🏠 👥 🔍 🧩 🅰️ 📌 ↩️

شیخ الحدیث مولانا عبد العزیز علوی حفظ اللہ
حدیث حاشیہ: فوائد ومسائل: جمہور فقہائے امت کے نزدیک صدقہ اور ہبہ کا ایک ہی حکم ہے، دونوں میں...
حدیث حاشیہ:
فوائد ومسائل:
جمہور فقہائے امت کے نزدیک صدقہ اور ہبہ کا ایک ہی حکم ہے،
دونوں میں رجوع کرنا جائز نہیں ہے،
ہاں صحیح حدیث کی بنا پر،
ھبہ کی صورت میں باپ مستثنیٰ ہے،
وہ اولاد کو ھبہ کردہ چیز واپس لے سکتا ہے،
احناف صدقہ میں جمہور کے ساتھ ہیں اور ھبہ میں،
جمہور کے مخالف ہیں،
احناف کے نزدیک اگر ھبہ کسی رشتہ دار کو کیا ہے،
وہ اولاد ہو یا کوئی اور رشتہ دار،
تو پھر رجوع نہیں ہو سکتا،
اگر کسی اجنبی کو کوئی چیز ھبہ کی ہے اور اس نے بدلہ میں کوئی چیز نہیں دی،
اور ھبہ کردہ چیز موجود ہے،
تو پھر وہ چیز واپس لے سکتا ہے،
اگرچہ یہ دیانۃ مکروہ ہے،
لیکن اگر جس اجنبی کو چیز ھبہ کی،
وہ واپس کرنے پر راضی ہو یا قاضی یہ فیصلہ دے دے تو پھر ناپسندیدہ ہونے کے باوجود جائز ہے،
حالانکہ کتے کی حرکت سے تشبیہ دینے کا مقصد،
اس کی انتہائی قباحت کو بیان کرنا ہے،
جس طرح نماز میں شدید نفرت و حرمت کا اظہار کے لیے،
کتے کی طرح ٹھونگیں مارنے یا کتے کی طرح بیٹھنے سے منع کیا گیا ہے،
نیز صدقہ کی واپسی میں بھی تو یہی تشبیہ دی گئی ہے،
اس کے باوجود احناف کے نزدیک صدقہ کی واپسی جائز نہیں ہے،
نیز آپ صلی اللہ علیہ وسلم نے باپ کو واپس لینے کی اجازت دی ہے اور احناف کے نزدیک وہ واپس نہیں لے سکتا،
اس کے برعکس اجنبی واپس لے سکتا ہے۔
تحفۃ المسلم شرح صحیح مسلم 4176