🏠 👥 🔍 🧩 🅰️ 📌 ↩️

شیخ الحدیث مولانا عبد العزیز علوی حفظ اللہ
حدیث حاشیہ: مفردات الحدیث: (1) ابنوااهلي: میری بیوی پرعیب اورتہمت لگائی۔ (2) اسقطوالهابه: اس کو یہ بات کھل کر...
حدیث حاشیہ:
مفردات الحدیث:
(1)
ابنوااهلي:
میری بیوی پرعیب اورتہمت لگائی۔
(2)
اسقطوالهابه:
اس کو یہ بات کھل کر کہی یا اسے نازیبا الفاظ کہے۔
(3)
يستوشيه:
پوچھ پوچھ کر اور کرید کراس کو نکالتا تھا،
پھر اس کو پھیلاتا تھا،
تشہیر کرتا تھا۔
فوائد ومسائل:
(1)
اجنبی لوگ،
باپردہ عورت کی خدمت کرسکتے ہیں اور عورت اونٹ پر سوار ہو کر کجاوہ میں بیٹھ سکتی ہے اور سفر میں اپنے خاوند کے ساتھ جا سکتی ہے،
خواہ وہ جنگی سفر ہی کیوں نہ ہو۔
(2)
عورت سفر میں اپنے زیورات پہن سکتی ہے اور قضائےحاجت کے لیےشوہر کی اجازت کے بغیر جنگل میں جاسکتی ہے۔
(3)
انسان کو اپنی چیز کا دھیان رکھنا چاہیے اور اس کو ضائع ہونے سے بچانا چاہیے،
گمشدگی کی صورت میں اس کو تلاش کرنا چاہیے۔
(4)
بعض آدمیوں کو لشکر سے پیچھے رکھنا چاہیے،
تاکہ پیچھے رہ جانے والی چیز یا لشکر سے بچھڑ جانے والے کو لشکر کے ساتھ ملایا جاسکے۔
(5)
اگر کوئی انسان،
خاص کر کوئی عورت کسی جگہ اپنے گھر والوں سے بچھڑ جائے تو وہ اس جگہ ٹھہرے تاکہ اس کوتلاش کرنا آسان ہو۔
(6)
اجنبی عورتوں کے ساتھ حسن ادب سے پیش آنا اور ان سے صرف بقدر ضرورت گفتگوکرنا اور خلوت میں اس کے ساتھ چلنے کی ضرورت پیش آجائے تو اس کے آگے آگے چلنا،
تاکہ اس کے جسم کا کوئی حصہ اس کو نظر نہ آئے اور عورت اجنبی مرد سے اپنا چہرہ ڈھانپ لے گی چاہے وہ نیک و متقی انسان ہی کیوں نہ ہو۔
(7)
قابل احترام شخصیت کے ساتھ ایثارو قربانی کا معاملہ کرنا اور اس کی خاطر مشقت وکلفت برداشت کرنا،
حضرت صفوان خود پیدل چلے اور حضرت عائشہ کو سوار کیا۔
(8)
خاوند کا اپنی بیوی کے ساتھ حسن معاشرت اختیار کرنا اور محبت سے پیش آنا اور اس پر کوئی الزام لگے تو لطف و کرم میں کمی کرنا،
تاکہ بیوی محسوس کرکے اسی کی وجہ دریافت کرے اور اپنی کوتاہی کا ازالہ یا معذرت کرے۔
(9)
بیمار پر اگر کوئی تہمت لگے تو اس کے سامنے اس کا اظہار نہ کیا جائے،
تاکہ اس کی بیماری میں اضافہ نہ ہو اور اپنے طور پر اس تہمت کی تحقیق و تفتیش کرنا تاکہ حقیقت حال سے آگاہی حاصل ہو اور بلا تحقیق کسی کو جرم نہ کرار دیا جائے۔
(10)
بیوی کا اپنے خاوند کے ساتھ نازوتدلل کا رویہ،
اس کی تعظیم و تکریم کے منافی نہیں ہے۔
تحفۃ المسلم شرح صحیح مسلم 7022