🏠 👥 🔍 🧩 🅰️ 📌 ↩️

شیخ الحدیث مولانا عبد العزیز علوی حفظ اللہ
حدیث حاشیہ: مفردات الحدیث: (1) رشق بالنبل: تیر اندازی، تیر مارنا، رشق: تیروں کی بوچھاڑ، اس دور میں اشعار،...
حدیث حاشیہ:
مفردات الحدیث:
(1)
رشق بالنبل:
تیر اندازی،
تیر مارنا،
رشق:
تیروں کی بوچھاڑ،
اس دور میں اشعار،
ایک انتہائی موثر ذریعہ تھے،
لوگ ان سے بہت متاثر ہوتے تھے اور مشرکین مکہ بھی اس حربہ سے کام لیتے تھے،
اس لیے جوابی طور پر اسی اسلحہ سے کام لیا گیا،
جس طرح آج کل کافر اسلام اور مسلمانوں کے خلاف پرنٹ اور الیکٹرانک میڈیا سے کام لے رہے ہیں،
لیکن مسلمان بدقسمتی سے اس ہتھیار سے جوابی حملہ سے غافل ہیں،
حالانکہ اپنا دفاع امت کا فریضہ ہے۔
(2)
الضارب بذنبه:
شیر غیظ و غضب کی حالت میں اپنے جسم کے دونوں طرف اپنی دم مارتا ہے تو حضرت حسان نے،
اپنے آپ کو شیر سے تشبیہ دیتے ہوئے،
اپنی زبان کو دم سے تشبیہ دی،
اس لیے ادلع لسانه:
اپنی زبان منہ سے نکال کر اس کو ہلایا اور کہا۔
لافر ينهم بلساني:
میں ان کی عزت و ناموس کو اپنی زبان سے چیر پھاڑ ڈالوں گا۔
(3)
فري الاديم:
جس طرح رنبی سے چمڑے کو چھیل دیا جاتا ہے اور چیرا پھاڑا جاتا ہے۔
(4)
بر:
اطاعت شعار،
احسان کرنے والا۔
تقي کی جگہ اگر حنيفا ہو تو معنی ہو گا،
یکسو،
ہر طرف سے کٹ کر اللہ کا ہو جانے والا،
(5)
شيمته:
اس کی عادت و خصلت،
وقاء:
ڈھال،
محافظ،
بچانے والا،
(6)
بنيتي:
میرا جسم و جان،
اگر بنيتي ہو تو میری پیاری بیٹی،
يبارين:
مقابلہ کرتے ہیں (7)
الاعنة:
عنان کی جمع ہے،
لگام،
وہ قوت و مصیبت میں لگاموں کے ہم پلہ ہیں،
یا سوار کی اطاعت میں لگاموں کی طرح مڑنے والے ہیں۔
(8)
مصعدات:
تمہاری طرح رخ کر کے آ رہے ہیں۔
(9)
الاسل:
نیزے،
الظماء:
دشمن کے خون کے پیاسے،
یا پیاس کی وجہ سے دبلے پتلے،
(10)
متمطرات:
تیزی سے بھاگنے والا،
ایک دوسرے سے سبقت لے جانے والے۔
(11)
تلطمهن بالخمر:
گھوڑوں کی شرافت و کرامت اور ان سے محبت و پیار کی وجہ سے مسلمان عورتیں،
ان کے چہروں سے گردوغبار اپنے دو پٹوں سے صاف کرتیں ہیں،
یا گھوڑوں کے دشمن کے تعاقب میں تیز رفتاری سے بھاگنے کی بنا پر دشمن کی عورتیں اپنے دفاع میں ان کے چہروں پر اپنے دوپٹے مارتی ہیں۔
(12)
ان عرضتموعنااعتمرنا:
اگر تم ہمارے سامنے ہٹ جاؤ گے،
ہمیں بیت اللہ کا عمرہ کرنے سے نہیں روکو گے تو ہم عمرہ کر لیں گے اور ہمیں اپنے مقصد میں کامیابی حاصل ہو جائے گی،
اس سے معلوم ہوتا ہے،
یہ اشعار عمرۃ الحدیبیہ کے موقع پر کہے گئے ہیں،
اس لیے اگلے شعر میں کہا ہے،
اگر تم عمرہ سے روکو گے،
تو پھر،
اس دن کی جنگ کا انتظار کرو،
جس میں اللہ تعالیٰ مسلمانوں کو فتح نصیب فرمائے گا اور حضرت حسان کی پیشن گوئی کے مطابق 8ھ میں مکہ فتح ہو گیا اور اس دن مکہ کی عورتیں گھوڑوں کا رخ موڑنے کے لیے ان کے چہروں پر اپنے دوپٹے مار رہی تھیں،
حاشیہ محمد فواد عبدالباقی،
4 ص 1937۔
(13)
ضراب:
مار دھاڑ،
مقابلہ۔
(14)
يسرت جندا:
میں نے لشکر تیار کر دیا ہے۔
(15)
عرضتها اللقاء:
جس کا مطلوب و مقصد ہی دشمن سے جنگ و جدال کرنا ہے۔
(16)
من معد:
معد سے مراد قریش ہیں،
کیونکہ وہ معد بن عدنان کی اولاد ہیں۔
(17)
فمن يهجو منكم:
اللہ کا رسول اس قدر بلند بالا مقام پر فائز ہے کہ تمہاری ہجو اور مذمت سے اس کا کچھ بگڑتا نہیں ہے اور تمہاری تعریف و مدح اور نصرت سے اس کا کچھ سنورے گا نہیں،
کیونکہ تم کسی شمار قطار میں نہیں رہے ہو،
كفاء:
ہم سر،
مدمقابل،
ہم پلہ۔
تحفۃ المسلم شرح صحیح مسلم 6395