🏠 👥 🔍 🧩 🅰️ 📌 ↩️

شیخ الحدیث مولانا عبد العزیز علوی حفظ اللہ
حدیث حاشیہ: فوائد ومسائل: حضرت ابن مسعود رضی اللہ عنہ کے نزدیک سورۂدخان میں، جس دھوئیں کا تذکرہ کیا...
حدیث حاشیہ:
فوائد ومسائل:
حضرت ابن مسعود رضی اللہ عنہ کے نزدیک سورۂدخان میں،
جس دھوئیں کا تذکرہ کیا گیا ہے،
اس سے مراد وہ خیالی اور تصوراتی دھواں ہے،
جو قریش مکہ کو بھوک کی وجہ سے نظر آتا تھا،
حالانکہ قرآن میں جس دھوئیں کا تذکرہ ہے،
وہ حقیقی اور صریح دھواں ہے،
جو سب لوگوں کو نظر آئے گا،
اس لیے حافظ ابن کثیر رحمہُ اللہُ نے اس سے قیامت والا دھواں ہی مراد لیا ہے،
حضرت ابن عباس اور حضرت علی رضی اللہ عنہ کا قول بھی یہی ہے اور آگے حضرت حذیفہ بن اسید رضی اللہ عنہ کی مرفوع روایت آرہی ہے،
وہ بھی اس کے مؤید ہے اور بعض ضعیف احادیث میں،
یہی بات مختلف صحابہ سے منقول ہے،
اسی طرح بطشۂ کبریٰ سے مراد،
حضرت ابن مسعود کے نزدیک بدر کا دن ہے،
جبکہ دوسری تفسیر کے مطابق قیامت کی پکڑ مراد ہے اور حافظ ابن کثیر نے،
حضرت عبداللہ بن مسعود کے اس اعتراض کہ کیا قیامت کا عذاب کچھ وقت کے لیے ہٹایا جائے گا،
کایہ جواب دیا ہے کہ اس سے مراد یہ ہے،
گر ہم تم سے عذاب ہٹا دیں اور تمہیں پھر دنیا میں لوٹا دیں تو تم پھر بھی وہی کفر کرو گے،
جو پہلے کرتے تھے،
كاشف العذاب سے مراد یہ ہے کہ اگرچہ عذاب آنے کے اسباب مکمل ہو چکے ہیں اور عذاب تمہارے قریب آچکاہے،
مگر کچھ روز کے لیے ہم اسے مؤخر کردیتےہیں،
جیسا کہ حضرت یونس علیہ السلام کی قوم پر عذاب آیا نہیں تھا،
صرف عذاب کے آثار نظر آئے تھے،
لیکن قرآن میں اس کو كَشَفْنَا عَنْهُمُ الْعَذَابَ (ہم نے ان سے عذاب ہٹا دیا)
سے تعبیر کیا ہے۔
تحفۃ المسلم شرح صحیح مسلم 7066