🏠 👥 🔍 🧩 🅰️ 📌 ↩️

شیخ الحدیث مولانا عبد العزیز علوی حفظ اللہ
حدیث حاشیہ: مفردات الحدیث: مُصراة: تصریہ کا معنی ہوتا ہے روکنا، بند کرنا، تو معنی یہ ہوا دودھ والے...
حدیث حاشیہ:
مفردات الحدیث:
مُصراة:
تصریہ کا معنی ہوتا ہے روکنا،
بند کرنا،
تو معنی یہ ہوا دودھ والے جانور کا دودھ اس کے تھنوں میں روک دیا جائے تاکہ تھن بھرے بھرے نظر آئیں کہ خریدار سمجھے کہ یہ جانور بہت دودھ دیتا ہے،
اس لیے خرید لے۔
فوائد ومسائل:
امام مالک،
امام شافعی،
امام احمد،
امام ابو یوسف اور جمہور علماء کے نزدیک،
تصریہ کرنا دھوکا اور عیب ہے،
اس وجہ سے مشتری کو یہ سودا فسخ کرنے کا حق حاصل ہے اور امام احمد،
امام شافعی کے نزدیک رد کرنے کی صورت میں کھجوروں کا صاع واپس کرنا ہو گا۔
امام مالک کے نزدیک اپنے اپنے علاقہ کے غلہ کا صاع دینا ہو گا اور ایک قول شافعی کے مطابق ہے۔
اور امام ابو یوسف کے نزدیک جو دودھ نکالا ہے اس کی قیمت ادا کرنا ہو گی۔
امام ابو حنیفہ اور امام محمد کے نزدیک تصریہ عیب نہیں ہے،
اس لیے بیع فسخ نہیں ہو سکتی،
ہاں مشتری جانور کی قیمت کم کر سکتا ہے۔
سوال یہ ہے کہ اگر تصریہ عیب نہیں ہے تو قیمت میں کمی کیوں؟ مولانا انور شاہ نے اس حدیث کو دیانت پر محمول کیا ہے کہ تصریہ دھوکا ہے،
اس لیے بائع کے دین کا تقاضا یہی ہے کہ اگر مشتری جانور واپس کرنا چاہے تو اس کو واپس لے لے،
اور مولانا ظفر احمد عثمانی نے اس کو امام وقت کی رائے پر چھوڑا ہے،
اور تقی عثمانی صاحب نے صاع کی واپسی کو تو امام وقت پر چھوڑا ہے اور جانور کی واپسی کو شرعی اصول تسلیم کیا ہے اور اس بات کو بھی تسلیم کیا ہے کہ یہ حدیث اصول صحیحہ کے منافی نہیں ہے جیسا کہ احناف کا دعویٰ ہے،
کیونکہ تصریہ دھوکا ہے۔
اس لیے مشتری کو اختیار ملنا چاہیے۔
(تکملہ فتح الملہم:
ج1/ ص 343 تا 345)
تحفۃ المسلم شرح صحیح مسلم 3830