🏠 👥 🔍 🧩 🅰️ 📌 ↩️

شیخ الحدیث مولانا عبد العزیز علوی حفظ اللہ
حدیث حاشیہ: فوائد ومسائل: امام صاحب نے لیث بن سعد سے یہ روایت تعلیقابیان کی ہے، آغازسےسندحذف کر دی...
حدیث حاشیہ:
فوائد ومسائل:
امام صاحب نے لیث بن سعد سے یہ روایت تعلیقابیان کی ہے،
آغازسےسندحذف کر دی ہے،
امام بخاری نے اس روایت کو لیث سے متصل سند سے بیان کیا ہے،
اس طرح امام مسلم نے حدیث نمبر(19)
میں استاد کا نام نہیں لیا،
اس طرح مجہول استاد سے روایت بیان کی ہے،
لیکن بخاری میں یہی روایت اسماعیل بن ابی اویس کے واسطہ سے بیان کی،
اس لیے ممکن ہے،
امام مسلم کی مراد امام بخاری ہے امام مسلم اسماعیل بن ابی اویس سے بلا واسطہ بھی روایت کرتے ہیں اور بلواسطہ بھی۔
اس حدیث سے معلوم ہوا کہ مسجد میں ضرورت کے تحت،
ضرورت کے مطابق،
آواز کو بلند کرنا جائز ہے اور مسجد میں کسی سے اپنے قرضہ کا مطالبہ کیا جا سکتا ہے،
اور حضور اکرم صلی اللہ علیہ وسلم ،
فریقین کے پاس سے گزرے تھے،
اور آپ صلی اللہ علیہ وسلم نے خیال کیا،
یہ معاملہ حل کر لیں گے،
لیکن جب تکرار بڑھا تو آپ صلی اللہ علیہ وسلم آواز سن کر باہر تشریف لائے،
تو آپ صلی اللہ علیہ وسلم نے اس اعتماد اور وثوق پر سفارش کر دی کہ اس کو قبول کر لیا جائے گا،
اور آپ صلی اللہ علیہ وسلم کے اعتماد کے مطابق جھگڑے کے جوش کے دوران ہی حضرت کعب رضی اللہ عنہ نے آپ صلی اللہ علیہ وسلم کی بات کو اپنے جذبات پر قابو پاتے ہوئے غور سے سنا اور آپ صلی اللہ علیہ وسلم کے اشارے کو سمجھ کر فورا اس پر عمل کیا اور اپنا قرض جو اسی (80)
درہم تھا،
اس میں سےآدھا معاف کردیا،
اور اس سے یہ بھی معلوم ہوا،
مقروض کو جب کچھ حصہ معاف کر دیا جائے،
تو اسے باقی حصہ فوراادا کرنا چاہیے،
سکت ہوتے ہوئے ٹال مٹول سے کام نہیں لینا چاہیے،
اور اس حدیث میں مربها کا معنی یہ بھی ہو سکتا ہے کہ ابتدا میں تو آپ نے ان کے جھگڑے کی طرف توجہ نہیں دی اور مرورمعنوی بھی مراد ہو سکتا ہے،
کہ آپ کو گھر میں اس کا بلند آوازوں سے علم ہوگیا،
تو پھر آپ باہر نکلے،
جس سے معلوم ہوا،
جو اختلاف ختم کرواسکتاہو،
اس کو اختلاف ختم کرانے کے لیے اپنا کردارادا کرنا چاہیے،
اس سلسلہ میں سستی اور کاہلی نہیں کرنا چاہیے۔
تحفۃ المسلم شرح صحیح مسلم 3986