🏠 👥 🔍 🧩 🅰️ 📌 ↩️

الشیخ عمر فاروق سعیدی حفظہ اللہ
523۔ اردو حاشیہ : ➊ جواب اذان کا حکم استحباب پر محمول ہے اور شرعی عذر کے علاوہ تمام...
523۔ اردو حاشیہ:
➊ جواب اذان کا حکم استحباب پر محمول ہے اور شرعی عذر کے علاوہ تمام کیفیتوں میں اس کا جواب دینا چاہیے۔ حدث، جنابت اور حیض اس سے مانع نہیں ہیں۔ نیز اقامت کا جواب بھی اس سے ماخوذ ہے۔ [امام نووي]
➋ جواب ہر کلمہ پر دینا چاہیے نہ کہ اذان مکمل ہونے پر تاہم ساتھ ساتھ جواب دینے میں کوئی معقول رکاوٹ ہو تو آخر میں اذان کا مکمل جواب دے کر دعایئں پڑھ لے۔ دعوت عمل میں ترغیب و تشویش کا پہلو پیش نظر رکھنا چاہیے۔ نبی کریم صلی اللہ علیہ وسلم نے درود پڑھنے کا اجر اسی پہلو سے ارشاد فرمایا ہے۔
➌ اعمال میں اخلاص شرط ہے۔

ملحوظہ۔ تعجب ہے کہ بدعتی لوگ اپنی دعاؤں میں رسول اللہ صلی اللہ علیہ وسلم کے غیر مشروع وسیلے پر اصرار کرتے ہیں۔ حالانکہ رسول اللہ صلی اللہ علیہ وسلم اپنی امت سے مطالبہ فرما رہے ہیں کہ میر لئے وسیلے کا اللہ سے سوال کرو۔
سنن ابی داود شرح از الشیخ عمر فاروق سعیدی 523