🏠 👥 🔍 🧩 🅰️ 📌 ↩️

شیخ الحدیث مولانا عبد العزیز علوی حفظ اللہ
حدیث حاشیہ: فوائد ومسائل: یہ آیت مبارکہ دو عیدوں کے دن، میدان عرفات میں اتری، ہفتہ کی عید یعنی...
حدیث حاشیہ:
فوائد ومسائل:
یہ آیت مبارکہ دو عیدوں کے دن،
میدان عرفات میں اتری،
ہفتہ کی عید یعنی جمعہ کا دن تھا اور سالانہ عید،
عرفہ کا دن تھا اور مسلمانوں کے لیےیہ دونوں عید کے دن ہیں،
کیونکہ عرفہ کادن،
عیدالاضحیٰ کا پیش خیمہ ہے اور مسلمانوں کا سب سےبڑا اجتماع ہے،
اسی دن عرفات کے میدان میں ہوتا ہے،
اپنے طور پر عید کا دن مقرر کرنے کی ضرورت ہی نہیں ہے۔
بعض حضرات نے اس حدیث سےاستدلال کرتے ہوئے لکھا ہے،
(اس سے معلوم ہوا کہ کسی دینی کامیابی کےدن کو خوشی کا دن مناناجائز اور صحابہ سے ثابت ہے،
ورنہ حضرت عمرو،
ابن عباس رضی اللہ عنھم صاف فرمادیتے کہ جس دن کوئی خوشی کاواقعہ ہواس کی یادگار قائم کرنا اور اس روز کو عید منانا ہم بدعت جانتےہیں،
اس سے ثابت ہوا کہ عید میلاد منانا جائز ہے،
کیونکہ وہ اعظم نعم الٰہیہ کی یادگار و شکر گزاری ہے۔
''(خزائن العرفان از مولانا نعیم مراد آبادی،
ص171)
سوال یہ ہے کہ اگر کسی خوشی کے واقعہ کی یادگار قائم کرنااور اس روز کو عید مناناصحابہ کرام کے نزدیک جائز تھا،
تو انہوں نے ہر سال تکمیل قرآن کی یادگار کیوں نہیں منائی اور اس کے لیے عید والا جشن کیوں قائم نہ کیا اور کیا آج مسلمان تکمیل قرآن کا جشن،
نوذالحجہ کو مناتے ہیں اور عید میلادالنبی کی طرح جلسے اور جلوس نکالتے ہیں،
صحابہ کرام نے غزوہ بدر کا جشن منایا،
فتح مکہ کے دن کو عیدکا دن قرار پایایاعیدمیلادالنبی کےلیے،
آپ کی پیدائش کے دن کو عید کا دن قرار دیا،
ائمہ اربعہ میں سے کسی نے کسی تیسری عید کی نشان دہی کی اور عیدین کی طرح اپنی کتابوں میں اس کے لیے ابواب قائم کیے؟عیدالفطر اور عیدالاضحیٰ اللہ تعالیٰ کی مقرر کردیں ہیں اسی طرح عرفہ اور جمعہ کا دن پہلے سے عید کا دن ہے نہ کہ قرآن کے نزول کی تکمیل کے بعد۔
تحفۃ المسلم شرح صحیح مسلم 7525