الشیخ عمر فاروق سعیدی حفظہ اللہ
507۔ اردو حاشیہ : حضرت صرمہ کا قصہ مسند احمد 5/246۔ 247 میں یوں ہے۔ ایک صحابی جن کا...
507۔ اردو حاشیہ:
حضرت صرمہ کا قصہ مسند احمد 5/246۔ 247 میں یوں ہے۔ ایک صحابی جن کا نام صرمہ تھا۔ سارا دن روزے کی حالت میں کام کرتے رہے۔ جب شام ہوئی تو اپنے گھر والوں کے پاس آئے۔ اور کچھ کھائے پیئے بغیر نماز عشاء پڑھ کر سو گئے۔ حتیٰ کہ صبح ہو گئی اور روزہ رکھ لیا۔ نبی کریم صلی اللہ علیہ وسلم نے انہیں دیکھا کہ وہ ازحد نڈھال تھے۔ آپ صلی اللہ علیہ وسلم نے پوچھا: تمہیں کیا ہوا ہے کہ اس قدر نڈھال ہو رہے ہو۔؟ انہوں نے بتایا کہ اے اللہ کے رسول! میں کل سارا دن کام کرتا رہا۔ جب واپس آیا تو بس اپنے آپ کو ڈال دیا۔ اور سو گیا اور صبح ہو گئی۔ تو اس طرح روزہ رکھ لیا۔ راوی نے کہا کہ حضرت عمررضی اللہ عنہ بھی کچھ سو لینے کے بعد اپنی کسی بیوی یا لونڈی کے پاس آئے۔۔۔ اور پھر رسول اللہ صلی اللہ علیہ وسلم کو اپنا قصہ بتایا تو اللہ تعالیٰ نے یہ آیت نازل فرمائی۔ «أُحِلَّ لَكُمْ لَيْلَةَ الصِّيَامِ الرَّفَثُ إِلَىٰ نِسَائِكُمْ» تمہارے لئے حلال ہے کہ تم روزے کی رات میں اپنی بیویوں سے ہم بستر ہو سکتے ہو۔ وہ تمہارا لباس ہیں اور تم ان کا لباس ہو۔ اللہ کو معلوم ہے کہ تم اپنی جانوں کی خیانت کرتے تھے۔ تو اس نے معاف کیا اور درگزر کیا۔ سو مباشرت کرو اپنی عورتوں سے اور جو اللہ نے تمہارے لئے لکھ دیا ہے اسے طلب کرو۔ اور کھاؤ پیو حتیٰ کے صبح کی سفید دھاری سیاہ دھاری سے نمایاں نظرآنے لگے۔ پھر رات تک روزہ پورا کرو۔ عون المبعود ملحوظه۔ حديث 506 اور 5067 کو ہمارے فاضل شیخ زبیر علی زئی رحمہ اللہ نے سنداً ضعیف قرار دیا ہے۔ لیکن ان کے بعض شواہد حدیث میں موجود ہیں۔ غالباً انہیں شواہد کی وجہ سے شیخ البانی رحمہ اللہ نے ان دونوں حدیثوں کی تصیح کی ہے۔ مزید تفصیل کے لئے دیکھئے: الموسوعة الحدیثیة۔ 436/36، 442۔
حضرت صرمہ کا قصہ مسند احمد 5/246۔ 247 میں یوں ہے۔ ایک صحابی جن کا نام صرمہ تھا۔ سارا دن روزے کی حالت میں کام کرتے رہے۔ جب شام ہوئی تو اپنے گھر والوں کے پاس آئے۔ اور کچھ کھائے پیئے بغیر نماز عشاء پڑھ کر سو گئے۔ حتیٰ کہ صبح ہو گئی اور روزہ رکھ لیا۔ نبی کریم صلی اللہ علیہ وسلم نے انہیں دیکھا کہ وہ ازحد نڈھال تھے۔ آپ صلی اللہ علیہ وسلم نے پوچھا: تمہیں کیا ہوا ہے کہ اس قدر نڈھال ہو رہے ہو۔؟ انہوں نے بتایا کہ اے اللہ کے رسول! میں کل سارا دن کام کرتا رہا۔ جب واپس آیا تو بس اپنے آپ کو ڈال دیا۔ اور سو گیا اور صبح ہو گئی۔ تو اس طرح روزہ رکھ لیا۔ راوی نے کہا کہ حضرت عمررضی اللہ عنہ بھی کچھ سو لینے کے بعد اپنی کسی بیوی یا لونڈی کے پاس آئے۔۔۔ اور پھر رسول اللہ صلی اللہ علیہ وسلم کو اپنا قصہ بتایا تو اللہ تعالیٰ نے یہ آیت نازل فرمائی۔ «أُحِلَّ لَكُمْ لَيْلَةَ الصِّيَامِ الرَّفَثُ إِلَىٰ نِسَائِكُمْ» تمہارے لئے حلال ہے کہ تم روزے کی رات میں اپنی بیویوں سے ہم بستر ہو سکتے ہو۔ وہ تمہارا لباس ہیں اور تم ان کا لباس ہو۔ اللہ کو معلوم ہے کہ تم اپنی جانوں کی خیانت کرتے تھے۔ تو اس نے معاف کیا اور درگزر کیا۔ سو مباشرت کرو اپنی عورتوں سے اور جو اللہ نے تمہارے لئے لکھ دیا ہے اسے طلب کرو۔ اور کھاؤ پیو حتیٰ کے صبح کی سفید دھاری سیاہ دھاری سے نمایاں نظرآنے لگے۔ پھر رات تک روزہ پورا کرو۔ عون المبعود ملحوظه۔ حديث 506 اور 5067 کو ہمارے فاضل شیخ زبیر علی زئی رحمہ اللہ نے سنداً ضعیف قرار دیا ہے۔ لیکن ان کے بعض شواہد حدیث میں موجود ہیں۔ غالباً انہیں شواہد کی وجہ سے شیخ البانی رحمہ اللہ نے ان دونوں حدیثوں کی تصیح کی ہے۔ مزید تفصیل کے لئے دیکھئے: الموسوعة الحدیثیة۔ 436/36، 442۔
سنن ابی داود شرح از الشیخ عمر فاروق سعیدی 507