🏠 👥 🔍 🧩 🅰️ 📌 ↩️

شیخ الحدیث مولانا عبد العزیز علوی حفظ اللہ
حدیث حاشیہ: فوائد ومسائل: اس حدیث سے ثابت ہوتا ہے، (1) ہمیں آپ نے ان باتوں کی تعلیم دی...
حدیث حاشیہ:
فوائد ومسائل:
اس حدیث سے ثابت ہوتا ہے،
(1)
ہمیں آپ نے ان باتوں کی تعلیم دی ہے،
جن کے ہم محتاج تھے،
لیکن ان سے ناواقف تھے۔
(2)
حلال و حرام ٹھہرانا اللہ کا حق ہے،
بندوں کو اپنے طور پر کسی چیز کے حرام ٹھہرانے کا حق حاصل نہیں ہے۔
(3)
اللہ تعالیٰ نے تمام انسانوں کو حنیف یعنی اللہ کے لیے یکسو ہونے والے،
اس کی اطاعت و فرمانبرداری کی استعداد رکھنے والے بنایا ہے۔
(4)
انسان کفروشرک اور معصیت و نافرمانی کا راستہ شیطان کے پیچھے لگ کر اختیار کرتا ہے،
وہی اس کو دین سے برگشتہ کرتا ہے۔
(5)
رسواللہ صلی اللہ علیہ وسلم کی بعثت کے وقت تمام عرب و عجم چند اہل کتاب کے سوا عقیدہ اور عمل کے فساد کا شکار تھے اور اللہ کی ناراضی کا مستحق تھے،
ایسے حالات میں اللہ تعالیٰ نے آپ کو مبعوث فرمایا،
جس میں آپ کا اور لوگوں کا امتحان ہے کہ کون اپنا اپنا فرض اور ذمہ داری کس انداز میں ادا کرتا ہے۔
(6)
اللہ تعالیٰ نے آپ پر ایسی کتاب نازل فرمائی،
جو لوگوں کے سینوں میں محفوظ ہو جانے والی ہے،
جس کی محبت دلوں میں اس قدر جاگزین ہے کہ اس سے محبت کرنے والے ان کو سوتے اور جاگتے دونوں حالتوں میں پڑھتے ہیں۔
(7)
اللہ تعالیٰ گرم و سرد تمام حالات میں اپنے نبی کی مدد فرماتا ہے اور اس کو ضرورت کے تمام اسباب ووسائل مہیا فرماتا ہے۔
(8)
جنتیوں اور دوزخیوں کے خصائل اور عادات کو بیان کیا،
اس آئینہ میں ہر انسان اپنا چہرہ دیکھ سکتا ہے۔
تحفۃ المسلم شرح صحیح مسلم 7207