائد ومسائل:
جنگ اوطاس کا واقعہ فتح مکہ کے بعد پیش آیا جس میں بنو ہوازن جو مشرک تھے شکست کھا کر بھاگ گئے،
لیکن چونکہ وہ ساتھ اپنی عورتوں کو بھی لائے تھے۔
اس لیے وہ مسلمانوں کی قید میں آ گئیں اور امت کا اس بات پراتفاق ہے کہ جن کافروں سے جنگ ہے ان کی عورت اگر بلا خاوند قید ہو جائے تو اس کا نکاح فسخ ہو جائے گا۔
اور جس کے حصہ میں آئے گی وہ ایک حیض کے ذریعہ یہ معلوم کرنے کے بعد کہ وہ حاملہ نہیں ہے اس سے صحبت کرسکے گا۔
ائمہ اربعہ اور جمہور علماء کے نزدیک مباشرت کے لیے باندی ہونے کے ساتھ یہ شرط بھی ہے کہ وہ استبرائے رحم کے بعد،
مسلمان ہو چکی ہو یا کتابی عورت ہو اگر بت پرست یا مجوسیہ ہو اور اسلام نہ لا چکی ہو تو پھر مباشرت جائز نہیں ہے۔
امام شافعی رحمۃ اللہ علیہ کے نزدیک فسخ نکاح کا سبب،
عورت کا قید میں آنا ہے اور امام ابوحنیفہ رحمۃ اللہ علیہ کے نزدیک میاں بیوی کے وطن کا مختلف ہونا ہے،
اس لیے اگرخاوند دارالحرب میں ہے اور بیوی دارالسلام میں تو نکاح فسخ ہو گا۔
اگر میاں بیوی دونوں قید میں آ گئے ہیں تو نکاح فسخ نہیں ہو گا۔
احناف کا یہی مؤقف ہے اور امام مالک رحمۃ اللہ علیہ اور امام شافعی رحمۃ اللہ علیہ کے نزدیک عورت اکیلی قید میں آئے یا میاں بیوی دونوں ہر صورت میں نکاح فسخ ہو جائے گا۔
لیکن اگر دارالسلام میں شادی شدہ باندی آ گے بیچ دی جائے تو ائمہ اربعہ اور جمہور علماء کے نزدیک خریدار کے لیے خاوند سے طلاق لیے بغیر محض استبراء رحم سے اس سے مباشرت کرنا جائز نہیں ہو گا۔
کیونکہ خریدوفروخت سے نکاح فسخ نہیں ہوتا۔
اگرچہ بعض صحابہ کرام رضوان اللہ عنھم اجمعین اور تابعین رحمۃ اللہ علیہم خریدوفروخت کو بھی فسخ نکاح کا سبب قرار دیتے ہیں۔
فوائد ومسائل:
جنگ اوطاس کا واقعہ فتح مکہ کے بعد پیش آیا جس میں بنو ہوازن جو مشرک تھے شکست کھا کر بھاگ گئے،
لیکن چونکہ وہ ساتھ اپنی عورتوں کو بھی لائے تھے۔
اس لیے وہ مسلمانوں کی قید میں آ گئیں اور امت کا اس بات پراتفاق ہے کہ جن کافروں سے جنگ ہے ان کی عورت اگر بلا خاوند قید ہو جائے تو اس کا نکاح فسخ ہو جائے گا۔
اور جس کے حصہ میں آئے گی وہ ایک حیض کے ذریعہ یہ معلوم کرنے کے بعد کہ وہ حاملہ نہیں ہے اس سے صحبت کرسکے گا۔
ائمہ اربعہ اور جمہور علماء کے نزدیک مباشرت کے لیے باندی ہونے کے ساتھ یہ شرط بھی ہے کہ وہ استبرائے رحم کے بعد،
مسلمان ہو چکی ہو یا کتابی عورت ہو اگر بت پرست یا مجوسیہ ہو اور اسلام نہ لا چکی ہو تو پھر مباشرت جائز نہیں ہے۔
امام شافعی رحمۃ اللہ علیہ کے نزدیک فسخ نکاح کا سبب،
عورت کا قید میں آنا ہے اور امام ابوحنیفہ رحمۃ اللہ علیہ کے نزدیک میاں بیوی کے وطن کا مختلف ہونا ہے،
اس لیے اگرخاوند دارالحرب میں ہے اور بیوی دارالسلام میں تو نکاح فسخ ہو گا۔
اگر میاں بیوی دونوں قید میں آ گئے ہیں تو نکاح فسخ نہیں ہو گا۔
احناف کا یہی مؤقف ہے اور امام مالک رحمۃ اللہ علیہ اور امام شافعی رحمۃ اللہ علیہ کے نزدیک عورت اکیلی قید میں آئے یا میاں بیوی دونوں ہر صورت میں نکاح فسخ ہو جائے گا۔
لیکن اگر دارالسلام میں شادی شدہ باندی آ گے بیچ دی جائے تو ائمہ اربعہ اور جمہور علماء کے نزدیک خریدار کے لیے خاوند سے طلاق لیے بغیر محض استبراء رحم سے اس سے مباشرت کرنا جائز نہیں ہو گا۔
کیونکہ خریدوفروخت سے نکاح فسخ نہیں ہوتا۔
اگرچہ بعض صحابہ کرام رضوان اللہ عنھم اجمعین اور تابعین رحمۃ اللہ علیہم خریدوفروخت کو بھی فسخ نکاح کا سبب قرار دیتے ہیں۔
تحفۃ المسلم شرح صحیح مسلم 3608